Teknologji

Shteti i parë, i cili zyrtarisht do të përdorë Bitcoin

Presidenti Nayib Bukele thotë se Bitcoin do ta bëjë më të lehtë për salvadorianët që jetojnë jashtë vendit të dërgojnë pagesa në shtëpi

Published

4 years ago

on

Presidenti i El Salvadorit deklaroi se ai do të bëjë ligjore përdorimin e kriptomonedhës Bitcoin në vend.

Nëse plani i tij mbështetet nga Kongresi, vendi i Amerikës Qendrore do të ishte i pari në botë që do të miratojë zyrtarisht monedhën digjitale. Bitcoin do të përdoret së bashku me dollarin amerikan, monedhën zyrtare të El Salvadorit.

Presidenti Nayib Bukele thotë se Bitcoin do ta bëjë më të lehtë për salvadorianët që jetojnë jashtë vendit të dërgojnë pagesa në shtëpi.

“Në terma afatshkurtër, kjo do të gjenerojë vende pune dhe do të ndihmojë në sigurimin e përfshirjes financiare për mijëra jashtë ekonomisë zyrtare”, tha z. Bukele në një konferencë Bitcoin në Florida, duke shtuar se kjo gjithashtu mund të rritë investimet në vend, transmeton TCH, përcjell Albinfo.ch.

Do të ishte një hap unik dhe i guximshëm, i pari nga një vend sovran, dhe që mund të jetë pjesë e tërheqjes për Bukele, një udhëheqës i ri, i pëlqyer nga media dhe shumë popullor që shqetëson Uashingtonin për tendencat e tij gjithnjë e më autokratike.

Ka akoma shumë pikëpyetje se si monedha digjitale do të bëhej monedha legale e vendit – do të nevojitej një rregullim i madh i infrastrukturës financiare të El Salvadorit me Bitcoin në zemër të saj. Por, në thelb, duket se kjo është ajo që Bukele po propozon.

Pjesa më e madhe e ekonomisë në zhvillim të El Salvadorit bazohet në dërgesat e parave nga jashtë dhe kalimi në një monedhë digjitale mund t’u lejojë anëtarëve të familjes të shmangin tarifat e kushtueshme të përfshira në dërgimin e parave në shtëpi çdo muaj.

Sido që të jetë, është një lëvizje e cila ka të ngjarë të forcojë imazhin e Bitcoin si “monedha e së ardhmes” dhe qëndrimin e Presidentit Bukele midis mbështetësve të tij si një novator.

Related Topics:
Continue Reading

Teknologji

Teknologjia që rrit jetën e baterisë deri në 6 orë shtesë

Published

17 minutes ago

on

November 20, 2025

By

Shkencëtarët kanë gjetur një mënyrë për të zgjatur jetën e baterisë së telefonave dhe tabletëve edhe për disa orë.

Ata shpjegojnë se nëse përdoruesit transferojnë të dhënat e aplikacioneve të tyre të preferuara në shërbimet cloud, bateria mund të zgjasë deri në 60% më shumë.

Teknologjia identifikon pjesët e aplikacioneve që konsumojnë më shumë energji dhe i zhvendos ato në cloud duke përdorur një teknikë të quajtur “code-offloading”.

Me këtë metodë, smartfonët mund të zgjasin jetën e baterisë deri në 6 orë shtesë në rastet më të favorshme.

Shkencëtarë kompjuterikë nga Aston University në Birmingham kanë zhvilluar një softuer prototip që ruan të dhënat në një kombinim hibrid, si në cloud ashtu edhe në aplikacion.

Kur aplikacioni ekzekutohet me pjesët që harxhojnë më shumë bateri nga cloud, pajisja nuk përdor komponentët e veta, duke kursyer energji dhe duke zgjatur jetën e baterisë. /A.Z/UBT News/

Continue Reading

Teknologji

Apple humbet dizajnerin kryesor të iPhone Air

Published

4 hours ago

on

November 20, 2025

By

Abidur Chowdhury, një nga dizajnerët kryesorë që kontribuoi në zhvillimin e iPhone Air, është larguar nga Apple për t’u bashkuar me një startup të paidentifikuar të inteligjencës artificiale.

Chowdhury u bë i njohur për publikun pasi u shfaq në videon prezantuese të iPhone Air.

