

Shëndeti
Si ndikoi pandemia në rritjen e presionit të gjakut?
Një studim i fundit, shpalos disa të reja sa i përket presionit të gjakut.
Published
4 years agoon
By
UBT newsSipas ekspertëve të fushës së mjekësisë, me presion të lartë të gjakut kuptohet presioni që gjaku ushtron tek muret arteriale.
Mjekët masin presionin e gjakut në dy pika: kur zemra e një personi pompon dhe kur zemra pushon midis rrahjeve.
Nëse një person ka presion të lartë gjaku, i njohur gjithashtu si hipertension, ai është në një rrezik më të madh për të pësuar goditje në tru ose për të pasur sëmundje të zemrës.
Presioni i lartë i gjakut ose hipertensioni gjithashtu mund të dëmtojë mëlçinë, sytë dhe trurin.
Një person mund të ruajë nivelin normal të presionit të gjakut duke reduktuar kripën, duke konsumuar më shumë fruta dhe perime, duke bërë ushtrime rregullisht, duke shmangur duhanin dhe kufizuar konsumin e alkoolit.
Gjatë pandemisë shumë njerëz nuk i respektuan këto këshilla, pasi ajo ndërpreu rutinën e tyre në mënyrë të mënjëhershme. Prandaj studiuesit në SHBA bënë disa hulumtime për të parë nëse kjo dha ndonjë një efekt në nivelet e presionit të gjakut.
Çfarë zbuloi studimi?
Studiuesit zbuluan se para pandemisë nuk kishte pasur asnjë ndryshim të rëndësishëm në presionin e gjakut. Por kjo ndryshoi gjatë pandemisë, ku presioni i gjakut u rrit ndjeshëm tek gratë dhe burrat e moshave të ndryshme.
Dr. Luke Laffin, autori kryesor i studimit, tha se ndryshimet në regjimin ushqimor, mungesa e aktivitetit fizik, obeziteti, konsumi i tepruar i alkoolit dhe mosmarrja e medikamenteve për presionin e gjakut mund të jenë arsyeja e ndryshimit.
Gjatë pandemisë shumë pacientë hezituan të vizitojnë mjekun, konsumi i alkoolit u rrit dhe njerëzit nuk kryen mjaftueshëm aktivitet fizik.
Sipas përfundimit të studimit, ndryshimet dhe kufizimet e vendosura në përgjigje të pandemisë kanë ndikuar në rritjen e presionit të gjakut. Efekti është veçanërisht i madh tek femrat dhe ka gjithashtu një rritje të paparashikuar edhe tek të rinjtë.
Për shumë studiues dhe pse studimi ishte i bazuar në SHBA, ai ka rëndësi në shkallë globale. Ky mund të jetë një sinjal paralajmërues se shëndeti i dobët kardiovaskular mund të jetë një problem i madh në të ardhmen./AgroWeb.org
Shëndeti
COVID-19 mbetet kërcënim, por marrja e vaksinës është sfidë për shumë njerëz
Published
2 hours agoon
September 18, 2025By
UBT News
Edhe pse pandemia e COVID-19 ka qenë prezente për më shumë se tre vjet, virusi vazhdon të përbëjë një kërcënim serioz për shëndetin publik.
Shumë njerëz, megjithatë, nuk kanë mundësi të lehtë për të marrë vaksinën, pavarësisht se ajo është një nga mënyrat më efektive për të parandaluar sëmundjen serioze dhe për të zvogëluar përhapjen e virusit.
Shkaqet për këtë vështirësi janë të ndryshme. Disa njerëz jetojnë në zona me qasje të kufizuar ndaj qendrave të vaksinimit, ndërsa të tjerë përballen me sfida ekonomike që i pengojnë të udhëtojnë ose të paguajnë për shërbimet shëndetësore.
Mungesa e informacionit të saktë për vaksinën ose dezinformatat rreth sigurisë së saj gjithashtu ndikojnë që disa të hezitojnë të vaksinohen.
Ekspertët paralajmërojnë se edhe niveli i ulët i vaksinimit rrit rrezikun e shpërthimeve të reja e shton presionin mbi sistemin shëndetësor.
Autoritetet e shëndetësisë rekomandojnë lehtësimin e aksesit, informimin e saktë dhe mbështetjen logjistike për të arritur grupet që kanë më shumë vështirësi. Vaksinimi mbetet një mjet kryesor për të mbrojtur individët e komunitetet, por pandemia tregon se nuk mjafton vetëm të ketë vaksina duhet edhe të sigurohet që të gjithë të kenë mundësinë reale për t’i marrë ato. /A.Z/UBT News/Sciencenews.org/
Shëndeti
Si të qetësoni fryrjen dhe të pastroni zorrët në mënyrë natyrale?
Published
3 hours agoon
September 18, 2025By
UBT News
Shumë njerëz vuajnë nga fryrja e barkut dhe gazrat, të cilat shpesh lidhen me zakonet e ushqimit dhe stilin e jetesës.
Disa nga shkaktarët janë: Konsumi i tepërt i alkoolit, ushqimet e shpejta dhe ëmbëlsirat industriale, që ngarkojnë sistemin tretës dhe prishin ekuilibrin e zorrëve. Pastrimi i zorrëve dhe rikthimi i funksionit normal nuk kërkon trajtime të shtrenjta ose barna që kanë efekte anësore.
Një mënyrë e thjeshtë, natyrale dhe e përballueshme është përgatitja e një çaji detox në shtëpi.
Përbërësit e çajit:
½ lugë shafran i Indisë (kurkumë) – ka veti anti-inflamatore dhe antibakteriale, që ndihmojnë në qetësimin e zorrëve dhe përmirësimin e tretjes. Një majë piper i zi – përmirëson përthithjen e kurkumës në trup dhe nxit metabolizmin.
½ lugë pluhur xhenxhefili – i njohur për efektet e tij kundër nauzës, gazrave dhe fryrjes, stimulon qarkullimin.
1 lugë mjaltë natyral – jo vetëm që ëmbëlson çajin, por vepron edhe si antibakterial natyral dhe qetësues për mukozën e zorrëve.
Si përgatitet:
Në një gotë ujë të nxehtë shtoni shafranin e Indisë, xhenxhefilin dhe piperin e zi.
Përzieni mirë e lërini për pak minuta.
Pas ftohjes së lehtë, shtoni një lugë mjaltë.
Pini këtë çaj një herë në ditë, më së miri në mëngjes me stomak bosh ose pas një vakti të rëndë.
Përfitimet:
Qetëson barkun e fryrë dhe ul formimin e gazrave.
Ndihmon në detoksifikimin e zorrëve, duke lehtësuar kalimin e ushqimit dhe toksinave.
Përmirëson metabolizmin dhe mund të ndihmojë në mbajtjen e një peshe të shëndetshme.
Forcon imunitetin, falë vetive antioksiduese dhe anti-inflamatore të përbërësve.
Ky çaj i thjeshtë, i bërë me disa përbërës të zakonshëm, mund të kthehet në zakon të përditshëm për ata që duan të mbajnë një sistem tretës të shëndetshëm dhe të ndihen më lehtë gjatë ditës.
Shëndeti
Fruti që duhet shmangur dhe ato që përmirësojnë shëndetin e zorrëve
Published
6 hours agoon
September 18, 2025By
UBT News
Zgjedhja e frutave që konsumojmë ndikon në nivelet e energjisë, sheqerin në gjak dhe shëndetin e sistemit tretës.
Një nga gastroenterologët më të njohur, Dr. Saurabh Sethi (me diplomë në Harvard), ka renditur dhjetë fruta të zakonshme sipas dobisë ose dëmshmërisë për shëndetin e zorrëve, duke zbuluar edhe një frut që ai e shmang për të parandaluar inflamacionin.
Frutat që nuk i rekomandon
Në fund të listës janë bananet e tepërta të pjekura, një zgjedhje mëngjesi për miliona njerëz. Dr. Sethi shpjegon se këto banane rrisin sheqerin në gjak, ndërkohë që ofrojnë më pak lëndë ushqyese për bakteret e mira të zorrëve.
Studimet tregojnë se gjatë procesit të pjekjes, banania humb niseshtenë rezistente dhe fibrat bimore, ndërsa rritet niveli i sheqerit.
Niseshteja rezistente, që gjendet më shumë në bananet gjysmë të gjelbra, nuk tretet në zorrën e hollë, por fermentohet në zorrën e trashë, duke ushqyer bakteret e dobishme dhe duke mos rritur glukozën në gjak.
Bananet të pjekura hyjnë në “listën e zezë” të Dr. Sethi-t. Bananet të gjelbra janë më të pasura me fibra e marrin vlerësim mesatar, pasi ndihmojnë tretjen, parandalojnë kapsllëkun dhe ulin rrezikun e disa sëmundjeve kronike si diabeti i tipit 2 dhe kanceri i zorrës së trashë.
Frutat që favorizojnë shëndetin e zorrëve
Kivi – Një burim i shkëlqyer fibrash të tretshme, që lehtësojnë kapsllëkun dhe nxisin jashtëqitje të rregullt.
Boronicat – U renditën të parat nga Dr. Sethi, falë sasisë së lartë të antioksidantëve që ndihmojnë trupin të luftojë radikalet e lira, të lidhura me diabetin dhe kancerin.
Shega – Përmban polifenole të fuqishme që reduktojnë inflamacionin, duke ulur rrezikun për sëmundje të zemrës.
Studime të Universitetit të Barcelonës kanë treguar se një dietë e pasur me polifenole (nga manaferrat e errëta, arrat, kakao dhe vaji i ullirit) ul deri në 46% rrezikun e sëmundjeve kardiovaskulare.
Fruta me efekt mesatar
Në mes të listës gjenden pjepri, dardha dhe molla, ndërsa rrushi dhe portokalli morën vlerësime më të ulëta.
Rrushi është i pasur me vitaminë C dhe kalium, por krahasuar me frutat tjera ka vlera më të kufizuara ushqyese.
Portokalli ka vitaminë C, folat dhe antioksidantë, por konsumimi i tepërt mund të ketë pasoja negative. Studime të botuara në British Journal of Dermatology tregojnë një lidhje mes konsumit të lartë të agrumeve dhe rrezikut të shtuar për kancer të lëkurës, për shkak të vetive fotosensitive të këtyre frutave.
Vitamina C është thelbësore për shëndetin e lëkurës, enëve të gjakut, kockave dhe kërceve. Mungesa çon në sëmundje si skorbuti.
Sipas të dhënave të Shërbimit Shëndetësor Britanik, nevojat ditore për vitaminë C plotësohen vetëm me ushqim, por në disa raste rekomandohen edhe suplemente.
Aktualitet
UBT hap thirrjen për abstrakte në Konferencën Ndërkombëtare të Stomatologjisë
Published
21 hours agoon
September 17, 2025By
Driton Iseni
UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare për Stomatologji (IC-DS 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-të.
Kjo konferencë synon të bashkojë studiues, profesionistë dhe praktikues të fushës së stomatologjisë nga vende të ndryshme të botës, për të ndarë njohuri, përvoja dhe rezultatet më të fundit kërkimore në këtë fushë gjithnjë në zhvillim.
Fokusimi tematik
IC-DS 2025 mbulon një spektër të gjerë temash nga fusha e shkencave dentare dhe disiplinave të ndërlidhura, përfshirë:
- Stomatologji e Përgjithshme
- Mjekësi Orale
- Kërkime në Stomatologji
- Inovacione dhe Avancime në Stomatologji
- Stomatologji me Laser
- Nano-Stomatologji
- Stomatologji Kozmetike
- Kirurgji Orale dhe Maksilofaciale
- Stomatologji Pediatrike
- Shëndeti Publik Dentar
- Stomatologji Restauruese
- Anesteziologji Dentare
- Higjiena Dentare
- Pedodontikë dhe Stomatologji Preventive
- Ortodontikë dhe Ortopedi Dentofaciale
Datat e rëndësishme për aplikuesit:
Dorëzimi i abstrakteve: deri më 10 tetor 2025
Njoftimi për pranim: më 17 tetor 2025
Rishikimi shkencor (peer-reviewed): më 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimeve të plota: deri më 14 nëntor 2025
Dorëzimi i punimeve
Punimet që do të prezantohen në konferencë duhet të jenë origjinale, të papublikuara më parë dhe të mos jenë në shqyrtim në ndonjë konferencë apo revistë tjetër. Gjatësia maksimale e punimit është 6 faqe.
Të gjitha punimet që nuk përputhen me formatin e kërkuar do të refuzohen automatikisht. Për udhëzime më të detajuara rreth formatimit dhe dorëzimit, pjesëmarrësit inkurajohen të vizitojnë faqen zyrtare të konferencës në faqen e UBT-së.
UBT ka kënaqësinë t’i ftojë të gjithë të interesuarit – akademikë, profesionistë të shëndetit, studiues dhe studentë – të marrin pjesë në IC-DS 2025 dhe të kontribuojnë me punimet e tyre në këtë ngjarje me karakter ndërkombëtar dhe me rëndësi të veçantë për zhvillimin e shkencave dentare në rajon dhe më gjerë.
Për më shumë informacione, vizitoni faqen zyrtare të konferencës në UBT: KONFERENCA E UBT-së

Spanja diskuton tërheqjen nga Botërori 2026 nëse kualifikohet Izraeli

Pse Apple po tërheq disa modele të vjetra?

Rektori i UBT-së, folës kryesor në Konferencën Shkencore Ndërkombëtare të Institutit Pedagogjik të Kosovës

Bella Hadid shqetëson ndjekësit me postime nga shtrati i spitalit

E konfirmuar: U dha drita jeshile për shitjen e stadiumit San Siro

COVID-19 mbetet kërcënim, por marrja e vaksinës është sfidë për shumë njerëz

Paul Williams përfundon dëshminë në Hagë

Franca në protesta kundër buxhetit të 2026

Krasniqi takon ambasadoren greke, flasin për zhvillimet politike në vend
Të kërkuara
-
Aktualitet3 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26