Sport
Shqipëria dhe Kosova mund të bien në një grup në eliminatoret e Botërorit
Shorti për eliminatoret e Kampionatit Botëror 2026 do të hidhet më 13 dhjetor 2024, dhe ndeshjet e para janë planifikuar për të filluar në mars të vitit të ardhshëm. Ky proces do të përcaktojë se cilat ekipe do të kualifikohen për në turneun prestigjioz që do të mbahet në Shtetet e Bashkuara, Kanada dhe Meksikë.
Evropa ka siguruar 16 vende përfaqësuese për këtë botëror, duke e ndarë kualifikimin në 12 grupe. Fituesit e grupeve do të kalojnë direkt në Kampionatin Botëror, ndërsa të gjithë nënkampionët do të kenë mundësinë të luajnë në një play-off, së bashku me katër skuadrat më të mira të Ligës së Kombeve.
Vazot për shortin kualifikues do të përcaktohen pas përfundimit të ndeshjes së fundit të Ligës së Kombeve, dhe deri tani, 38 nga 54 vendeve kanë marrë informacione në lidhje me skuadrat me të cilat do të jenë në short.
Kombëtaret e Kosovës dhe Shqipërisë janë të sigurta në cilat vazo do të përfshihen. Kosova ndodhet në vazon e katërt, ndërsa Shqipëria në vazon e tretë, duke krijuar mundësinë që të dyja ekipet të bien në të njëjtin grup.
Në vazon e parë, pritet të jenë disa nga kombëtaret më të forta në Evropë, si Franca, Spanja, Anglia, Belgjika, Holanda, Portugalia, Italia, Gjermania dhe Kroacia. Vazo e dytë ka katër përfaqësuese të sigurta: Ukraina, Turqia, Suedia dhe Uellsi.
Në vazon e tretë janë Republika e Irlandës, Finlanda, Gjeorgjia, Shqipëria, Maqedonia e Veriut, Islanda, Irlanda e Veriut dhe Mali i Zi. Vazo e katërt është pothuajse e plotë dhe përfshin Luksemburgun, Bjellorusinë, Armeninë, Kosovën, Kazakistanin, Azerbajxhanin, Estoninë, Qipron, Letoninë, Ishujt Faroe dhe Lituaninë.
Po ashtu, është e njohur edhe vazo e pestë, që përfshin Moldavinë, Maltën, Andorrën, Gjibraltarin, Lihtenshtajnin dhe San Marinon.
Kombëtaret nga Liga A e Ligës së Kombeve që arrijnë në çerekfinale do të jenë pjesë e grupeve kualifikuese me katër skuadra, ndërsa grupet e tjera do të përmbajnë nga pesë skuadra.
Pritjet janë të mëdha për të dyja kombëtaret, dhe një përballje mes Shqipërisë dhe Kosovës në eliminatoret e Botërorit do të ishte një moment emocionues për tifozët e futbollit në rajon./UBTNews/
Benjamin Pavard, futbollisti i Interit dhe kampioni i botës ka vizituar Gjakovën dhe arsyeja është pikërisht e dashura e tij Kleofina Pnishi.
Ai vendosi ta kalojë Krishtlindjen në Kosovë dhe çifti ka ndarë me ndjekësit një moment të veçantë përmes imazheve në rrjetet sociale ku shihen të përqafuar në Çarshinë e Jupave.
Foto shoqërohej me mbishkrim: “Gëzuar Krishtlindjet nga ne për ju. Le të ndalemi për një moment dhe të përqafojmë magjinë e fëmijërisë, gëzimin e pastër dhe kujtimet me njerëzit që duam”.
Ky moment ngjalli reagime të shumta e shumica pozitive nga shqiptarët që kanë përshëndetur lidhjen e veçantë të futbollistit me kulturën dhe traditat shqiptare. Vizita e Pavard në Kosovë jo vetëm që ka sjellë vëmendje mediatike, por ka shërbyer edhe si shembull i bukur i dashurisë që tejkalon kufijtë dhe bashkon kultura të ndryshme.
