Dua Lipa ka hedhur poshtë pretendimet se ka pushuar nga puna agjentin e saj, David Lavy, për shkak të qëndrimeve të tij pro-Izrael.

Këngëtarja sqaroi se nuk mbështet veprimet e Levyt, por theksoi se deklarata e saj ishte manipuluar nga Mail Online.

“Unë nuk mbështes veprimet e David Levy apo të ndonjë drejtuesi tjetër muzikor kundër një artisti që po shpreh të vërtetën e tij. Megjithatë, nuk mund të injoroj mënyrën se si kjo çështje u trajtua në media. Artikulli ishte plotësisht i pavërtetë, ndërsa gjuha e përdorur nga Daily Mail ishte qartësisht nxitëse, e shkruar vetëm për klikime dhe për të krijuar përçarje online. Për mua, gjithmonë është ‘Free Palestine’, por shfrytëzimi i një tragjedie globale vetëm për shitje gazetash është diçka jashtëzakonisht shqetësuese”, ka shkruar Dua Lipa në reagimin e saj. /A.Z/UBT News/

Një incident i pazakontë u regjistrua së fundmi pranë rezidencës së Travis Kelce dhe Taylor Swift në Kansas, ku një burrë 48-vjeçar, Justin Lee Fisher, u arrestua pasi dyshohet se tentoi të dorëzonte dokumente ligjore në emër të aktorit Justin Baldoni, në një çështje që përfshin Blake Lively.

Fisher dyshohet se hodhi gardhin e pronës private për t’i dorëzuar dokumentet Swift, e cila u përmend si dëshmitare në betejën ligjore mes Lively dhe Baldonit. Policia e ka cilësuar ngjarjen si shkelje të pronës private në një zonë të siguruar.

Ky incident ndodh mes një procesi të tensionuar ligjor. Blake ka ngritur një padi ndaj Baldonit dhe ekipit të tij, duke pretenduar ngacmim seksual dhe shpifje, ndërsa Baldoni ka kundërpërgjigjur me një padi prej 400 milionë dollarësh ndaj Lively dhe bashkëshortit të saj, Ryan Reynolds, për shpifje dhe zhvatje, një padi që tashmë është rrëzuar nga gjykata.

Taylor Swift është përmendur si dëshmitare, por avokatët e saj kanë refuzuar të paraqitet në gjyq, duke përmendur angazhimet profesionale.

Përfaqësuesit e saj theksuan se ajo nuk ka pasur rol në prodhimin e filmit “It Ends With Us”, përveç përdorimit të një kënge të saj në soundtrack. /A.Z/UBT News/

Claudia Cardinale, një nga ikonat më të njohura të kinemasë italiane dhe botërore, u nda nga jeta në moshën 87-vjeçare në Nemours, pranë Parisit, Francë, ku kishte jetuar për shumë vite. Ajo u largua duke qenë pranë fëmijëve të saj.

Agjenti, Laurent Savry, e përshkroi si “trashëgimtare e shpirtit të një gruaje të lirë e të frymëzuar, si në jetën personale, ashtu dhe në art.”

E lindur më 15 prill 1938 në Tunis, nga prindër sicilianë që kishin emigruar gjatë periudhës së protektoratit britanik, Cardinale filloi karrierën në kinematografi në vitet 1950 dhe krijoi një rrugëtim artistik që zgjati më shumë se gjashtë dekada.

Gjatë karrierës, luajti në mbi 150 filma e bashkëpunoi me disa nga regjisorët më të mëdhenj të kohës, përfshirë Luchino Visconti, Federico Fellini, Sergio Leone, Mauro Bolognini dhe Werner Herzog. Roli i saj si Angelica në “Il Gattopardo” të Visconti-t, ku skena e vallëzimit me Alain Delon është tashmë legjendare, si dhe pjesëmarrja në “8½” të Fellinit, e vendosën atë në radhët e yjeve të kinemasë europiane.

Ndër filmat më të njohur:  “La ragazza con la valigia”, “C’era una volta il West”, “Fitzcarraldo”, “La pelle”, “La storia” “The Pink Panther”.

Përveç ekranit, Cardinale pati një përfshirje të madhe në teatër dhe mbështeti gjithmonë autorët e rinj. Ajo konsiderohej figurë e respektuar në skenën kulturore ndërkombëtare, duke qëndruar larg zhurmës mediatike, por gjithmonë aktive në art dhe çështje sociale.

U nderua me pesë çmime “David di Donatello”, pesë “Nastro d’Argento” me çmime për arritje jetësore nga festivalet e Venecias e Berlinit.

Claudia kujtohet jo vetëm për bukurinë dhe karizmën e saj në ekran, por edhe për integritetin dhe pasionin me të cilin e jetoi artin dhe jetën. /A.Z/UBT News/

Këngëtarja e njohur Miley Cyrus ka deklaruar se nuk i frikësohet mundësisë së largimit nga industria e showbizit.

32-vjeçarja, e cila u bë e famshme që në fëmijëri me rolin e Hanna Montanës në serialin e Disney-t me të njëjtin emër, ka thënë se nuk ndihet e lidhur në mënyrë të domosdoshme me industrinë e argëtimit.

Ajo ka shtuar se e mban të hapur mundësinë për të ndaluar karrierën në çdo moment.

“Kam pasur një periudhë kur mendoja se i jam ngjitur trenit që kur isha 11 vjeçe dhe që nga ajo kohë nuk kam zbritur. Kam qenë e përkushtuar kurrë nuk kam dyshuar ose analizuar zgjedhjet e mia,” rrëfeu gjatë një interviste me Pamela Anderson për CR Fashion Book.

Cyrus ka shpjeguar se rreth të 20-ave dhe 30-ave filloi të rivlerësonte gjërat në jetë.

“Kam menduar nëse kjo është ende ajo që dua të bëj dhe përgjigja ime ka qenë PO. Por nuk frikësohem nga dita kur kjo përgjigje mund të ndryshojë në JO,” ka thënë këngëtarja.

Ajo ka theksuar se nuk e di nëse kjo ditë do të vijë, dhe se e vlerëson jetën e thjeshtë pavarësisht famës dhe suksesit.

“Një pjesë e madhe e asaj që bëjmë është se e ndajmë me të tjerët. Një gjë që më pëlqen është kopshtaria, është diçka që e krijon vetë. Pas gjithë asaj që kemi ndarë me publikun, të kalosh kohë duke mbjellë dhe kujdesur për diçka, bëhet një proces shumë personal,” shtoi ajo.

Miley ka treguar gjithashtu se kohëve të fundit, pasi ka vendosur të mos konsumojë më alkool dhe të jetojë plotësisht esëll, ka nisur të dëshirojë të bëjë diçka me duart e veta, larg famës dhe suksesit. /A.Z/UBT News/