Lajmet
Shumica e tifozëve duan që FIFA të kompensojë punëtorët migrantë të Katarit për shkelje të të drejtave
Nga ata që thanë se kishin të ngjarë të shikonin të paktën një ndeshje, 84 përqind e mbështetën propozimin.
Published
2 years agoon
By
UBT newsShumica e tifozëve të Kupës së Botës mbështesin kompensimin nga FIFA për punëtorët migrantë për shkak të abuzimit të të drejtave gjatë përgatitjeve për turneun 2022 në Katar, tregoi një sondazh i porositur nga Amnesty International.
Katari është përballur vazhdimisht me kritika sa i përket kushteve për punëtorët migrantë, por këmbëngul se ka bërë përmirësime të mëdha në vitet e fundit.
Sondazhi i YouGov anketoi më shumë se 17,000 të rritur nga 15 vende – kryesisht në Evropë, por edhe në Shtetet e Bashkuara, Meksikë, Argjentinë, Marok dhe Kenia, tha Amnesty në një deklaratë.
73 për qind e të anketuarve thanë se “mbështesin fuqimisht” ose “priren të mbështesin” që organi qeverisës i futbollit të përdorë disa nga të ardhurat e tij nga Kupa e Botës 2022 për të kompensuar punëtorët migrantë.
Nga ata që thanë se kishin të ngjarë të shikonin të paktën një ndeshje, 84 përqind e mbështetën propozimin.
“Ka ende kohë që FIFA të bëjë gjënë e duhur”, tha Steve Cockburn i Amnesty në një deklaratë duke i bërë thirrje asaj “të krijojë një program rehabilitimi… përpara se të fillojë turneu” më 20 nëntor.
“Mbështetësit nuk duan një Kupë Botërore që është njollosur në mënyrë të pashlyeshme nga abuzimet e të drejtave të njeriut”, shtoi Cockburn.
Në përgjigje, FIFA tha se mori parasysh sondazhin, por paralajmëroi se “të anketuarit mund të mos jenë plotësisht të vetëdijshëm për masat e zbatuara vitet e fundit nga FIFA dhe partnerët e saj në Katar për të mbrojtur punëtorët e përfshirë”.
“Punëtorët janë kompensuar në forma të ndryshme ku kompanitë nuk kanë arritur të respektojnë standardet e mirëqenies së punëtorëve”, thuhet në një deklaratë.
“FIFA do të vazhdojë përpjekjet e saj për të mundësuar kompensimin e punëtorëve që mund të jenë ndikuar negativisht në lidhje me punën e lidhur me Kupën e Botës FIFA”.
Katari është përballur me akuza për raportim jo korrekt të vdekjeve dhe lëndimeve midis punëtorëve migrantë dhe se nuk ka bërë sa duhet për të lehtësuar kushtet e vështira. Pagat e papaguara gjithashtu tema të cilat janë ngritur shpesh./UBTNew/
Bota
Von der Leyen: Bashkëpunimi BE-SHBA në interes dypalësh
Published
2 hours agoon
January 22, 2025By
UBT NEWSVon der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.
Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.
Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/
Lajmet
Kontingjenti i FSK-së, pjesë e ushtrimit “Winter EX 2025” në Turqi
Published
2 hours agoon
January 22, 2025By
UBTNewsKontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).
FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.
Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.
Lajmet
Delegacioni presidencial pjesëmarrës në inaugurimin e Presidentit të 47-të të SHBA-ve
Published
2 hours agoon
January 22, 2025By
UBTNewsDelegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.
Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.
Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.
Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.
Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.
Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.
Lajmet
Lajçak: Marrëveshja e Ohrit hapi rrugën drejt normalizimit të raporteve Kosovë – Serbi
Published
3 hours agoon
January 22, 2025By
UBT NEWSMiroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.
Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.
Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/
Nxënësit e UBT-së dhe studentët e psikologjisë organizojnë aktivitete edukative dhe kreative për fëmijët e kopshtit “Borëbardha”
“Ka vetëm dy gjini”- DASH mbyll faqen ku përzgjidhej gjinia “X” në pasaportë
Trump kërcënon BE-në dhe Kinën me tarifa nga 1 shkurti
Von der Leyen: Bashkëpunimi BE-SHBA në interes dypalësh
Kontingjenti i FSK-së, pjesë e ushtrimit “Winter EX 2025” në Turqi
Delegacioni presidencial pjesëmarrës në inaugurimin e Presidentit të 47-të të SHBA-ve
Lajçak: Marrëveshja e Ohrit hapi rrugën drejt normalizimit të raporteve Kosovë – Serbi
Peshkopi Episkopal i Uashingtonit kritikon publikisht Trumpin
Elena Gjika, shqiptarja e shquar e shekullit të 19-të
Të kërkuara
-
Bota3 months ago
Trump premton paqe në Liban nëse rikthehet në Shtëpinë e Bardhë
-
Bota3 months ago
Koreja e Veriut rrit frikën në botë, lëshon raketën e re balistike ndërkontinentale
-
Bota2 months ago
“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months ago
Rektori Hajrizi: Çdo sukses i joni është një sukses për Kosovën!