Sport
Shkërmoqet mbrojtja e Shqipërisë, Silvinjo jep dy variantet për ndeshjet e radhës
Kapiteni i Kombëtares shqiptare, Berat Gjimshiti, do të mungojë në dy ndeshjet e para të Ligës së Kombeve kundër Ukrainës dhe Gjeorgjisë për shkak të një dëmtimi të pësuar gjatë stërvitjes.
Gjimshiti pësoi dëmtimin gjatë një seance stërvitore të hënën, ndërsa po zhvillonte një ndeshje miqësore me ekipin U-21. Pas kontrolleve mjekësore dhe një rezonance magnetike, u konfirmua se ai ka pësuar një tërheqje muskulore dhe ka nevojë për disa ditë pushim për t’u rikuperuar. Kapiteni ka nisur procesin e rikuperimit te klubi i tij, Atalanta.
Në këto kushte, trajneri Silvinjo ka vendosur të thërrasë mbrojtësin e Kombëtares U-21, Adrian Bajramin, për të zëvendësuar Gjimshitin në këto ndeshje. Bajrami ka filluar stërvitjen me ekipin e parë, ndërsa mungesa e Gjimshitit është e rëndësishme, duke pasur parasysh që edhe Arlind Ajeti është jashtë formacionit pas rikthimit të tij nga një dëmtim.
Në mungesë të Gjimshitit dhe Ajetit, qendra e mbrojtjes shqiptare është e dobësuar. Silvinjo do të besojë në Ardian Ismajlin dhe Marash Kumbullën për të formuar çiftin e mbrojtësve qendrorë. Lajmi i mirë është se Kumbulla ka filluar të luajë rregullisht me Espanyolin, duke ofruar një garanci më të madhe për ekipin.
Për të përforcuar repartin e mbrojtjes, do të jenë Mario Mitaj dhe Elseid Hysaj ata që do ta nisin nga minuta e parë në ndeshjen ndaj Ukrainës më 7 shtator.
Në një tjetër aspekt të formacionit, Silvinjo është duke menduar nëse t’i besojë Qazim Laçit nga minuta e parë dhe ta spostojë Bajramin në krah, duke e sakrifikuar kështu Arbër Hoxhën, i cili është në formë të mirë. Një alternativë tjetër është ruajtja e Laçit për pjesën e dytë, duke e përdorur atë si një forcë freskie në momentet e nevojshme. Në këtë rast, Bajrami do të bashkohej me Asllanin dhe Ramadanin në mesfushë, ndërsa Seferi ose Hoxha do të fillonin në krahë, me Hoxhën që ka më shumë mundësi për të nisur titullar.
Në krahun tjetër, Asani është i konfirmuar, ndërsa në majën e sulmit do të luajë Rei Manaj./UBTNews/
Trajneri i Barcelonës, Hansi Flick, e ka cilësuar ndeshjen e kthimit gjysmëfinale të Kupës së Mbretit kundër Atletikos si një “finale para finales”. Në një intervistë të dhënë para sfidës, Flick theksoi se ndeshja do të jetë një mundësi e shkëlqyer për skuadrën e tij dhe se do të kenë të gjithë mundësinë të tregojnë veten.
Flick pranoi se skuadra e tij po përballet me një moment shumë të tensionuar, duke e cilësuar përballjen me Atletikon si një sfidë vendimtare për arritjen e finales së Kupës së Mbretit që do të zhvillohet në fund të prillit në Sevilje. Trajneri i Barcelonës theksoi se skuadra është duke luajtur mirë dhe se është krenar për punën e madhe të bërë nga lojtarët e tij deri tani.
Në lidhje me formacionin titullar, Flick nuk ka dhënë shumë detaje, por njoftoi se Rafinha dhe Kubarsi janë plotësisht të rikuperuar dhe të gatshëm për të nisur nga minuta e parë. Megjithatë, ai theksoi se Barcelona duhet të jetë shumë e kujdesshme përballë Atletikos, e cila, sipas tij, do të luftojë deri në minutën e fundit për të siguruar kalimin në finale.
“Ne duam më shumë, jo vetëm Superkupën e Spanjës, por edhe Kupën e Mbretit. Megjithatë, e dimë që sfida do të jetë shumë e vështirë, pasi Atletico do të jetë aty deri në fund,” tha Flick.
Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.
Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.
Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.
Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/
James Bond i “rikthehet origjinës” me një “yll shumë të ri”
Macron dënon kërcënimet me vdekje ndaj gjyqtares që e dënoi Le Penin
Kurti flet për gjobën e Themelores: Më dënojnë mua nganjëherë por mos u mërzitni ju
Pse disa njerëz preferojnë udhëtimet e gjata vetëm?
Rutte: Duhet të sigurohemi që situata në Kosovë të mbetet stabile
Kurti për formimin e qeverisë: Kemi filluar takimet zyrtare me komunitetet jo shumicë
Krasniqi: Nëse LVV-ja s’arrin ta bëjë qeverinë, PDK-ja e gatshme të marrë përgjegjësinë me Hamzën kryeministër
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
BE gjobit prodhuesit e makinave me 458 milionë euro
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë