Aktualitet

Shkup: Të premten pritet të arrijë grupi i parë i afganëve

Published

on

Autoritetet zyrtare të Maqedonisë së Veriut, kanë bërë të ditur se gjatë ditës së premte (20 gusht), pritet të arrijë grupi i parë i qytetarëve nga Afganistani, duke theksuar se koha e saktë e arritjes së tyre, do të varet nga rrethanat në aeroportin e Kabulit.

“Unë pres, nëse gjithçka shkon sipas planit dhe informacioneve që kam, nesër të arrijnë qytetarët e parë (nga Afganistani) po edhe gjatë fundjavës, për strehim këtu”, ka bërë të ditur të enjten në një konferencë për media kryeministri, Zoran Zaev.

Ai edhe një herë ka nënvizuar se të gjithë qytetarët duhet të jenë krenarë, pasi Maqedonia e Veriut është nga shtetet e para që iu bashkua Shteteve të Bashkuara të Amerikës, për t’iu përgjigjur në thirrjen e tyre për strehim të afganëve, pasi Afganistani ra në duart e talibanëve.

“Pritet të arrijnë më shumë fluturime. Por, ajo që deri më tani e kemi të konfirmuar, pritet të arrijnë rreth 450 afganë, mund të paraqiten edhe 50, 70 a 90 persona të tjerë. Ashtu siç do të marrim konfirmim, këtë informacion do ta ndajmë me opinionin”, ka theksuar për mediat, kryeministri i Maqedonisë së Veriut, Zoran Zaev.

Transporti i afganëve drejt Maqedonisë së Veriut, bëhet nën organizimin e SHBA-së dhe organizatave ndërkombëtare, te të cilat këta persona kanë qenë të angazhuar.

Autoritetet qeveritare kanë theksuar se strehimi i afganëve është për një kohë të caktuar, pasi ata, pas përgatitjes së dokumentacionit, do të udhëtojnë në Shtetet e Bashkuara të Amerikës ose në vende të tjera si destinacioni i tyre përfundimtar, megjithëse nuk kanë bërë të ditur se për sa kohë saktësisht bëhet fjalë.

Komiteti i Helsinkit apelon të mos përdoret kriza me refugjatët afganë për qëllime politike

Ndërkohë nga Komiteti i Helsinkit në Shkup, apeluan te politikanët, që krizën afgane të mos e përdorin për qëllime të caktuara politike dhe të mos nxisin ndjenja ksenofobe te qytetarët, tani që vendi është në prag të zgjedhjeve lokale.

“U bëjmë thirrje mediave dhe veçanërisht politikanëve që mos të nxisin ndjenja ksenofobie te qytetarët për arritjen e qëllimeve të caktuara”, theksohet veç tjerash në reagimin e Komitetit të Helsinkit, ku nënvizohet që afganët janë të detyruar të largohen nga shtëpitë e tyre, si rrjedhojë e kërcënimeve me vdekje për ta dhe familjet e tyre.

Partia opozitare maqedonase, VMRO-DPMNE ka kundërshtuar ashpër vendimin e qeverisë për pranimin e afganëve, jeta e të cilëve është e rrezikuar nga talibanët, pasi kanë bashkëpunuar me Shtetet e Bashkuara të Amerikës.

Strehimi i afganëve nuk paraqet asnjë rrezik për Maqedoninë e Veriut

Ish-ministri i Punëve të Brendshme, Pavle Trajanov hedh poshtë çdo mundësi që afganët të paraqesin çfarëdo lloj rreziku për sigurinë e Maqedonisë së Veriut si shtet.

Trajanov thotë për Radion Evropa e Lirë se është i pakuptimtë qëndrimi i opozitës maqedonase VMRO-DPMNE që vendi nuk disponon me kapacitetet e nevojshme për të strehuar afganët, gjersa ata të transferohen në vendet e treta.

“Kërcënim për sigurinë e vendit nuk ka, pra asnjë rrezik nuk paraqet ardhja e afganëve në Maqedoninë e Veriut, pasi ata këtu vijnë përmes rrugëve legale në bazë të një liste me të gjitha të dhënat, me dokumente udhëtimi dhe dokumente të tjera, pra saktë dihet struktura e tyre. Tani a do të ketë ndonjë problem për sa i përket sigurisë, nëse autoritet talibane do të kërkojnë që të kthehet në Afganistan ndonjë nga ata që është strehuar këtu për t’u gjykuar, do të varet nga ajo se si do të zhvillohen ngjarjet në të ardhmen”,thotë Trajanov.

Nga ana tjetër, Ismet Ramadani kryetar i Këshillit Veri Atlantik në Shkup thotë se faktori ndërkombëtar i ka të njohura kapacitetet e vendit dhe nuk do ta ngarkojë shtetin me më shumë obligime seç mund të bartë për sa i përket numrit të afganëve që do të strehohen në Maqedoninë e Veriut.

“Unë jam i bindur se NATO dhe Shtetet e Bashkuara të Amerikës nuk kërkojnë më shumë nga Maqedonia e Veriut nga kapacitete me të cilat ajo disponon për sa i përket pranimit të refugjatëve afganë. Aq më tepër se roli i Maqedonisë së Veriut është të qenit një vend tranzitor kështu që nuk ka pse mos rreshtohemi përkrah vendeve të aleancës”, thotë Ramadani.

Autoritetet zyrtare të Maqedonisë së Veriut, në vazhdimësi kanë dematur reagimet se vendin e pret valë e re e emigrantëve nga Afganistani, njëherësh kanë theksuar se Maqedonia e Veriut, është pjesë e një operacioni të madh humanitar global, për të shpëtuar popullatën paqësore afgane në rrezik nga strukturat ekstremiste talibane./REL/

Bota

Kremlini mirëpret armëpushimin Iran-Izrael: Shpresojmë që të jetë “i qëndrueshëm”

Published

on

By

Kremlini ka mirëpritur lajmin për një armëpushim midis aleatit të tij, Iranit, dhe Izraelit të martën, një ditë pasi ministri i Jashtëm iranian, Abbas Araghchi, u takua me presidentin rus, Vladimir Putin, në Moskë.

Nëse është arritur vërtet një armëpushim, atëherë kjo mund dhe duhet të mirëpritet”, u tha gazetarëve zëdhënësi i Kremlinit, Dmitry Peskov, gjatë konferencës së tij të përditshme të martën.

Kjo është ajo që Federata Ruse ka kërkuar që nga fillimi i këtij konflikti”, tha ai, duke shtuar: “Shpresojmë që ky të jetë një armëpushim i qëndrueshëm.

Irani ka qenë një nga aleatët më të fortë të Rusisë gjatë luftës së saj në Ukrainë dhe Moska menjëherë dënoi sulmet e SHBA-së kundër centraleve bërthamore iraniane të dielën.

Peskov tha se Araghchi “vlerësoi shumë” “qëndrimin e qartë” të Rusisë mbi krizën e Lindjes së Mesme kur u takua me Putinin të hënën.

I pyetur në lidhje me një raport të Reuters, se Araghchi i dorëzoi Putinit një letër nga udhëheqësi suprem Ali Khamenei, duke kërkuar mbështetje shtesë, Peskov mohoi se e kishte bërë këtë, por pranoi se ishin përcjellë mesazhe të caktuara.

“Nuk kishte asnjë dokument të shkruar”, tha Peskov. “Është e vërtetë që pati disa sinjale nga udhëheqja iraniane, por në përgjithësi, raporti i Reuters nuk pasqyron realitetin.”

Peskov shtoi se Irani dhe Rusia nuk diskutuan përgjigjen e Teheranit ndaj sulmeve amerikane gjatë bisedimeve në Moskë.

Continue Reading

Bota

Mbi 600 persona të vrarë nga sulmet izraelite në Iran

Published

on

By

Ministria iraniane e Shëndetësisë njoftoi se të paktën 606 persona janë vrarë dhe 5.332 të tjerë janë plagosur në sulmet izraelite në Iran që nga 13 qershori.

Ministria iraniane deklaroi se gra dhe fëmijë ishin midis viktimave, pa dhënë detaje të mëtejshme.

Izraeli ka nisur sulme ajrore në disa vende në të gjithë Iranin që nga 13 qershori, përfshirë objekte ushtarake dhe bërthamore, duke pretenduar se Teherani ishte në prag të prodhimit të një bombe bërthamore, një pretendim i mohuar me forcë nga Irani.

Ndërsa Irani nisi sulme hakmarrëse me raketa dhe dronë, SHBA-ja iu bashkua konfliktit duke bombarduar tre objekte bërthamore iraniane të dielën.

Pas 12 ditësh luftimesh ajrore midis dy armiqve rajonalë, presidenti i SHBA-së, Donald Trump njoftoi të hënën një armëpushim midis Izraelit dhe Iranit për t’i dhënë fund konfliktit të tyre.

Armëpushimi hyri në fuqi të martën, duke i dhënë fund “luftës 12-ditore”.

Megjithatë, ministri izraelit i Mbrojtjes, Israel Katz, urdhëroi ushtrinë izraelite të martën herët të niste sulme intensive ndaj Teheranit, duke pretenduar se Irani shkeli armëpushimin. Irani e mohoi pretendimin, duke u zotuar për një përgjigje të vendosur ndaj çdo sulmi të ri.

Sipas shifrave izraelite, të paktën 29 persona janë vrarë dhe qindra të tjerë janë plagosur në sulmet me raketa iraniane.

Continue Reading

Bota

Trump i bën thirrje Izraelit që mos ta sulmojë Iranin

Published

on

By

Presidenti i SHBA-së, Donald Trump, i ka bërë thirrje Izraelit që mos ta sulmojë Iranin dhe sipas tij nëse ndodh do të jetë një shkelje e rëndë.

Trump bëri një deklaratë në llogarinë e mediave sociale Truth Social në lidhje me armëpushimin midis Iranit dhe Izraelit.

“Izrael, mos i hidh ato bomba (mbi Iranin). Nëse i hedh, kjo do të jetë një shkelje e rëndë. Ktheni menjëherë pilotët tuaj.”, shkroi presidenti amerikan Trump.

Continue Reading

Bota

OKB do të zhvendosë stafin nga Irani për shkak të shqetësimeve për sigurinë

Published

on

By

OKB-ja ka konfirmuar se disa nga stafi i saj ndërkombëtar dhe personat në varësi të tyre do të largohen nga Irani, pas konfliktit midis Teheranit dhe Izraelit.

Duke folur në Gjenevë të martën, Alessandra Vellucci, drejtoresha e Shërbimit të Informacionit të OKB-së, refuzoi të komentonte mbi numrin e personave të prekur.

OKB-ja ka vendosur të zhvendosë përkohësisht disa personel ndërkombëtar jo-kritik për programin, si dhe personat në varësi të personelit ndërkombëtar”, tha Vellucci.

Continue Reading

Të kërkuara