Bota

Shri Lanka raportoi disa raste të mpiksjes së gjakut nga vaksina AstraZeneca

Publikuar

Gjashtë raste të mpiksjes së gjakut janë raportuar te njerëzit që e kanë marrë vaksinën e Oxfordit, AstraZeneca, në Shri Lankë.

Ministrja e Shëndetësisë, Pavithra Wanniarachchi thotë se nga këto raste, katër persona kanë vdekur.

Megjithatë, lidhja mes vaksinës AstraZeneca dhe raportimeve për mpiksje të gjakut ende nuk u dëshmua.

Shri Lanka filloi vaksinimin me AstraZeneca në shkurt, me dozat që i pranuan donacion nga India. Pothuajse gati një milion njerëz morën dozën e parë të vaksinës.

Shri Lanka gjithashtu aprovoi përdorimin emergjent të vaksinës Sputnik V të Rusisë në fillim të marsit, por ende nuk ka marrë doza.

Që nga fillimi i pandemisë, Shri Lanka ka regjistruar 97 mijë e 472 raste me COVID-19 dhe 625 raste të vdekjes./UBTNews

Aktualitet

Indi: Rritjen e rasteve me COVID-19 Qeveria e lidh me variantin e ri

Publikuar

nga

Vala e dytë e COVID-19 mund të jetë shkaktuar nga varianti “mutant i dyfishtë”, që në muajin mars u shfaq në Indi.

Mostrat me mutantin ose variantin B.1.617 janë hasur edhe në disa shtete tjera me numër të lartë të të infektuarve.

“Mutant i dyfishtë” nënkupton kur të dy variantet veprojnë bashkërisht në të njëjtin virus.

Të mërkurën në Indi janë regjistruar 412 mijë raste të reja me COVID-19, dhe u raportuan 3 mijë e 980 raste të vdekjes./UBTNews

Vazhdo të lexosh

Aktualitet

Ekspertët e OBSH: Dy doza të Sinovac e ndalojnë koronavirusin

Publikuar

nga

Vaksina kineze kundër koronavirusit Sinovac është efikase te të rriturit nën 60 vjeç, por disa të dhëna për rrezikun e efekteve serioze anësore mungojnë, thanë ekspertë të Organizatës Botërore të Shëndetësisë.

Ekspertët e pavarur të Grupit Strategjik Këshillimor të OBSH-së e bazuan vlerësimin në rezultatet e fazës së tretë të testimit të vaksinës në Kinë, Brazil, Indonezi dhe Kili.

Vaksina Sinovac është autorizuar për përdorim në 32 vende dhe juridiksione, ndërsa janë shpërndarë mbi 260 milionë doza të saj.

“Jemi shumë të bindur se dy doza të vaksinës Sinovac e ndalojnë COVID-19 (sëmundjen që e shkakton koronavirusi) te personat 18 deri në 59 vjeç”, thanë ekspertët e OBSH-së.

Por, ata vunë në dukje se mungojnë të dhëna për sigurinë e vaksinës te gratë shtatzëna, te më të moshuarit dhe tek ata me sëmundje ekzistuese.

Sipas ekspertëve të OBSH-së, nuk ka të dhëna as për efektet e rralla anësore të zbuluara përmes monitorimit të sigurisë, pas autorizimit të vaksinës.

Analiza e vaksinës Sinovac ka nisur pasi ekspertët e OBSH-së kanë shprehur besim të ulët në të dhënat e Sinopharm-it kinez – kompanisë që ka prodhuar vaksinën.

Deri më tash, OBSH-ja ka miratuar për përdorim emergjent vaksinat e prodhuara në Perëndim: Moderna, Pfizer/BioNtech, Johnson & Johnson dhe AstraZeneca.

Këtë javë, edhe Agjencia Evropiane e Barnave (EMA) ka nisur procedurën e rishikimit të vaksinës kineze, Sinovac./ REL

Vazhdo të lexosh

Aktualitet

Një grua nga Mali lind nëntë foshnja

Publikuar

nga

Një grua nga Mali ka lindur nëntë foshnja, duke shënuar herën e parë që një grua ka sjellë në jetë kaq fëmijë të mbijetuar për një herë.

Halima Cisse, 25-vjeçare ka lindur fëmijët me prerje cezariane më 4 maj në Marok, pasi ka pasur nevojë për trajtim special, kanë njoftuar autoritetet shëndetësore të Malit.

Cisse dhe pesë vajzat e katër djemtë “janë mirë”, ka thënë Ministria e Shëndetësisë së Malit më 5 maj.

Fëmijët, që peshojnë në mes të 500 gramëve dhe 1 kilogramë, kanë lindur para kohe, në javën e 30-të dhe janë duke u trajtuar nëpër inkubatorë.

Ata pritet të mbesin në spital për të paktën dy muaj.

Dhjetë mjekë dhe 25 pjesëtarë të stafit shëndetësor kanë ndihmuar në procesin e lindjes.

Cisse është në gjendje stabile pas gjakderdhjeve të mëdha, për çka i është dhënë gjak, ka thënë profesori Youssef Alaoui, drejtori i klinikës Ain Borja në qytetin Kasablanka.

