Kulturë

“Shkolla e parë shqipe” në Prishtinë në pritje të restaurimit

Published

on

Objekti i Shkollës së Parë Shqipe në Prishtinë, që dikur shërbente si institucion arsimor për më shumë se 200 nxënës, sot është në një gjendje të rënduar dhe konsiderohet një rrezik për kalimtarët. Edhe pse ky objekt ka një rëndësi të veçantë historike dhe është pjesë e Listës së Trashëgimisë Kulturore, ai ka mbetur në pritje të restaurimit për një periudhë të gjatë kohore. Aktualisht, objekti është rrethuar me skelet dhe ka shndërruar pjesën e qendrës historike të Prishtinës në një pengesë për qytetarët dhe vizitorët.

Ministria e Kulturës, Rinisë dhe Sporteve (MKRS) ka deklaruar se procesi i restaurimit është në fazën e prokurimit, dhe punimet do të fillojnë sapo të zgjidhet kompania fituese. Ministria ka theksuar se për tri vjet e gjysmë janë realizuar investime të konsiderueshme në trashëgiminë kulturore, duke përfshirë shumë komuna të Kosovës. Po ashtu, për shkollën e parë shqipe, faza e parë e konservimit është në përgatitje, ndërsa restaurimi i plotë pritet të nisë së shpejti.

Përveç këtij objekti, edhe ndërtesa e shtëpisë së Musli Hoxhës, gjithashtu në qendër të Prishtinës, është e rrethuar me skele dhe po paraqet një problem të ngjashëm. Sipas drejtorit të sigurisë dhe emergjencës në Komunën e Prishtinës, Lulzim Fushtica, këto struktura pengojnë qarkullimin e këmbësorëve dhe automjeteve dhe paraqesin një rrezik të dukshëm për qytetarët.

Ekspertët e trashëgimisë kulturore, si arkeologu Qazim Namani dhe eksperti Ylber Vokshi, kanë shprehur shqetësimin për rrezikun që këto objekte po paraqesin. Vokshi thekson se trajtimi i monumenteve kulturore në Prishtinë ka lënë shumë për të dëshiruar, duke kritikuar institucione që nuk kanë ndërmarrë veprime të mjaftueshme për ruajtjen e trashëgimisë.

Ndërkohë, janë bërë edhe përpjekje për të mbrojtur objekte të tjera të trashëgimisë, siç është shtëpia e Herticëve, për të cilën familja ka investuar rreth 50 mijë euro për ta ruajtur nga shkatërrimi, për shkak të kushteve atmosferike të pafavorshme. Megjithatë, qytetarët kanë shprehur shqetësimin se institucionet përgjegjëse nuk po marrin masat e nevojshme për mbrojtjen dhe restaurimin e këtyre objekteve me vlera historike.

Trashëgimia kulturore e Kosovës, që është më shumë se 1,500 asete, vazhdon të jetë në rrezik nga dëmtimet, ndërsa shumë prej objekteve të rëndësishme janë ende jashtë mbrojtjes permanente nga UNESCO. Shteti ka ndërmarrë disa iniciativa për ruajtjen dhe restaurimin e këtyre monumenteve, duke përfshirë ndërhyrje të emergjencës në disa objekte si Rezidencën e Presidentit, Muzeun Kombëtar të Kosovës dhe Teatrin Kombëtar të Kosovës./UBTNews/ 

Magazinë

Përfaqësuesi i Lady Gaga-s flet pas arrestimeve në Rio

Published

on

Dy persona janë arrestuar në Rio de Janeiro në lidhje me një kërcënim të dyshuar me bombë në koncertin madhështor të Lady Gaga-s, që u mbajt të shtunën, më 3 maj, në plazhin Copacabana, raportojnë mediat ndërkombëtare.

Sipas “The Guardian”, një burrë dhe një adoleshent u ndaluan pak orë para koncertit të falas, nën dyshimin se po planifikonin një sulm me lëndë shpërthyese kundër komunitetit LGBTQ+ në Brazil.

Në një konferencë për shtyp më 4 maj, Policia Civile e Rio-s sqaroi se të arrestuarit po punonin së bashku për të rekrutuar njerëz në koncert me qëllim sulme të koordinuara me bomba artizanale, duke përdorur kokteje Molotov. Sipas autoriteteve, sulmet synonin drejtpërdrejt publikun LGBTQIA+.

Personi i dyshuar si organizator është arrestuar për mbajtje të paligjshme armësh, ndërsa adoleshenti për posedim të materialeve pornografike me të mitur, pas një bastisjeje në 15 lokacione të ndryshme.

Një koncert historik që përfundoi me sukses, por që prapa skenave fshihte një skenar të rrezikshëm – i parandaluar në kohë nga inteligjenca braziliane.

 

 

Continue Reading

Lifestyle

Kafe e ftohtë apo e nxehtë, cila është më e shëndetshme dhe pse?

Published

on

Pirja e kafesë është bërë pjesë e pandashme e përditshmërisë për miliona njerëz, një zakon që nuk ofron vetëm energji, por edhe përfitime të shumta për shëndetin dhe mirëqenien mendore

Kafeja nxit ndjenjat e mirësisë, miqësisë e lumturisë, duke përmirësuar disponimin tuaj. Por përtej aspektit emocional, është një burim i pasur i vitaminave B dhe K, riboflavinës, si dhe përmban rreth një mijë përbërës bimore bioaktivë, shumë prej të cilëve kanë efekte antiinflamatore dhe mbrojtëse për organizmin.

Antioksidantët dhe dallimet mes kafesë së nxehtë dhe të ftohtë

Një studim i publikuar në Scientific Reports zbuloi se kafeja e nxehtë përmban më shumë antioksidantë krahasuar me atë të ftohtën, që e bën më efektive në luftën kundër radikaleve të lira dhe plakjes qelizore. Antioksidantët janë përbërës të rëndësishëm që kontribuojnë në mbrojtjen e zemrës, forcimin e sistemit imunitar dhe përmirësimin e funksioneve kognitive. Kafeja e ftohtë, ka aciditet më të ulët dhe një shije më të butë, duke e bërë të përshtatshme për ata që vuajnë nga ndjeshmëri në stomak ose refluks gastrik.

Pavarësisht temperaturës, vlera e pH-së së të dyja formave është e ngjashme, duke luhatur nga 4.85 në 5.13, por përthithja dhe reagimi i trupit ndryshojnë.

Cilën të zgjedhim? Varet nga trupi, preferenca dhe koha e ditës

▪ Për më shumë përfitime shëndetësore dhe antioksidantë: zgjidhni kafenë e nxehtë.

▪ Për ata me stomak të ndjeshëm ose që duan një alternativë më të butë gjatë ditës së nxehtë: kafe e ftohtë është më e lehtë për tretje.

▪ Në mëngjes, një kafe e nxehtë mund të nxisë qarkullimin dhe të zgjojë sistemin nervor.

▪ Në pasdite, kafeja e ftohtë mund të jetë më freskuese dhe më e lehtë për trupin.

Në fund të ditës, të dyja llojet ofrojnë përfitime të vlefshme, dhe zgjedhja më e mirë është ajo që i përshtatet trupit e mënyrës suaj të jetesës.

Çelësi është gjithmonë: konsumi i moderuar.

Continue Reading

Magazinë

Mbi 2 milionë njerëz në koncertin e Lady Gagas në Brazil

Published

on

Më shumë se dy milionë njerëz kanë ndjekur një koncert falas të Lady Gagas në plazhin Copacabana në Rio de Janeiro, sipas zyrtarëve të qytetit.

Koncerti më i madh i yllit të popit është paguar nga qyteti, në një përpjekje për të rigjallëruar ekonominë e Rios, raporton BBC.

Ata presin që kjo mund të sjellë 100 milionë dollarë të ardhura për ekonominë lokale. Performanca e së shtunës ishte pjesë e një turneu promovues për albumin e tetë të Lady Gagas, “Mayhem”, këngët e të cilit përfshijnë Abracadabra dhe Die With a Smile. Ajo performoi për herë të fundit në Brazil më 2012.

Disa fansa, të njohur si “Përbindëshat e vegjël” të Gaga-s, kishin nisur të mblidheshin në radhë herët në mëngjes për të hyrë në plazh.

Një operacion masiv sigurie ishte caktuar në vend, me 5,000 oficerë policie në detyrë, teksa të pranishmit duhej të kalonin përmes detektorëve metalikë. Autoritetet përdorën gjithashtu dronë dhe kamera për njohjen e fytyrës, për të ndihmuar policinë e ngjarjes.

Lady Gaga nuk është personi i parë që ka mbajtur një koncert falas në Brazil. Madonna ka mbajtur po ashtu një koncert në plazhin e Copacabana në maj të vitit 2024, i cili u pagua gjithashtu nga qyteti.

“Ju keni pritur për mua, keni pritur për më shumë se 10 vjet”, ka thënë Lady Gaga e emocionuar para turmave ndërsa ajo shpalosi një flamur brazilian.

“Brazil, unë jam gati. Do të jap gjithçka”, është shprehur ajo më pas.

Mijëra kënduan hitet më të njohura, Alejandro, Poker Face dhe Abracadabra, duke krijuar atmosferë elektrike. Fansar udhëtuan nga i gjithë vendi për të parë performancën madhështore.

Continue Reading

Kulturë

Festivali i parë Mesdhetar i Filmit, aktorë e regjisorë nga bota “zbresin” në Tiranë

Published

on

By

Tirana, ka hapur dyert për edicionin e parë të Festivalit Mesdhetar të Filmit (TMFF), një ngjarje kulturore që ka bashkuar filma, aktorë, regjisorë dhe producentë nga e gjithë bota, për të ndarë me publikun shqiptar disa nga historitë më emocionuese dhe reflektuese të Mesdheut.

Nga një total prej 3030 filmash të aplikuar, festivali ka përzgjedhur prodhime që trajtojnë tema të thella dhe aktuale si emigracioni, pabarazitë sociale dhe marrëdhëniet mes qytetarëve dhe shtetit.

Këto filma prekin tema universale që flasin për përpjekjet njerëzore për një të ardhme më të drejtë dhe më të mirë, duke sjellë në ekran histori që ngjallin ndjenja dhe ndihmojnë për të kuptuar më mirë sfidat e kohës.

Me një grup djemsh dhe vajzash të reja jemi munduar që në këtë festival të sjellim artistë, aktorë, regjisorë e producentë shumë të mirë nga Mesdheu. Në vitin 2025, Tirana është shpallur kryqyteti mesdhetar i artit dhe kulturës. Në këtë epokë të re, Tirana merr rolin kryesor të kryeqytetit të filmit mesdhetar. Le të jetë ky festival pikëtakimi i ideve, projekteve, ëndrrave”., – thotë Ledion Zoi drejtor i festivalit.

Festivali, do të vijojë deri më 4 maj, duke ofruar një program të pasur me shfaqje filmash, por edhe me Workshop-e dhe diskutime të vlefshme me profesionistë të njohur të industrisë së filmit.

I ftuar nderi i këtij edicioni është aktori i mirënjohur Arben Bajraktari, ndërsa juria e kryesuar nga regjisori dhe producenti Eno Milkani do të vlerësojë artistët pjesëmarrës me pesë çmime.

Continue Reading

Të kërkuara