Aktualitet

Shtohen gjobat e komunikacionit dhe heqja e patentë shoferit në Ferizaj

Published

on

Drejtoria Rajonale e Policisë në Ferizaj, ka vazhduar aktivitetet e saja në parandalim të aksidenteve në komunikacion.

Sipas Policisë, javën e kaluar kanë ndodhur 46 aksidente trafiku ose 5 më shumë se sa para dy javëve, por nuk kishte të vdekur.

Të lënduar në aksidente ishin 16 persona. Kurse para dy javëve ishin 27 persona.

Policia po ashtu ka njoftuar se gjatë javës së fundit kanë lëshuar 1453 gjoba në komunikacion ose 255 më shumë se sa para dy javëve.

Gjithashtu, është rritur edhe numri i rasteve të hejqes së patentë shoferit. Para dy javëve kanë qenë 34 raste. Kurse gjatë javës që shkoi 53 raste.

“Tani, kur kemi fluks më të madh të automjeteve në rrugë, Drejtoria Rajonale e Policisë në Ferizaj, do të vazhdojë me aktivitete të tilla, me masa të shtuara, me qëllim parandalimin e aksidenteve në komunikacionin rrugor dhe fton qyetatarët që të bashkëpunojnë me policinë. Për të gjitha kundërvajtjet që mund të shkaktohen në komunikacion, qytetarët mund të dërgojnë informata (foto dhe sekuenca), në adresat tona elektronike të policisë. (të dhënat e tyre do të ruhen me konfidencialitet të plotë)”, thuhet në komunikatë.

Aktualitet

Albulena Haxhiu: Kurti do të takohet me Limajn, ka vullnet nga të dyja palët

Published

on

Kandidatja për kryetare të Kuvendit, Albulena Haxhiu, ka thënë se VV dhe NISMA e kanë bërë të qartë se kanë vullnet për bashkëpunim, megjithëse nuk ka asgjë konkrete. Para seancës konstituive të Kuvendit, Haxhiu ka thënë se kryeministri në detyrë, Albin Kurti do të takohet me kreun e NISMA-s, Fatmir Limaj.

Ajo ka shtuar se nuk pret konstituim të Kuvendit as në seancën e 47-të, pasi që sipas saj, opozita s’ka ndryshuar.

“Kryetari jonë, kryeministri Albin Kurti do të ketë takim me kryetarin Limaj. E kemi bërë të qartë që kemi vullnet nga të dyja palët që të vazhdojmë bashkëpunimin, por që ende nuk ka asgjë konkrete”, tha Haxhiu.

“Nuk besoj që do të ketë qëndrim as sot. I kemi përcjellë qëndrimet e opozitës, nuk është se ata kanë ndryshuar, dhe sot, kushdo që vjen në seancë, do të votojë sipas përgjegjësive të tyre kushtetuese dhe sipas asaj që thuhet në aktgjykimin e Gjykatës Kushtetuese. Nuk besoj që do të ketë ndryshim të situatës, fatkeqësisht”, shtoi ajo. /Ekonomia Online

Continue Reading

Aktualitet

IKD: Qeveria përdori disa metoda për kapjen e administratës

Published

on

Hulumtues i lartë në Institutin e Kosovës për Drejtësi (IKD), Gzim Shala tha për dallim nga qeveritë paraprake, që kjo qeveri pikësynim kishte sistemin e zyrtarëve publikë të administratës jo veç thjesht zyrtarin.

“Nëse i shohim të gjitha metodat që janë ndërmarrë deri më tani, krijohet përceptimi se kemi të bëjmë me veprime të strukturuara për kapjen e administratës”, tha Shala, ku sipas tij çështja e politizimit të administratës ishte përmendur edhe në raportet ndërkombëtare në të kaluarën për qeveritë paraprake.

Shala theksoi se problematike është çështja e ushtruesve të detyrës në institucione, ku pozita e ushtruesit të detyrës është më shumë praktike e cila bën përjashtim, ndërsa ai tha se në këtë qeveri kjo ka qenë parim.

“Numri më i madh i pozitave kanë qenë të plotësuara vetëm me ushtrues detyre, qasje kjo e cila është në kundërshtim me parimin e integritetit institucional”, shtoi Shala.

