Shpërblimi për Kampionatin Evropian 2025 për gra do të jetë dyfish më i lartë sesa në turneun e kaluar, tha UEFA të hënën.

Në Evropianin e vitit të ardhshëm, 16 ekipe kombëtare do t’i ndajnë 41 milionë euro.

Çdo federatë do t’i fitojë të paktën 1.8 milion euro për pjesëmarrje në Euro 2025 në Zvicër, si dhe është e detyruar t’ua ndajë të paktën 30 për qind të atyre parave futbollisteve të veta, njoftoi shtëpia e futbollit evropian.

Fituesja e Euro 2025 do t’i marrë deri në 5.1 milionë euro.

Klubet, futbollistet e të cilave do të garojnë në këtë turne, gjithashtu do t’i fitojnë rreth 6 milionë euro, apo 657 euro në ditë për futbolliste.

Kjo është një rritje e përgjithshme prej 33 për qind krahasuar me Evropianin e kaluar për gra.

Shpërblimi për Kampionatin Evropian 2024 për burra ishte 331 milionë euro, nga të hyrat e përgjithshme prej rreth 2.4 miliard euro.

Secila nga kombëtaret pjesëmarrëse i fitoi të paktën 9.25 milionë euro, ndërsa fituesja, Spanja, i mori 28.25 milionë euro.

Pep Guardiola hodhi dyshime mbi aftësinë e tij për të kthyer fatin e Manchester Cityt pas humbjes së tetë në 11 ndeshje.

53-vjeçari, i cili nënshkroi zgjati kontratën muajin e kaluar, u ankua për një tjetër kapitullim pasi i dha Manchester United një fitore në derbi me përmbysje të rezultatit.

Guardiola pranoi fajësinë për paraqitjen e dobët të skuadrës, duke thënë: “Unë jam shefi, unë jam menaxheri dhe nuk jam mjaftueshëm i mirë. Është kaq e thjeshtë. Nuk kam mbrojtje. Unë jam shefi, nuk gjej zgjidhje që të gjej një mënyrë për të folur me ta. Futbolli ka të bëjë me emocionet. Jemi më të shqetësuar me dhe pa top. Gjëja më e keqe është të mos kesh gjakftohtësi dhe qetësi. Unë nuk jam mjaftueshëm i mirë për t’i lënë lojtarët ta ndiejnë atë. E dua dëshpërimisht”, ka thënë Guardiola.

Pas 16 ndeshjeve, City ka mbledhur vetëm 27 pikë dhe renditet në vendin e pestë në tabelën e Premierligës.

Orges Shehi e mori në dorë së fundmi Ballkanin duke e pasuar Artim Pollozhanin, i cili e pati një eksperiencë të shkurtër në Suharekë.

Trajneri shqiptar thotë se ka mbetur i befasuar me kushtet dhe me mirësjelljen që e hasi në Kosovë, ndërsa synon të ketë sukses në futbollin kosovar, pas eksperiencave që i pati në Shqipëri si trajner tek Tirana, Partizani, Skënderbeu dhe te Kukësi.

Në fundjavën që shkoi, Shehi e shijoi fitoren e parë me kampionin e Kosovës duke e mposhtur Llapin në kuadër të xhiros së 17-të, 2:1, shkruan “Gazeta Express”.

“Unë në Kosovë po bëj rreth 10 ditë, e kam marrë drejtimin e skuadrës dy ditë përpara se të luanim ndeshjen e parë dhe dje ishte e dyta që arritëm ta fitonim një ndeshje të rëndësishme. Është një eksperiencë e re pasi nuk kisha ardhur shpesh në Kosovë dhe jam surprizuar për mirë për sa I përket angazhimit të njerëzve, kushteve sa i përket mirësjelljes mikpritjes dhe jam shumë i befasuar për mirë për çfarë gjeta”, deklaroi Shehi.

Ballkani gjendet 7 pikë prapa Dritës, që në fundjavë e humbi derbin e Anamoravës ndaj Gjilanit, duke e hapur kështu garën për titull.

Një përballje e kryesuesve të tabelës në Serie A do të zhvillohet sonte në mbrëmje, ndërsa Lazio e vendit të tretë pret kampionët në fuqi Interin në “Sadio Olimpico”.

Trajneri i Lazios Marco Baroni do të duhet të bëjë pa Taty Castellanos të pezulluar në sulm, kështu që Tijjani Noslinit duket se do t’i jepet vendi i titullarit Mund të ketë gjithashtu hapësirë për 27-vjeçarin Pedro në sulm së bashku me Gustav Isaksen dhe Mattia Zaccagni.

Simone Inzaghi, ndërkohë, mund të rreshtohet me atë që disa e konsiderojnë 11-tën e tij më të fortë të mundshme. Mesfusha fituese e Scudetto-s e Nicolo Barella, Hakan Calhanoglu dhe Henrikh Mkhitaryan duket se do të fillojnë së bashku, pas një partneriteti sulmues të Lautaro Martinez dhe Marcus Thuram.

Lazio vs Inter, formacionet e mundshme

Lazio (4-2-3-1): Provedel; Marusic, Patric, Gila, Tavares; Guendouzi, Rovella; Isaksen, Pedro, Zaccagni; Noslin.

Inter (3-5-2): Sommer; Bisseck, De Vrij, Bastoni; Dumfries, Barella, Calhanoglu, Mkhitaryan, Dimarco; Lautaro M., Thuram.