Sport

Shkodran Mustafi i shkruan mesazh emocionues lamtumirës Mesut Ozilit

Published

5 years ago

on

Shkodran Mustafi e ka vlerësuar Mesut Ozilin si lojtarin më vetëmohues me të cilin e ka ndarë zhveshtoren në karrierën e tij, në një mesazh lamtumirës për turko-gjermanin i cili u largua nga Arsenali për t’iu bashkuar Fenerbahces këtë afat kalimtar.

Ozil u përshëndet me bashkëlojtarët e vet në qendrën stërvitore të Arsenalit të dielën, para nisjes drejt Turqisë, duke i dhënë fund karrierës shtatëvjeçare e gjysmë në Londrën veriore, raporton Gazeta Express.

Arsenali i dha atij leje për të udhëtuar drejt Stambollit, ku ai mbërriti të dielën pasdite dhe tani pritet t’iu nënshtrohet testeve mjekësore para se ta finalizojë marrëveshjen me Fenerbahcen, klubin përkrahës i të cilit ka qenë që prej fëmijërisë.

Mustafi, i cili luajti përkrah mesfushorit 32-vjeçar në Emirates Stadium për katër vjet, ndien se klubi dhe bashkëlojtarët dështuan t’i ndihmonin Ozilit siç u kishte ndihmuar ai atyre me asistet e shumta.

Ozili i prishi marrëdhëniet me klubin kryekëput për shkak të qëndrimeve të tij në lidhje me myslimanët uygurë në Kinë, të cilët i kishte mbrojtur publikisht duke e kritikuar dhe e akuzuar qeverinë kineze për dhunë ndaj tyre.

Kjo i kishte përkeqësuar gjërat për të, pasi Kina dhe sponsorët i kishin bërë Arsenalit presion ta shukatnin Ozilin në rrjetet sociale në lidhje me këto çështje.

“Vëlla, ju jeni lojtari më vetëmohues brenda dhe jashtë fushës me të cilin e kam ndarë zhveshtoren ndonjëherë. Ju gjithmonë do të mbaheni në mend si mbreti i asistimeve. Fatkeqësisht, ne si ekip nuk kemi qenë në gjendje të të ndihmojnë ty kur ke pasur nevojë më së shumti. Gjithë të mirat”, shkroi Mustafi në Twitter.

Tani, gjithçka që mbetet për t’u finalizuar është çështja e dokumenteve, pasi Arsenali dhe Ozili kanë arritur ujdi për ndërprerjen e parakohshme të marrëveshjes në vlerë prej 350 mijë funteve në javë.

Nuk do të ketë njoftim formal për largimin e fituesit të Kupës së botës nga Arsenali derisa procedurat e zakonshme të kompletohen.

Por Ozili ka folur për televizionin turk NTV para kalimit në Fener.

“Jam shumë i lumtur dhe ngazëllyer. Jam tifoz i Fenerbahces. Si tifoz i Fenerbahcen, zoti e ka bërë të mundur që unë ta vesh këtë fanellë. Do ta jap më të mirën nga vetja”, ka thënë Ozil.

Ozili iu bashkua Arsenalit nga Real Madridi në vitin 2013 për një shumë rekorde për klubin atë botë, 45 milionë euro.

Ai i ka bërë 184 paraqitje për Arsenalin në Premierligë, duke i shënuar 33 gola dhe duke i dhënë 54 asiste.

Related Topics:
Continue Reading

Sport

Senegali arrin finalen e Kupës Afrikës

Published

12 hours ago

on

January 15, 2026

By

Kombëtarja e Senegalit ka arritur fitore minimale 1:0, në ndeshjen gjysmëfinale ndaj Egjiptit, duke arritur finalen e vlefshme në Kupën e Kombeve te Afrikës.

Pjesa e parë përfundoj 0:0, me Senegalin që shënoj në minutën e 78-të me anë të Sadio Mane.

Egjipti u përpoq, që të barazonte rezultatin në minutat e fundit, mirëpo pa sukses.

Senegali do të pres fituesin e sfidës Nigeri-Marok, për finalen e madhe që luhet të dielen.

Continue Reading

Sport

Sportet dhe origjina e tyre

Published

2 days ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

2 days ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

2 days ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Të kërkuara