Kronikë e zezë

Shkon në 25 numri i zyrtarëve të arrestuar në Vërmicë

Dyshohet qe në një periudhë disa mujore kanë pranuar ryshfet nga ana e qytetarëve për të kaluar pikën kufitare në Vërmicë.

Published

4 years ago

on

Në pikën kufitare në Vërmicë Inspektorati Policor i Kosovës (IPK) bashkë me Prokurorinë Speciale ka nisur aksionin e koduar “Pika 2”, ku deri më tani janë arrestuar 25 zyrtarë policorë kufitar me dyshimin se kanë kryer veprat penale marrje ryshfeti dhe keqpërdorim të detyrës zyrtare. Të gjitha tashmë janë nisur drejtë Prishtinës për intervistim.

Disa nga zyrtarët policorë janë arrestuar gjatë kohës sa ishin në detyrë në pikën kufitare Vermicë, ndërsa pjesa tjetër e të dyshuarve janë thirrur nga ana e hetuesve të IKP-së në objektin e përbashkët Kosovë-Shqipëri dhe në po të njëjtin vend është kryer edhe arrestimi i zyrtarëve policorë të dyshuar, të cilët tashmë janë nisur për intervistë. Dyshohet qe në një periudhë disa mujore kanë pranuar ryshfet nga ana e qytetarëve për të kaluar pikën kufitare në Vërmicë.

Kurse në njoftimin për mediat, SPAK deklaron se procedimin penal për veprën penale “Korrupsioni pasiv i personave që ushtrojnë funksione publike”, ka filluar mbi bazën e materialit kallëzues të referuar nga Shërbimi për Çështjet e Brendshme dhe Ankesat, mbi dyshime për përfshirjen e disa prej punonjësve të policisë në Pikën e Kalimit Kufitar Morinë në veprimtari të paligjshme për veprat penale “Korrupsioni pasiv i personave që ushtrojnë funksione publike”, “Kontrabandës me mallra, për të cilat paguhet akcizë”, si dhe “Ndihma për kalim të paligjshëm të kufijve”.

“Gjatë hetimeve është dokumentuar veprimtaria e kundërligjshme e punonjësve të Policisë së Shtetit në Drejtorinë Vendore për Kufirin dhe Migracionin, Kukës gjatë kohës së kryerjes së shërbimit në Pikën e Kalimit Kufitar Morinë, Kukës. Veprimet e kundërligjshme konsistonin në rastet të shumta korruptive të kryera në vijimësi gjatë ushtrimit të detyrës nga e këtyre punonjësve, duke detyruar shtetas shqiptar dhe të huaj që të paguanin shuma të ndryshme parash për kalimin nga Shqipëria në Kosovë dhe anasjelltas”, deklaron SPAK.

Nga hetimi janë dokumentuar 312 episode të veprimeve korruptive të punonjësve të policisë, të cilët favorizonin persona të ndryshëm për futjen e mallrave kontrabandë; persona që trafikonin automjete, sende të tjera të kundërligjshme; ndihmonin për të kaluar kufirin persona të ndryshëm me problematika ligjore për hyrjen dhe daljen e tyre ne vendet e BE-së, sa i përket regjistrimeve fiktive për hyrjen dhe daljen në territorin shqiptar; si dhe ndihmonin persona të tjerë që kishin probleme me ligjin, të cilët nuk regjistroheshin në sistemin TIMS, pasi nuk lejohej udhëtimi i tyre për në Kosovë dhe anasjelltas.

Me kërkesë të Prokurorisë së Posaçme janë caktuar nga Gjykata e Shkallës së Parë për Korrupsionin dhe Krimin e Organizuar 34 masa sigurimi personal, nga të cilat 32 punonjës të Policisë Kufitare Kukës, me funksione të ndryshme brenda Drejtorisë të Kufirit dhe Migracionit Kukës, duke përfshirë edhe Drejtorin e kësaj Drejtorie, për kryerjen e veprave penale “Shpërdorimi i detyrës”, “Korrupsioni pasiv i personave që ushtrojnë funksione publike”, në bashkëpunim, “Ushtrim i ndikimit të paligjshëm ndaj personave që ushtrojnë funksione publike”.

Masat e sigurimit personal janë: “Arrest në burg” për 17 persona punonjës policie, ‶Arrest në shtëpi‶ për 14 shtetas dhe punonjës policie si dhe ‶Pezullim nga detyra‶ ndaj 3 punonjës policie.

SPAK thekson se Shërbimi për Çështjet e Brendshme dhe Ankesat, në bashkëpunim me Drejtorinë e Përgjithshme të Policisë së Shtetit dhe Departamentin e Policisë Kufitare, kanë ekzekutuar sot masat e sigurimit personal caktuar nga ana e gjykatë.

Kujtojmë që më 14 mars të këtij viti Inspektorati Policor bashkë me Prokurorinë Speciale realizuan një operacion të koduad si “Pika”, ku u arrestuan 48 zyrtarë policorë në pikat kufitare “Qafë Prushë” dhe “Qafë Morinë”, ndërkaq 18 zyrtarë policorë ndodhen në arrati.

Këta të arrestuar dyshohen për kryerjen e 400 veprimtarive kriminale të veprës penale marrje e ryshfetit she keqpërdorimit të detyrës apo autoritetit zyrtar.

Related Topics:
Continue Reading

Kronikë e zezë

Dhuna në familje – shtim drastik i rasteve

Published

8 hours ago

on

February 3, 2026

By

Po shkojnë duke u shtuar rastet e dhunës në familje. Në raportet ditore të Policisë, këto janë rastet që dominojnë.

I tillë është edhe raporti i ditës së sotme.

Në Pejë, është arrestuar një person, nën dyshimin se ka shkaktuar dhunë fizike ndaj viktimës femër. Viktima ka pranuar tretman mjekësor, ndërsa me vendim të prokurorit i dyshuari është dërguar në mbajtje.

Po në Pejë, është raportuar se i dyshuari mashkull i ka shkaktuar dhunë fizike dhe psikike duke e kanosur viktimën femër kosovare. Lidhur me rastin është njoftuar prokurori , rasti nën hetime.

Rasti i tretë ka ndodhur në Deçan. “Janë arrestuar dy të dyshuar meshkuj kosovarë për kryerje të veprës së lartcekur. Pas intervistimit, të dyshuarit me urdhër të prokurorit janë liruar në procedurë të rregullt”, njoftoi Policia.

Në një rast tjetër, në Graqanicë është raportuar për përleshje fizike dhe verbale mes dy të dyshuarve, një femre dhe një mashkulli. Palët janë shoqëruar për intervistim dhe pas intervistimit me vendim të prokurorit janë liruar në procedurë të rregullt.

Edhe një rast tjetër ka ndodhur në Ferizaj, ku është raportuar për një përleshje mes pesë personash, pasi një i dyshuar paraprakisht kishte sulmuar fizikisht viktimën femër.

“Si pasojë e dhunës, tre nga viktimat kanë pësuar lëndime dhe kanë pranuar tretman mjekësor. Lidhur me rastin është arrestuar i dyshuari mashkull, nga i cili është konfiskuar një pistoletë me 18 copë fishekë dhe pas intervistimit me vendim të prokurorit është dërguar në mbajtje, kurse dy të dyshuar tjerë janë liruar në procedurë të rregullt”, thekson Policia.

Dy raste të tjera kanë ndodhur në Mitrovicë. Në rastin e parë, i dyshuari mashkull ka ushtruar dhunë psikike ndaj viktimës femër. I dyshuari është arrestuar dhe pas intervistimit me vendim të prokurorit është dërguar në mbajtje.

Në të dytin, në Mitrovicën e Veriut, është raportuar se i dyshuari mashkull ka shqetësuar viktimën femër. Palët janë intervistuar dhe me vendim të prokurorit i dyshuari është arrestuar dhe është dërguar në mbajtje.

