Lajmet

Shtatë gjërat që duhet t’i dini, çfarë ndodh kur e eliminoni bukën nga dieta e përditshme?

Pasi të kesh ndalur bukën, do të humbasësh shumë ujë nga depozitat e organizmit.

Published

on

Ndoshta ke një bark kokëfortë që nuk bie me asnjë lloj diete ose, më keq akoma, ka një rritje të ngadaltë. Nëse janë të dyja këto, atëherë duhet ta ndalosh bukën me çdo kusht. Gluteni, proteina që gjendet në bukë, është përgjegjëse për dhimbjet e kyçeve, por edhe shqetësime të tjera të përditshme që njerëzit kanë filluar t’i quajnë “normale.”

Çfarë të ndodh kur eliminon bukën nga dieta e përditshme?

Do të humbasësh shumë ujë

Pasi të kesh ndalur bukën, do të humbasësh shumë ujë nga depozitat e organizmit. Natyrisht, trupi do të rifillojë të krijojë depozita të reja duke përdorur glycogen-in, por nga ana tjetër, humbja e ujit do të jetë shumë e madhe.

Do të vësh re që dëshirat të mungojnë

Kur ha bukë, karbohidratet rritin nivelin e sheqerit në gjak duke shkaktuar një ndjesi lodhjeje. Duke ndalur bukën, nuk do të marrësh këto pasoja që shkaktohen nga sheqeri.

Çrregullimet e zorrëve do të bëhen më të shpeshta

Pa nivelet e duhura të fibrave, të cilat rregullojnë zakonisht aparatin tretës, do të kesh vazhdimisht shqetësime me zorrët. Kur ndalon bukën, natyrisht ke ndalur edhe nivelin e fibrave që mund të marrësh nga bishtajoret dhe në këtë mënyrë mungesa e tyre do t’i bëjë vizitat në tualet edhe më të shpeshta.

Trupi nuk do të ketë rezistencë

Kur hamë karbohidrate, trupi ynë dërgon sinjale në tru, falë hormonit të mirë – serotonina. Kur ndalon bukën dhe ke mungesë karbohidratesh, trupi sa vjen e bie nga rezistenca, rrjedhimisht bie edhe prodhimi i serotoninës.

Mendjen do ta kesh si në re

Truri i njeriut nuk punon pa karbohidrate. Nëse e ndalon furnizimin e tij me karbohidrate, edhe truri nuk është në gjendje të kuptojë se çfarë po i ndodh. Në këtë rast, për t’u ushqyer, ai do të kërkojë të transferohet tek ushqimet e tjera me glukozë për t’u ushqyer.

Fizikisht, veten nuk do ta ndiesh si më parë

Edhe kjo është mjaft e kuptueshme, meqenëse karbohidratet shërbejnë si një burim i jashtëzakonshëm dhe i shpejtë energjie që i nevojitet trupit. Kur eliminon bukën, natyrisht bën që trupi të fillojë të kërkojë energji në përbërës të tjerë. Ky lloj çrregullimi rrëzon energjinë dhe prish ekuilibrin e organizmit.

Do ndihesh më i/e shëndetshëm nëse ul rrezikun

Mbi të gjitha, duke hequr bukën nga organizmi, i keni bërë trupit një favor shumë të madh. Nëse eliminon bukën, ke ulur ndjeshëm rrezikun e sëmundjeve të zemrës dhe Diabetin e tipit 2. Por as nuk ke nevojë për të zhdukur karbohidratet e tepërta që rrisin nivelin e acideve yndyrore./Revistaclass

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Lajmet

Osmani takohet me presidentin e Senegalit

Published

on

By

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Continue Reading

Të kërkuara