Lajmet

Shtetet indiane në izolim

Published

on

Shteti indian i Biharit do të hyjë në izolim deri më 15 maj. Kryeministri i Biharit, Nitish Kumar njoftoi planet për mbylljen e vendit sot përmes një shkrimi në Twitter.

“Pas një diskutimi me ministrat dhe zyrtarët dje, vendosëm që Bihari të hyjë në izolim deri më 15 maj 2021”, thuhet në njoftim, megjithëse nuk dihet se kur do të hyjë në fuqi ky ligj.

Edhe në shtetet tjera të Indisë janë vendosur masa kufizuese:

  • Uttar Pradesh: Në izolim deri më 6 maj
  • Odisha: Do të hyjë në izolim nga 5 maji e deri më 19 maj
  • Haryana: Në izolim që nga 3 maji, e do të zgjasë një javë
  • Maharashtra: Masat kufizuese janë zgjatur deri më 15 maj
  • Delhi: Izolimi do të zgjasë deri më 10 maj         
  • Gujarat: Kufizim i lëvizjes në 29 qytete, deri më 5 maj
  • Karnataka: Kufizim i lëvizjes deri më 11 maj         
  • Punjab: Mbyllje dhe kufizim të lëvizjes deri në një vendim tjetër
  • Kerala: Nga sot deri në një vendim tjetër, do të mbyllen dyqanet, teatrot, palestrat, restorantet. Lejohet grumbullimi deri në 50 njerëz.

Numri i të infektuarve me COVID-19 në Indi ka shkuar në 20 milionë, me 357 mijë e 229 raste të reja të regjistruara të martën./UBTNews

Lajmet

Dënimi i dytë për dhunë seksuale si krim lufte në Kosovë

Published

on

By

Gjykata dje ka dënuar Zivojin Nesiq me 15 vjet burgim për krime të dhunës seksuale të kryera gjatë luftës në Kosovë. Ky është vetëm rasti i dytë në historinë e pasluftës ku një individ dënohet për dhunë seksuale si krim lufte, duke përfaqësuar një zhvillim të rëndësishëm në procesin e drejtësisë tranzicionale në vend.

Qendra Kosovare për Rehabilitimin e të Mbijetuarve të Torturës (QKRMT) e mirëpriti vendimin, duke e cilësuar si një hap të domosdoshëm për njohjen e vuajtjeve të të mbijetuarve dhe për ndërtimin e një sistemi drejtësie që vë në qendër viktimën.

Në këtë rast, e mbijetuara ka qenë përfituese e shërbimeve të QKRMT-së, duke marrë mbështetje të vazhdueshme psikologjike dhe ligjore përgjatë gjithë procesit gjyqësor. Organizata thekson se fuqizimi i të mbijetuarve për të dëshmuar, pavarësisht barrierave shoqërore dhe emocionale, është një element thelbësor në kërkimin e drejtësisë.

“Ky dënim nuk është vetëm drejtësi individuale, por edhe një mesazh i qartë për shoqërinë kosovare dhe institucionet që duhet të përballen me të kaluarën e dhimbshme të luftës”, thuhet në deklaratën e QKRMT-së.

Qendra gjithashtu ritheksoi përkushtimin për të vazhduar mbështetjen ndaj të mbijetuarve të dhunës seksuale të luftës dhe për të kontribuar në krijimin e një sistemi drejtësie që respekton dhe dëgjon zërin e viktimave./KP/

Continue Reading

Lajmet

Profesor Avni H. Alidemaj publikon artikull shkencor në revistën prestigjioze “Central European Business Review”

Published

on

By

Profesori Avni H. Alidemaj nga Fakulteti i Shkencave Politike në UBT, së bashku me bashkëautorë nga Letonia, Kosova dhe Shtetet e Bashkuara të Amerikës, kanë publikuar së fundmi një artikull shkencor në revistën ndërkombëtare “Central European Business Review”. Kjo revistë, e cila ka selinë në Republikën Çeke, është indeksuar në databazat e njohura botërore si SCOPUS dhe Web of Science, që e vendos atë në mesin e botimeve me ndikim në fushën e ekonomisë dhe biznesit.

