Kulturë

Shpjegimi i Brad Pitt për Jennifer Aniston para se ta linte atë për Angelina Jolie

Me transmetimin e shfaqjes së fundit të Ellen, është një arsye e mirë për të kujtuar disa gjëra nga jeta e Jennifer Aniston.

Published

on

Sipas shoqes më të mirë të Jennifer Aniston, Courteney Cox, Brad Pitt bëri një rrëfim befasues në muajt e fundit të martesës së tyre – dhe kjo është shumë shqetësuese.

Jennifer Aniston ishte e ftuara e fundit në emisionin Ellen DeGeneres, emision ky i cili mori një fund emocionues mbrëmjen e së enjtes. 19 vjet më parë, Jennifer ishte e ftuara e parë e Ellen. Ato të dyja nuk e dinin se sa sukses do të ishte shfaqja e Ellen.

Me transmetimin e shfaqjes së fundit të Ellen, është një arsye e mirë për të kujtuar disa nga gjërat më dramatike që kanë mbushur jetën e dashurisë së Jennifer Aniston ndër vite.

Njëra është rrëfimi tronditës që bëri Brad Pitt përpara ndarjes së tyre disa muaj më vonë.

Kur Jennifer dhe Brad njoftuan ndarjen e tyre në janar të vitit 2005, shumë fansa të shqetësuar menduan se arsyeja ishte Angelina Jolie, për shkak të raportimeve të mediave.

“Për ata që ndjekin këto lloj gjërash, ne dëshirojmë të shpjegojmë se ndarja jonë nuk është rezultat i ndonjë spekulimi të raportuar nga mediat tabloide”, thanë ata në një deklaratë të përbashkët, duke iu referuar thashethemeve se Brad ishte afruar me bashkë-yllin.

Dyshja dyshohet se kishin probleme për një vit, dhe sipas miqve, arsyeja e vërtetë e ndarjes ishte se oraret tepër të ngarkuara të punës, që e kishin bërë pothuajse të pamundur jetesën së bashku.

Gjithashtu, presioni për të qenë çifti perfekt, kur në realitet, ata ishin një burrë dhe grua mesatare, që lundronin në jetën e tyre dhe përjetonin ulje-ngritje.

Një burim i brendshëm tha për revistën People, “Ata humbën gradualisht veten si individë. Pavarësisht stilit të tyre të bukur të jetesës dhe të pasurit gjithçka që mund të dëshironin, ata nuk ishin të lumtur. Ata humbën ndjenjën e vetvetes”.

Megjithatë, shoqja më e mirë e Jennifer-it dhe bashkë-ylli i “Friends”, Courteney Cox zbuloi se kishte edhe një arsyje tjetër për ndarjen e tyre.

Pavarësisht nga mohimet e Brad për një lidhje me Angelinën, sipas Courteney ai e kishte paralajmëruar gruan e tij për ndjenjat e tij të forta për Angelina Jolie.

“Unë nuk mendoj se ai filloi një lidhje fizikisht, por mendoj se ai ishte tërhequr pas saj” tha ajo.

Ajo vazhdoi: “Kishte një lidhje dhe ai ishte i sinqertë për këtë me Jen. Shumicën e kohës, kur njerëzit tërhiqen nga njerëzit e tjerë, ata nuk e tregojnë. Të paktën ai ishte i sinqertë për këtë. Ishte një tërheqje që ai e luftoi për një periudhë kohore”./UBTNews/

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Lajmet

Kosova dhe Çekia diskutojnë bashkëpunimin në fushën e trashëgimisë kulturore

Published

on

By

Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.

Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.

Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/

 

Continue Reading

Të kërkuara