Lajmet

Shqipëri: Hetime për incidentin e rëndë gjatë fushatës

Published

5 years ago

on

Një ngjarje e rëndë në Elbasan me pasojë vdekjen e një personi hedh hije mbi fushatën elektorale në Shqipëri. Njoftohet se kanë filluar hetimet.

Në Shqipëri kanë filluar të enjten (22.04) hetimet për ngjarjen e rëndë, që ndodhi të mërkurën, (21.04)  në qytetin e Elbasanit, gjatë fushatës elektorale për Zgjedhjet Parlamentare, 2021, që zhvillohen këtë të dielë, më 25 prill. Gjatë një konflikti me armë mbeti i vrarë Pjerin Xhuvani, 56 vjeꞔ, dhe u plagosën 5 persona të tjerë. Policia ka  arrestuar 15 persona dhe autorin e vrasjes, Arbër Paplekaj, që u vetëdorëzua. Burime zyrtare nga Policia e Shtetit thanë për DW se “ekspertë të hetimit të krimeve kundër personit  dhe pasurisë kanë administuar provat materiale për të zbardhur ngjarjen.”

Rrethanat e ngjarjes së rëndë sipas policisë dhe palëve

Policia e Shtetit, pas marrjes në pyetje të personave të arrestuar ka zbardhur të enjten, (22.04) rrethanat, në të cilat ndodhi ngjarja e rëndë në prag të zgjedhjeve të së dielës. Sipas saj, strukturat e PD në Elbasan kanë njoftuar policinë se një furgon pa targa po shpërndante para dhe po blinte vota. Furgonat me logon e PD i kanë  bllokuar atij rrugën dhe të dyja palët kanë pritur të vinte policia. Pas shkëmbimit të fyerjeve dhe sharjeve mes tyre, situata është rënduar duke arritur në të shtëna armësh nga të dyja palët. Policia bën me dije se nga kontrolli i saj në furgonin e dyshuar për shpërndarje parash rezulton të ketë patur vetëm postera.

I arrestuari Arbër Paplekaj, si autor i  vrasjes së Pjerin Xhuvanit, rezulton të jetë ish-pjesëtar i forcave speciale të Policisë së Shtetit, i angazhuar në fushatën e PD dhe pjesë e ekipit të Gazmend Bardhit. Sekretar i Përgjithshëm i kësaj partie, drejtues politik për fushatën në qarkun e Elbasanit. Ndërsa viktima, Pjerin Xhuvani, ka qenë i angazhuar në fushatën e PS po në qarkun e Elbasanit

Gazmend Bardhi deklaroi mbrëmë (21.04) se PD ka ngritur “Struktura për Mbrojtjen e Votës” (SMV) me ish.punonjës të policisë dhe autori i vrasjes, që u vetëdorëzua në polici, Arbër Paplekaj, është anëtar i kësaj strukture për qarkun e Elbasanit”. Duke paraqitur rrethanat e ngjarjes, ai tha, se “SMV informoi që një furgon pa targa, në grupin e fushatës së PS, po shpërndante para në këmbim të votave dhe po mblidhte karta identiteti. Anëtarët e SMV në Elbasan, bllokuan lëvizjen e furgonit dhe kërkuan ndërhyrjen e Policisë së Shtetit, të qarkut të Elbasanit.”

Kurse Taulant Balla, kreu i grupit parlamentar të Socialistëve akuzon Partinë Demokratike për dërgimin e “grupeve paramilitare me njerëz të armatosur nga qytete të tjera për të frikësuar votuesit në Elbasan”. Sipas njoftimit të Policisë së Shtetit, dy nga të plagosurit rezultojnë të jenë ish-punonjës të policisë dhe anëtarë të SMV në Elbasan,  dy të tjerët janë një oficere e policisë dhe një aktivist i PS dhe personi i pestë, sipas medias lokale në Elbadan,  po mjekohet në shtëpi duke iu shmangur identifikimit nga policia.

Reagime pas ngjajes së rëndë

Kryeministri Rama bëri thirrje mbrëmë për qetësi dhe durim, Ai theksoi se “zgjedhjet e 25 Prillit , të dielën do të bashkojnë shqiptarët”. Reagime pati edhe nga SHBA dhe BE, që u bënë mbrëmë thirrje drejtuesve kryesorë politikë të “të jenë të përmbajtur dhe të refuzojnë në mënyrë të qartë dhunën” para zgjedhjeve. Ambasada amerikane në Tiranë në reagimin e saj thekson që “zyrtarët, në zbatim të ligjit të hetojnë këtë incident sa më shpejt dhe në mënyrë të plotë, të identifikojnë autorët dhe t’i dënojnë me të gjithë forcën e ligjit. Ata që përfshihen në dhunë të tillë duhet të ndëshkohen.”

Delegacioni i BE në Shqipëri thekson në reagimin e tij që “akti i dhunshëm në Elbasan duhet të hetohet me shpejtësi,, autoritetet kompetente duhen të bëjnë  të qarta përgjegjësitë”. Delegacioni i BE bën thirrje “për përmbajtje, shmangie të dhunës, retorikës nxitëse dhe gjuhës së urrejtjes në këtë moment vendimtar tëfushatës elektorale“.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

12 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

12 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

14 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

14 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara