Mund ta dini ose jo, por aktori i shumënjohur Ashton Kutcher ka një binjak i cili quhet Micheal, përcjell UBT News.
Nëna e Ashton dhe Michael, Diane, i tha Oprah-t në vitin 2005, “Michael dhe Ashton kanë një lidhje të mirë. Ata të dy ishin djemtë më të djallëzuar kur ishin të vegjël”.
Ashton dhe Micheal
Në një intervistv me Today Parents, Michael u shpreh se si ishte ndjerë kur Ashton zbuloi se ai kishte paralizë cerebrale në një intervistë televizive në 2003. Paraliza cerebrale është “një grup çrregullimesh që ndikojnë në ekuilibrin, lëvizjen dhe tonin e muskujve”.
“Isha shumë i zemëruar. Shumë i zemëruar. Mbaj mend që fola me të për këtë”, tha Michael. “Unë nuk doja të isha fytyra e CP. Nuk kam folur kurrë për të”, vazhdoi ai.
Megjithatë, Michael tha se ai e fali Ashton për shkak të mënyrës sesi zbulimi i Ashton ia ndryshoi në të vërtetë jetën për të mirë. “[Ashton] më bëri favorin më të madh që ka bërë ndonjëherë sepse më lejoi të jem vetvetja”, tha ai.
Michael vazhdoi të tregojë se sa mbështetës dhe mbrojtës ka qenë Ashton ndaj tij që kur ishin të rinj, transmeton UBT News.
Micheal dhe Ashton
“Unë i kisha të gjitha stereotipet që vijnë me paaftësinë. Më thërrisnin çdo emër në shesh lojërash. E kisha të vështirë të bëja miq”, tha ai. “Por e kisha [Ashton] atje për të më ndihmuar dhe mbështetur”.
Micheal tregoi një histori për një kohë kur ai u bullizua nga një grup dhunuesish dhe Ashton e mbrojti atë. “Vëllai im u grind me ta. Ai u ngrit për mua. Ai donte që ata të më trajtonin me respekt. Dhe kjo për mua ka shumë vlerë”.
Sa i përket vitit 2021, Michael po jeton jetën e tij më të mirë në Kolorado me gruan dhe tre fëmijët e tij.
Ai është gjithashtu një zëdhënës i Fondacionit të Paralizës Cerebrale dhe një këshilltar i Joshin, i cili është një aplikacion që ndihmon familjet të gjejnë “kujdestarë apo dado” për ata që jetojnë me aftësi të kufizuara./UBTNews/
Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.
Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.
‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.
Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.
Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.
Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.
Ky akt përkujton sakrificat e viktimave të luftës dhe mundëson nderimin dhe kujtimin e tyre.
Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.
Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.
Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.
Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.
Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.