Lajmet

Shqipëria me sistem të ri të votimit

Published

5 years ago

April 25, 2021

Betim Gashi

Qytetarët e Shqipërisë sot iu janë drejtuar kutive të votimit. Në këto zgjedhje risi në procesin e votimit është votimi elektronik dhe identifikimi biometrik.

Në qendrën e votimin “Qemal Stafa” në njësinë 10 ne qendrën e Tiranës, po implementohet pilot projekti për votimin elektronik dhe identifikimin biometrik.

Sekretarja e kësaj KZAZ-je, Lisida Shehi për Kosovapress demonstroi se si qytetarët e asaj njësie do të mund te votojnë në mënyrë elektronike, ajo tha se për këtë pilot projekt u bënë 2-3 javë testime por edhe pas kësaj qytetarët kanë hasur në vështirësi. Ndërsa sa i përket se kur do të dalin rezultatet e votave nga votimi elektronik, Lisida Shehi tha se rezultati do të del nesër në orën 8.

“Kjo është lista e subjekteve, dhe e zgjedh njërën nga listën e subjekteve dhe shtyp pastaj për kandidatin, çdo subjekt ka listën e kandidatit, nëse dëshironi një nga numrat, shtyp një nga numrat, nëse nuk dëshiron asnjë, zgjidh këto, dhe printo votën. Në momentin që unë kam printuar votën dalin dy numra edhe e koalicionit ose partisë dhe e kandidatit dhe të njëjtën kohë del edhe këtu (tek kutia e votimit), në qoftë se unë kam bërë gabim gjatë kësaj procedure, unë e ndryshoj zgjedhjen dhe kthehem prapë nga fillimi dhe kam të drejtë ta bëjë vetëm njëherë (mundësinë të përsërisë votimin), në qoftë se unë jam dakord me pjesën e zgjedhjes që kam bërë përfundoj votimin dhe letra zbret poshtë dhe shkon direkt në kuti dhe vota ime u hodh drejt e në kuti”, tha ajo

Në pyetjen se si e kanë pritur qytetarët e kësaj njësie këtë votim elektronik, dhe se a është i lehtë ky proces dhe se a kanë pasur vështirësi, Lisida Shehi tha se për këtë pilot projekt janë bërë 2-3 jave testime dhe se qytetarët kanë hasur edhe në vështirësi.

“Ka pasur 2-3 javë testime por nuk mund të them se nuk kanë pasur vështirësi, se normalisht është një procedurë e lehtë deri sa të mësohen pastaj jo të gjitha kanë ardhur që ta përdorin pajisjen gjatë kësaj kohe, ka pasur vështirësi por të gjitha do të kalojnë. Është thjesht vonesë që mund të krijohet në pjesë radhësh se nuk kemi pasur ndonjë problematike madhore”, tha ajo.

Ndërsa në pyetjen se në rast që pajisja nuk funksionon a mund të përdoret manual apo jo, Sekretarja e kësaj qendre tha se janë dy pajisje për çdo qendër dhe nëse prishet njëra pajisje mund të përdorim tjetrën për 15 minuta apo 20 deri sa të rregullohet tjetra.

“Pajisja ndahet në dy, është pajisje e identifikimit që është një pajisje fillestare që nuk e kemi dhe ajo është në të gjitha qendrat e Shqipërisë, dhe është edhe pajisja e votimin, në qoftë se prishet pajisja e votimit fillohet te votohet në tjetrën, sepse janë dy pajisje për çdo qendër të votimit, votohet njëherë për njërën nga pajisjet deri sa te rregullohet tjetra, që vjen operatori që e rregullon, në momentin që mund të marr 15 minuta kohë, 20 minuta sa për t’u rregulluar, por deri tani nuk kemi pasur probleme me pajisjen”, tha ajo.

Rajoni

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

2 days ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.