Lindje të tilla “janë jashtëzakonisht të rralla”, ka thënë Alaoui.

Rekordin për më së shumti foshnja të lindur për një herë e ka mbajtur gruaja amerikane Nadyja Suleman, e cila më 2009 ka lindur tetë foshnja.

Cisses i është thënë se është duke mbajtur shtatë foshnja.

Mjekët në Mali e kanë dërguar atë në Marok sepse spitalet në Mali, një nga vendet më të varfra në botë, nuk janë të pajisura mirë për të ofruar kujdesin e duhur për shtatzëni të tilla të jashtëzakonshme.

Vazhdo të lexosh

Aktualitet

SHBA mbështet heqjen dorë nga pronësia intelektuale e vaksinave

Publikuar

nga

Shtetet e Bashkuara kanë thënë se mbështesin një inciativë të Organizatës Botërore të Tregtisë për të hequr mbrojtjen ndaj pronës intelektuale për vaksinat kundër koronavirusit.

India dhe Afrika Jugore kanë bërë fillimisht këtë propozim, duke besuar se përmes tij do të mund të rritej prodhimi i vaksinave në gjithë botën.

Mirëpo prodhuesit e vaksinave kanë thënë se një vendim i tillë mund të mos japë rezultatin e duhur.

Përfaqësuesja amerikane për Tregti Katherine Tai ka thënë se “kohërat e jashtëzakonshme kërkojnë masa të jashtëzakonshme”.

Ajo ka paralajmëruar se anëtarëve të Organizatës Botërore të Tregtisë do t’iu marrë kohë që të arrijnë pajtueshmëri për këtë çështje.

India dhe Afrika Jugore kanë ngritur më së shumti zërin për këtë gjë, në mesin e 60 shteteve, të cilat përgjatë gjashtë muajve të fundit kanë tentuar të marrin patentën për vaksina.

Në fillim, ky propozim është kundërshtuar ashpër nga administrata e kaluar amerikane e Donad Trumpit, Mbretëria e Bashkuar dhe Bashkimi Evropian.

Mirëpo pasardhësi i Trumpit, presidenti amerikan Joe Biden ka ndjekur rrugë tjetër.

Ai ka përkrahur vendimin për pezullim të patentave në fushatën presidenciale të vitit 2020 dhe ka përsëritur një gjë të tillë të mërkurën.

Udhëheqësi i Organizatës Botërore të Shëndetësisë Tedros Adhanom Ghebreyesus, e ka quajtur këtë deklaratë “moment të rëndësishëm”, në luftën kundër COVID-19, sëmundja që shkakton koronavirusi.

Çfarë nënkupton heqja e patentës?

Mbështetësit thonë, se nëse arrihet pajtueshmëri për heqje të patentave, atëherë prodhimi i vaksinave do të rritet dhe do të ketë më shumë doza për shtetet më pak të pasura.

Shumë shtete në zhvillim kanë thënë se rregullat që kërkojnë shtetet e fuqishme për të mbrojtur patentat dhe forma tjera të pronës intelektuale përbëjnë pengesë për rritje të prodhimit të vaksinave dhe produkteve tjera të nevojshme për luftim të pandemisë.

Cilat kanë qenë reagimet?

Udhëheqësi i OBSH-së, Tedros Adhanom Ghebreyesus, e ka quajtur vendimin e SHBA-së “historik”, në luftën kundër COVID-19.

Mirëpo kompanitë farmaceutike kanë kundërshtuar këtë gjë, duke insistuar se pantentat nuk përbëjnë pengesë kryesore dhe kanë paralajmëruar se një hap i tillë mund ta dëmtojë inovacionin.

Federata Ndërkombëtare e Prodhuesve Farmaceutikë e ka quajtur vendimin e SHBA-së “zhgënjyes”.

“Heqja e patentës është përgjigje e gabuar në një problem të tillë kompeks”, ka thënë grupi me bazë në Gjenevë.

Mjeku Amesh Adalja nga Qendra për Siguri Shëndetësore në Johns Hopins, ka thënë për agjencinë e lajmeve Reuteres se heqja e pantentës është e njëjtë me “shpronësim të pronës së kompanive farmaceutike, inovacioni dhe investimet financiare të të cilave kanë bërë të mundur krijimin e vaksinave COVID-19 në radhë të parë “.

A ka shembull paraprak për këtë gjë?

Dy dekada më parë, Mozambiku, Zambia dhe Zimbabveja kanë lëshuar licenca të detyrueshme për ilaçet për HIV/AIDS, të përcjella nga Indonezia, Malajiza dhe Brazili, çka ka nënkuptuar se qeveritë kanë pasur mundësi të pezullojnë të drejtat e pronës intelektuale pa lejen e pronarit.

Ky vendim, që është marrë pas diskutimeve të dështuara me kompanitë farmaceutike, ka ndikuar në ulje të çmimit të ilaçeve për AIDS dhe ka rritur qasjen në to.

Përkrahës të kësaj ideje në Afrikë të Jugut dhe Indi shpresojnë që një vendim i njëjtë tani mund të ndikojë në rritje të përgjigjes kundër koronavirusit në vendet e neglizhuara.

Vazhdo të lexosh

Të kërkuara