Sindikata e Bashkuar e Arsimit dhe Shkencës u ka bërë apel mësimdhënësve të Arsimit Parauniversitar që të mos nënshkruajnë kontratat e reja të punës. Sipas SBASHK-ut, versionet që ata i posedojnë janë më të pafavorshme se kontratat ekzistuese dhe se s’janë në përputhshmëri me Udhëzimin Administrativ të vitit 2015.

“Versionet që po qarkullojnë e që i posedon SBASHK-u janë më të pafavorshme se kontratat ekzistuese dhe nuk janë në përputhshmëri me UA10/2015 për kontratat e punës për mësimdhënësit e Arsimit Parauniversitar. Prandaj kërkojmë nga komunat që të ndalin presionin ndaj mësimdhënësve për nënshkrimin e këtyre farë versioneve të kontratave të punës që po qarkullojnë. Po ashtu, apelojmë te anëtarësia që kanë kontrata në kohë të pacaktuar të mos i nënshkruajnë këto farë versione të kontratave të punës edhe përkundër presioneve që mund t’i kenë nga punëdhënësit”, thuhet në apelin e SBASHK-ut.

Stephane Dujarric, zëdhënësi i Sekretarit të Përgjithshëm të OKB-së, Antonio Guterres, i ka thënë Al Jazeera-s, “Nuk është tepër vonë për t’u kthyer në diplomaci”.

“Është e qartë se populli i Libanit, populli i Izraelit dhe i rajonit nuk mund të përballojnë një luftë në shkallë të plotë”, tha ai.

Ai shtoi se përfaqësuesit e OKB-së janë në terren për një zgjidhje diplomatike./UBTNews/

Ushtria izraelite ka thënë përmes një deklarate se ka përdorur 2 mijë municione në rreth 1 mijë e 500 sulme që synojnë “objektivat e infrastrukturës terroriste në Libanin jugor dhe thellë brenda territorit libanez”.

Ushtria shtoi se synon “të largojë kërcënimet ndaj civilëve izraelitë dhe të degradonte infrastrukturën dhe aftësitë terroriste të Hezbollahut në Liban”./UBTNews/