Continue Reading

Kronikë e zezë

Policia gjen narkotikë në Podujevë e Gjakovë

Published

8 hours ago

on

February 3, 2026

By

Konfiskimi i lëndëve narkotike është bërë tashmë një përditshmëri. Vetëm brenda një dite, Policia raportoi për tre raste të konfiskimit të narkotikëve.

Në rastin e parë, në Podujevë, gjatë kontrollit te një i dyshuar është gjetur dhe konfiskuar  një sasi substancë e dyshuar narkotike e llojit marihuanë në peshë 2.78 gram.

I dyshuari është intervistuar dhe me vendim të prokurorit është liruar.

Në rastin e dytë, po në Podujevë, gjatë kontrollit në veturën e një të dyshuari është gjetur dhe konfiskuar një sasi substancë e dyshuar narkotike e llojit marihuanë në peshë 0.47 gram.

I dyshuari me vendim të prokurorit është liruar në procedurë të rregullt.

Rasti i tretë është shënuar në Gjakovë. Sipas Policisë, është realizuar një bastisje në një shtëpi pronë e një të dyshuari. Gjatë bastisjes janë gjetur dhe konfiskuar dy qese me substancë narkotike marihuanë me peshë 1.80 gram.

Me vendim të prokurorit i dyshuari është arrestuar dhe është dërguar në mbajtje.

Continue Reading

Kronikë e zezë

Sekuestrohet armë zjarri dhe municion në pikëkalimin kufitar Qafë Prush

Published

8 hours ago

on

February 3, 2026

By

Në pikëkalimin kufitar Qafë Prush, në dalje drejt Shqipërisë, janë sekuestruar armë zjarri dhe municion.

Dogana e Kosovës ka njoftuar se në bashkëpunimin me Policinë dhe drejtorinë kundër krimit të organizuar kanë zhvilluar një operacion, e ku në një automjet janë gjetur armët.

“Dogana e Kosovës, në bashkëpunim me Policinë e Kosovës dhe Drejtorinë Kundër Krimit të Organizuar, ka zhvilluar një operacion kontrolli ndaj një automjeti në pikëkalimin kufitar Qafë Prush, në dalje drejt Republikës së Shqipërisë. Gjatë kontrollit të detajuar është konstatuar prania e një arme zjarri pa numër serik, e fshehur në pjesën e brendshme të automjetit. Po ashtu, janë gjetur dhe sekuestruar municion i kalibrave të ndryshëm rreth 120 copë, si dhe një shumë parash në valutën euro. Rasti i është dorëzuar Drejtorisë Kundër Krimit të Organizuar për vazhdimin e hetimeve dhe ndërmarrjen e veprimeve të mëtejme procedurale, në përputhje me legjislacionin në fuqi. Dogana e Kosovës vazhdon të zbatojë masa të shtuara kontrolli dhe bashkëpunim të ngushtë ndërinstitucional për parandalimin e veprimtarive të kundërligjshme dhe rritjen e sigurisë kufitare”, njofton Dogana. /Ekonomia Online/

 

Continue Reading

Kronikë e zezë

Arrestohet pejani: Kërkohej për kanosje, bëri probleme gjatë transportit për në stacionin policor

Published

10 hours ago

on

February 3, 2026

By

Policia e Kosovës në Pejë ka arrestuar njё person i cili ishte shpallur në kërkim pasi dyshohet se kishte kanosur një zyrtar policor. Sikur të mos mjaftonte kaq, ai kishte tentuar të ikte gjatë arrestimit, ndërsa kishte kandosur zyrtarët policorë edhe gjatë transportit që po i bëhej për në Stacionin Policor në Pejë.

Ndaj tij është hapur rasti për veprën penale  ‘kanosje ndaj personit zyrtarë’, bëhet e ditur në komunikatën për media, transmeton KosovaPress.

“Drejtoria Rajonale e Policisё nё Pejё, Stacioni Policor Pejё, më datёn 02.02.2026 rreth orёs 08:50, deri sa zyrtarët policor ishin nё patrullё kanё vërejtur tё dyshuarin i cili ishte i shpallur nё kёrkim policor”, thuhet po aty.

Continue Reading

Të kërkuara