Në punimin e titulluar “Indeksi i lirisë ekonomike dhe investimet e huaja direkte: Kapërcimi i hendekut midis ekonomive të zhvilluara dhe atyre në zhvillim”, autorët trajtojnë një temë të rëndësishme për zhvillimin ekonomik global. Artikulli analizon lidhjen mes lirisë ekonomike dhe investimeve të huaja direkte (FDI), duke ofruar një krahasim të detajuar mes vendeve me ekonomitë më të zhvilluara dhe atyre në zhvillim. Kjo qasje ndihmon në kuptimin më të thellë të faktorëve që ndikojnë në tërheqjen e investimeve dhe në strategjitë që shtetet mund të ndjekin për të përmirësuar klimën e tyre ekonomike.

Bashkëpunimi ndërkombëtar midis autorëve, të cilët vijnë nga institucione akademike të ndryshme, tregon gjithashtu rëndësinë e dialogut dhe shkëmbimit të njohurive në fushën e politikave ekonomike. Ky hulumtim mund të shërbejë si një burim i vlefshëm për politikëbërësit dhe ekspertët që punojnë për zhvillimin ekonomik dhe përmirësimin e klimës së investimeve në vendet në zhvillim.

Për të lexuar artikullin e plotë dhe për të njohur më shumë detaje nga ky studim, mund të vizitoni linkun e mëposhtëm:
https://cebr.vse.cz/corproof.php?tartkey=cbr-000000-0943

Continue Reading

Lajmet

Dështon sërish seanca konstituive e Kuvendit të Kosovës, 33-të herë pa sukses

Published

on

By

Seanca konstituive e Kuvendit të Kosovës ka dështuar sërish, duke shënuar herën e 33-të që legjislatura e nëntë nuk arrin të konstituohet.

Kryesuesi i seancës, Avni Dehari, nisi mbledhjen me kërkesën për emrat e komisionit, por PDK, LDK dhe AAK nuk i dhanë ato. Më pas u hodh në votim komisioni, i cili mori vetëm 51 vota për, një kundër dhe asnjë abstenim.

Për shkak të mungesës së konsensusit, seanca u ndërpre dhe do të vazhdojë më 19 qershor në orën 10:00.

Derisa Lëvizja Vetëvendosje, Guxo dhe Alternativa nuk kanë arritur të sigurojnë votat e nevojshme për zgjedhjen e kryetarit të Kuvendit, dështimet vazhdojnë. Albulena Haxhiu ka dështuar gjashtë herë në garën për kryeparlamentare, ndërsa mbi njëzet herë është bllokuar formimi i komisionit për mbikëqyrjen e procesit të fshehtë të votimit.

Partitë opozitare PDK, LDK, AAK dhe NISMA kundërshtojnë mënyrën e fshehtë të votimit dhe Aleanca për Ardhmërinë e Kosovës ka dorëzuar kërkesë për interpretim në Gjykatën Kushtetuese lidhur me këtë proces.

Sipas rregullores, vazhdimi i seancës konstituive duhet të mbahet çdo dyzetetetë orë derisa të konfirmohet përbërja e re e Kuvendit.

Continue Reading

Lajmet

Limaj: Çdo zhvillim tjetër përveç marrëveshjes, është skandaloz për Kosovën

Published

on

By

Lideri i Nismas Socialdemokrate, Fatmir Limaj, ka deklaruar se subjekti që ai përfaqëson ndihet më i përgjegjshëm për shkak se ka ofruar një opsion për zgjidhje politike, duke bërë thirrje për një marrëveshje gjithëpërfshirëse ndërmjet partive politike në vend.

“Kjo është skandaloze, çka po ndodhë. Ne që nga fillimi kemi ftuar për marrëveshje politike. Kjo situatë na bën të ndihemi përgjegjës, pasi kemi dhënë një opsion. Çdo gjë tjetër që po ndodh këtu, është skandaloze,” tha Limaj.

Ai theksoi se drejtuesit politikë në vend duhet të jenë më konstruktivë, pasi bota po përballet me ndryshime drastike, dhe çdo shmangie nga përgjegjësia mund t’i kushtojë Kosovës shumë.

“Nëse lejohet që çdo dy muaj të shkohet në zgjedhje, atëherë krejt çka mund të them është se nuk e meritoni besimin e qytetarëve të Kosovës,” përfundoi Limaj.

Continue Reading

Të kërkuara