Ai tha se aktualisht është një numër i madh i pozitave që mbahen në mënyrë të kundërligjshme sipas vendimit të Gjykatës Supreme dhe se një praktikë e tillë është në kundërshtim me ligjin dhe standardet ndërkombëtare e cila krijon pasoja edhe në jetën institucionale si dhe në jetën e qytetarëve. /Ekonomia Online

Continue Reading

Bota

New Yorku “nën ujë”, përmbytjet godasin vendin – paralajmërim urgjent në disa shtete

Published

on

Për shkak të shirave të rrëmbyeshëm, në New York u lëshua një paralajmërim për përmbytje, disa rrugë u mbyllën dhe fluturimet u vonuan.

Paralajmërime për përmbytje të menjëhershme janë lëshuar për New York City, Washington, Baltimore, Newark, New Jersey dhe Arlington, Virginia – duke përfshirë Aeroportin Kombëtar Reagan.

Shërbimi Kombëtar i Motit paralajmëroi se përmbytje kërcënuese për jetën ishin të mundshme në Union County perëndimore, New Jersey.

Në Manhattan, ujërat vërshuan edhe metrotë ndërsa pasagjerët ishin në tren, shkruajnë mediat e huaja.

Për më tepër, Qarku Bergen në verilindje të New Jersey dhe Qarku Westchester në New York janë gjithashtu nën paralajmërim për përmbytje të menjëhershme.

Udhëtarët në të gjithë vendin vazhdojnë të përballen me ndërprerje të udhëtimit me 1,966 fluturime të anuluara dhe më shumë se 10,090 të vonuara në të gjithë vendin për shkak të motit, me Bregun Lindor që po përjeton ndikimet më të mëdha për shkak të stuhive.

United Airlines tha në një deklaratë: “Kushtet e rënda të motit po ndikojnë në operacionet në Newark Liberty me një ndalesë tokësore të lëshuar për të menagjuar volumin dhe për të kufizuar mbingarkesën.”

Guvernatori i New Jersey, Phil Murphy, shpalli gjendje të jashtëzakonshme për shkak të përmbytjeve të menjëhershme dhe “nivele të larta të reshjeve në pjesë të shtetit”.

“Ju lutemi qëndroni brenda dhe shmangni udhëtimet e panevojshme”, tha ai në X. /Telegrafi/

Continue Reading

Aktualitet

KQZ në pritje të kandidaturave të subjekteve politike, afati përmbyllet më 13 gusht

Published

on

Partitë politike kryesore në vendin tonë, duket se po veprojnë si në çdo proces tjetër zgjedhor, duke lënë për ditët e fundit dorëzimin e listës së kandidatëve me të cilët do të garojnë në Zgjedhjet për Kryetarë të Komunave dhe për Kuvende Komunale.

Deri më tani, Vetëvendosje, PDK, LDK apo AAK, janë në kërkim të kandidatëve, e që në numër janë shumëfish më shumë se në Zgjedhjet për Kuvendin e Kosovës, pasi bëhet fjalë për dy lloje të zgjedhjeve, për të parin e komunës dhe për asambleistët. Vetëm LDK ka publikuar listën me emrat e të gjithë kandidatëve me të ciët do të garojë në zgjedhjet për të drejtuar komuna të ndryshme të vendit.

Zëdhënësi i KQZ-së, Valmir Elezi, ka thënë se afati i hapur më 26 qershor për aplikim online do të përfundojë më 13 gusht 2025.

“Afati i fundit për aplikim online në KQZ për certifikimin e subjekteve politike që duan të marrin pjesë në Zgjedhjet Lokale është data 13 gusht. Brenda këtij afati, subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë edhe listën me emrat e kandidatëve për kryetarë komunash dhe për anëtarë të kuvendeve komunale”, tha Elezi.

Sipas Elezit, është në vullnetin e subjekteve politike të përcaktohen për llojin e zgjedhjeve dhe për komunat në të cilat duan të garojnë.

Më 12 tetor 2025 do të mbahen zgjedhjet lokale të rregullta, të cilat janë të tetat me radhë për kuvende komunale dhe të gjashtat me radhë për kryetarë të komunave./Ekonomia Online

Continue Reading

Të kërkuara