Edhe pse ai nuk ishte i vetmi përgjegjës për drejtimin e projektit, largimi i tij ka lënë boshllëk të ndjeshëm në ekipin e dizajnit të kompanisë.

Ai i’u bashkua Apple 6 vjet më parë, në një periudhë të afërt me largimin e dizajnerit Jony Ive, i cili themeloi agjencinë kreative, LoveFrom.

Një tjetër projekt i lidhur me Ive, i quajtur io, u ble nga OpenAI, megjithëse Ive dhe LoveFrom vazhdojnë të operojnë si entitete të pavarura.

iPhone Air raportohet se po përballet me shitje të dobëta, por burimet thonë se kjo nuk lidhet drejtpërdrejt me largimin e Chowdhury.

Më herët qarkulluan thashetheme se iPhone Air 2 mund të vonohet, por jo domosdoshmërisht të anulohet plotësisht. /A.Z/UBT News/

Continue Reading

Teknologji

Roblox vendos masa të reja për mbrojtjen e fëmijëve online

Published

1 day ago

on

November 19, 2025

By

Roblox do t’i ndalojë fëmijët të bisedojnë me të rritur të panjohur, si pjesë e masave të reja të sigurisë.

Platforma po vendos verifikim të detyrueshëm të moshës për përdoruesit që duan të përdorin opsionet e bisedës, duke nisur në dhjetor në Australi, Zelandë të Re dhe Holandë, e nga janari në gjithë botën.

Roblox është kritikuar për ekspozimin e fëmijëve ndaj përmbajtjeve të papërshtatshme dhe kontaktit me të rritur, dhe aktualisht përballet me disa padi në SHBA. Aktivistët paralajmërojnë se rreziqet mund të vazhdojnë, pavarësisht masave.

Platforma ka rreth 80 milionë përdorues aktivë në ditë, nga të cilët 40% janë nën 13 vjeç. Verifikimi i ri i moshës, i bazuar në fytyrë, do të bëhet i detyrueshëm për qasjen në biseda, duke klasifikuar përdoruesit në grupe të ndryshme moshe.

Lojtarët do të mund të komunikojnë vetëm me persona brenda së njëjtës kategori, përveç kontakteve të besuara.

Nën-13 vjeçarët do të kenë ende të kufizuara mesazhet private, përveç nëse prindërit japin leje. Masat e reja vijnë mes shqetësimeve të vazhdueshme për sigurinë e fëmijëve në platformë. /A.Z/UBT News/

Continue Reading

Teknologji

“Cloudflare” pranon gabimin pas rënies masive të faqeve në internet

Published

1 day ago

on

November 19, 2025

By

Shumë faqe interneti të njohura, përfshirë “X” dhe “ChatGPT”, u përballën me rënie të martën për shkak të një problemi që preku kompaninë e njohur të infrastrukturës së internetit, “Cloudflare”, raporton “BBC”.

Mijëra përdorues raportuan vështirësi me uebfaqe dhe shërbime të ndryshme në platformën e monitorimit “Downdetector”, me raportimet që nisën rreth orës 12:00.

Sipas “Cloudflare”, ndërprerja e madhe u shkaktua nga një file konfigurimi i krijuar për menaxhimin e trafikut të kërcënimeve, i cili nuk funksionoi siç ishte parashikuar dhe “shkaktoi një bllokim” në softuerin që përpunon trafikun për shërbimet më të gjera të kompanisë.

“Ne kërkojmë falje ndaj klientëve tanë dhe internetit në tërësi që i zhgënjyem sot. Duke marrë parasysh rëndësinë e shërbimeve të ‘Cloudflare’, çdo ndërprerje është e papranueshme”, deklaroi kompania.

Megjithëse problemi është zgjidhur, “Cloudflare” njoftoi se disa shërbime mund të vazhdojnë të shfaqin gabime ndërsa rikthehen online.

Një gamë e gjerë aplikacionesh dhe faqesh u ndikuan nga ndërprerja, përfshirë edhe portalin KOHA.net.

“Cloudflare” është ndër ofruesit më të mëdhenj të sigurisë në internet, duke ofruar shërbime si verifikimi i trafikut për të dalluar përdoruesit realë nga robotët. Kompania thotë se rreth 20% e faqeve të internetit në botë përdorin shërbimet e saj. /A.Z/UBT News/

Continue Reading

Të kërkuara