Lajmet

Shkon në ndërmjetësim lënda ndaj të akuzuarit për kanosjen e Ramiz Lladrovcit

Published

on

Me pajtim të palëve në procedurë, lënda ndaj të akuzuarit Muhamet Ajazi për kanosje të kryetarit të komunës së Drenasit, Ramiz Lladrovci, ka shkuar në ndërmjetësim.

Mbrojtësi i të akuzuarit Ajazi, avokati Ibrahim Shala i propozoi trupit gjykues që nëse është edhe vullneti i palës tjetër dhe me pëlqimin e prokurores së shtetit, që lëndën ta referojë në ndërmjetësim, raporton “Betimi për Drejtësi”. Propozimin e avokatit Shala e mbështeti edhe i akuzuari Ajazi. Tutje, i dëmtuari Ramiz Lladrovci deklaroi se pajtohet me propozimin e avokatit Shala që lënda të shkojë në ndërmjetësim.

Kryetarja e trupit gjykues, gjykatësja Alltëne Murseli kërkoi të njoftohet kjo e fundit në afat sa më të shkurtë nëse është arritur apo jo marrëveshja e ndërmjetësimit mes palëve.

Ndryshe, Gjykata Themelore në Prishtinë, më 23 janar 2023, kishte shqiptuar urdhrin ndëshkimor ndaj të akuzuarit Ajazi, të cilin e kishte dënuar me dënim me gjobë në shumë prej 300 euro.

Mirëpo, ky vendim ishte kundërshtuar nga i akuzuari Ajazi përmes mbrojtësit të tij avokatit Ibrahim Shala dhe gjykata ka vazhduar me shqyrtim gjyqësor.

“E ka kundërshtuar përmes meje”, tha avokati Shala.

Sipas aktakuzës së ngritur më 17 janar 2023, nga Prokuroria Themelore në Prishtinë, me kërkesë për shqiptimin e urdhrit ndëshkimor, i pandehuri Muhamet Ajazi po akuzohet sepse më 12 nëntor 2021, në restorant “Lumi” në Komoran ka penguar kandidatin për kryetar komune në Komunën e Gllogocit tani të dëmtuarin Ramiz Lladrovcin në ushtrimin e veprimtarisë gjatë fushatës elektorale.

Aktakuza thotë se Ajazi këtë e ka bërë në atë mënyrë ku përderisa ishte duke qëndruar në restorantin e lartcekur afrohet tek dëshmitarët Ndriqim Bujupi, Lendrim Ibriqi dhe Besart Ajazi të cilin ishin duke qëndruar në atë restorant iu drejtohet me fjalët “shyqyr që ka përfunduar me kaq se jau kisha q… nanën plum”, duke aluduar në tani të dëmtuarin Lladrovci, për shkak të një konflikti që i dëmtuari kishte pasur gjatë asaj fushate zgjedhore me Fatmir Dugollin i cili njëherit ishte dhe përkrahës i tij.

Me këtë Ajazi, po akuzohet se ka kryer veprën penale “Kanosja e kandidatit”, nga neni 208 paragrafi 2 të Kodit Penal të Republikës së Kosovës (KPRK).

Lajmet

Shtatë raste dhune në familje brenda një dite – viktima kryesisht gra

Published

on

By

Policia e Kosovës ka raportuar një numër shqetësues të rasteve të dhunës në familje gjatë datës 23 qershor, me incidente të ndodhura në disa komuna të vendit.

Në Prishtinë, janë regjistruar tri raste të ndara të dhunës në familje:

Në një rast, një mashkull është arrestuar pasi dyshohet se ka sulmuar një femër. Viktima është trajtuar mjekësisht, ndërsa i dyshuari është dërguar në mbajtje me vendim të prokurorit.

Në një tjetër incident, një burrë dyshohet se pas një mosmarrëveshjeje ka sulmuar fizikisht një tjetër mashkull. Viktima është dërguar në QKUK për trajtim, ndërsa rasti është nën hetim.

Po ashtu, një tjetër burrë u arrestua pas dyshimeve për ushtrim dhune ndaj një gruaje. Ai u dërgua në mbajtje pas intervistimit.

Në Gjilan, një mashkull u arrestua për dhunë ndaj një gruaje pas një konflikti verbal e fizik. Edhe ai është dërguar në mbajtje.

Në Pejë, dy burra u arrestuan pasi dyshohet se ushtruan dhunë ndaj një gruaje. Pas intervistimit, ata u liruan në procedurë të rregullt.

Në Gjakovë, një burrë u arrestua për dhunë ndaj bashkëshortes. Pas konsultimit me prokurorin, ai është liruar në procedurë të rregullt.

Ndërkaq, në Vushtrri, një tjetër rast i dhunës në familje ka rezultuar me arrestimin e një burri, i cili është dërguar në mbajtje. Viktima është trajtuar mjekësisht.

Policia e Kosovës vazhdon të apelojë për raportim të menjëhershëm të çdo forme të dhunës dhe fton qytetarët të bashkëpunojnë për parandalimin e rasteve të tilla.

Continue Reading

Lajmet

Dy persona të dyshuar për sulm seksual në Viti, një në mbajtje

Published

on

By

Një rast i dyshuar për sulm seksual është raportuar në komunën e Vitisë, ku dy persona janë shoqëruar për intervistim nga Policia e Kosovës. Sipas informacioneve zyrtare, dy të dyshuarit, meshkuj kosovarë, dyshohet se kanë kryer veprën penale të sulmit seksual ndaj viktimave femra.

Pas procedurave fillestare, me urdhër të prokurorit, njëri prej të dyshuarve është dërguar në mbajtje, ndërsa rasti është duke u trajtuar nga njësitet përkatëse hetimore.

Hetimet po vazhdojnë për zbardhjen e plotë të ngjarjes.

Continue Reading

Lajmet

Policia raporton 68 aksidente trafiku në 24 orët e fundit

Published

on

By

Gjatë 24 orëve të fundit në Kosovë janë regjistruar gjithsej 68 aksidente trafiku, prej të cilave 31 me të lënduar dhe 37 me dëme materiale. Fatmirësisht, nuk është raportuar asnjë aksident me fatalitet.

Policia e Kosovës ka shqiptuar gjithsej 1,995 tiketa trafiku për shkelësit e rregullave në komunikacion.

Në kuadër të veprimeve të tjera operacionale, janë arrestuar 22 persona, ndërsa 11 të tjerë janë dërguar në mbajtje. Aktualisht, 3 persona ndodhen në vuajtje të dënimit.

Autoritetet u bëjnë thirrje qytetarëve të respektojnë rregullat në trafik dhe ligjet në fuqi, për të kontribuar në rritjen e sigurisë në vend.

Continue Reading

Lajmet

Raportohet i zhdukur një burrë në Prizren

Published

on

By

 Një person në Prizren raportohet se ka dalë nga shtëpia dhe më nuk dihet për vendndodhjen e tij.

Në raportin 24 orësh të Policisë, thuhet se viktima është zhdukur nga e diela.

“Prizren / 22.06.2025 – 19:45.  Më 23.06.2025 është raportuar se një person mashkull kosovar ka dalur nga shtëpia dhe nuk dihet për vendndodhjen e tij. Në konsultim me prokurorin kujdestar rasti po hetohet nga njësitë relevante”, thuhet në njoftim. /BetimipërDrejtësi

Continue Reading

Të kërkuara