Përndryshe, çifti duket se ka shijuar qetësinë dhe mikpritjen e Gjakovës gjatë periudhës festive, duke krijuar kujtime të paharrueshme. /UBT News/
Një nga donatorët më të mëdhenj të klubit dhe njëkohësisht edhe President, Rrustem Aliaj, ka njoftuar largimin e tij nga posti i Presidentit të FC Suhareka. Ai e ka shpallur vendimin e tij përmes një postimi në rrjetin social “Facebook”, duke shprehur mirënjohjen dhe vlerësimin për periudhën që ka kaluar në krye të klubit. Në letrën e dorëheqjes, Aliaj thekson se ky vendim është marrë pas një periudhe të gjatë reflektimi dhe mendimi për të ardhmen e klubit. Ai shprehet se ka qenë një nder dhe privilegj të kontribuonte në zhvillimin e FC Suhareka dhe në përparimin e futbollit në komunitetin lokal.
Ky lajm vjen pas një periudhe të suksesshme për klubin, ku FC Suhareka ka arritur rezultate të mira, duke qëndruar në vendin e pestë në Superligën e Kosovës dhe duke synuar kualifikimin në garat evropiane. Aliaj ka lënë një trashëgimi të fortë për klubin, dhe është shprehur se do të mbetet një mbështetës i zjarrtë i klubit edhe pas dorëheqjes së tij.
Trajneri i Kombëtares së Zvicrës, Murat Yakin, ka lavdëruar Granit Xhakën për sjelljen e tij të padiskutueshme si lider në kombëtaren helvetike. Yakin ka pranuar se shpesh konsultohet me Xhakën për shumë çështje taktike të skuadrës.
“Ne përfshimë këshillin e lojtarëve dhe përgatitëm lojtarët për ndeshje. Lojtarët me përvojë gjithashtu duhet të marrin përgjegjësi. Fjala e lojtarëve me përvojë ka një peshë të madhe. Kur një Granit Xhaka ose një Manuel Akanji thonë diçka, një lojtar i ri zakonisht dëgjon. Veteranët duhet të jenë të vetëdijshëm për këtë”, ka thënë fillimisht Yakin.
Ai ka zbuluar më pas se Xhaka është duke u përgatitur për karrierën e tij si trajner futbolli.
“Ai tashmë po përgatitet për të ardhmen e tij si trajner. Jo vetëm për sa i përket përmbajtjes së stërvitjes taktike, por edhe si të drejtosh një ekip. Kjo është më shumë se të jesh kapiten. Ai është jashtëzakonisht i interesuar për këtë. Kur shihemi, ai dëshiron të dijë shumë. Kemi regjistruar edhe formacionet në letër dhe kemi diskutuar tema taktike. Ai bën shumë pyetje. Për shembull, ka të bëjë me çështjet e lojtarëve nga e kaluara. Për lojtarët që shkaktuan probleme. Ose për situata të vështira si trajner, si ajo që më ndodhi kur vendosa Alex Frein në stol. Si i trajtoni lojtarët e moshuar që po i afrohen fundit të karrierës, e kështu me radhë”, ka theksuar Yakin./UBTNews/
KQZ sot mban mbledhje, këto janë pikat që do të diskutohen
Turqia do të lejojë partinë pro-kurde të vizitojë liderin e burgosur të PKK-së
Kaq kushton panetonia më e shtrenjtë me ar dhe diamante
Futbollisti i Inter, Benjamin Pavard viziton Gjakovën, arsyeja është e dashura e tij
Këto gabime mos i bëni kurrë në mëngjes
Zyrtare: Presidenti i Suharekës jep dorëheqje
Trajneri i Kombëtares së Zvicrës: Xhaka lider i madh, po përgatitet për karrierën si trajner
Policia harton plan operativ për festat e fundvitit
NASA me mision për të studiuar nga afër diellin
-
Bota2 months agoTrump premton paqe në Liban nëse rikthehet në Shtëpinë e Bardhë
-
Bota2 months agoKoreja e Veriut rrit frikën në botë, lëshon raketën e re balistike ndërkontinentale
-
Bota1 month ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Kulturë3 months agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman