Aktualitet

Shkretëtira e parë evropiane, qindra bagëti gjenden të ngordhura në jug të Rusisë

Published

on

Pas çdo vere, Svetlana Bodzhaeva bën një udhëtim katër orë me makinë duke përshkuar rrugët me plot pengesa. Ajo përshkon stepat e republikës jugore të Rusisë të Kalmykia për të inspektuar dëmet e shkaktuara nga ndryshimet klimatik, transmeton euronews.al.

Bodzhaeva, eksperte për menaxhimin e tokës së thatë, inspekton shkurret e mbjella nga ekipi i saj në një përpjekje për të ndaluar përhapjen e dunave që rrethojnë qytetin e Berginit, i populluar nga disa qindra njerëz, kryesisht blegtorë. Të mbështetura nga një valë thatësire gjatë stinës së verës, dunat e rërës kanë pushtuar vitet e fundit gjithnjë e më shumë stepat e zonës në atë që disa ekspertë e quajnë “shkretëtira e parë e Evropës”.

“Këtu duhet të ketë zona të hapura me rërë. Tani shkurret e mbjella Calligonum kanë bërë punën e tyre, kanë ndaluar lëvizjen e rërës. Kjo vatër shkretëtirëzimi do ta kishte mbuluar tërësisht fshatin Bergin me rërë brenda pak vitesh. Mund të thuash se e shpëtuam fshatin nga rëra”, thotë Svetlana Bodzhaeva, eksperte e menaxhimit të tokës.

Të shtyrë nga erërat, ata shpesh kapërcejnë disa rrugë që të çojnë në fshat, duke i lënë vendasit të shkëputur nga bota e jashtme. Ndërsa Rusia përgatitet për samitin e klimës COP në Glasgoë, politikëbërësit e saj do të kenë parasysh Bergin si një nga qindra qytetet në të gjithë vendin që kërcënohen nga rritja e temperaturave, nga Arktiku verior deri në brezin jugor. Për shkak të gjerësisë së saj veriore, ekspertët thonë se temperaturat në Rusi po ngrohen me dyfishin e mesatares globale, duke i vendosur shumë nga njerëzit e saj në vijën e parë të betejës botërore kundër ndryshimeve klimatike. Sipas Alexander Kladiev, ekspert veteran i thatësirës, dunat janë të nxitura nga erozioni i tokës i shkaktuar nga mbikullotja.

“Problemi i shkretëtirëzimit është vërtet i madh për shkak të dy viteve të fundit që kanë qenë të thata; kullotja e tepërt nga bagëtia që tejkalon çdo normë; dhe më e rëndësishmja, kullotat nuk po rinovohen”, thotë Alexander Kladiev, ekspert i dherave dhe thatësirës.

Bagëtitë e shumta të rajonit shkelin tokën e brishtë, duke e lënë atë të pambrojtur ndaj elementeve dhe duke penguar që bimët të lëshojnë rrënjë. Blegtoria është një shtyllë tradicionale e ekonomisë lokale. Vendasit tregojnë për thatësirën që ndodhi në verën e vitit 2020 si më e keqja në dekada; me mijëra bagëti të ngordhura nëpër stepë për shkak të mungesës së ushqimit pas muajsh të tërë pa shi.

“Ishte e tmerrshme të shikoje bagëtinë. Ata kërkonin bar, por nuk kishte fare. Kur ecje me makinë në stepë do të shihje trupat e pajetë të kuajve, lopëve, deveve, të shtrira kudo. Ishte me të vërtetë e frikshme”, shprehet Ulyumdzhi Mukabenov, bari.

Për të ndihmuar barinjtë të kapërcejnë thatësirën, qeveria rajonale shpalli gjendje të jashtëzakonshme dhe siguroi rreth 562 milionë rubla ndihmë. Muajin e kaluar, qeveria ruse hartoi një strategji më agresive; për herë të parë vendosi një objektiv neto të emetimeve zero të karbonit deri në vitin 2060.

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Aktualitet

Aktakuzë ndaj një personi për nxitje të përçarjes mes grupeve të ndryshme politike në Klinë

Published

on

Prokuroria Speciale e Kosovës ka dorëzuar aktakuzë në Gjykatën Themelore në Prishtinë ndaj K.M për veprën penale “Nxitje e përçarjes dhe mosdurimit”.

Sipas aktakuzës, më 23 janar 2025, në qytetin e Klinës, i pandehuri K.M. ka ndërmarrë veprime që dyshohet se kanë pasur për qëllim nxitjen e urrejtjes, përçarjes dhe mosdurimit mes grupeve me bindje të ndryshme politike.

“Prokuroria Speciale i ka propozuar Gjykatës Themelore në Prishtinë që, pas shqyrtimit gjyqësor, i pandehurit të shpallet fajtorë, dhe ndaj tij të shqiptohet dënim konform ligjeve në fuqi”, thuhet në njoftim.

Continue Reading

Të kërkuara