Lajmet

​Shënohet Dita Ndërkombëtare për Eliminimin e Dhunës Seksuale në Konflikt

Published

12 months ago

on

Në Ditën Ndërkombëtare për Eliminimin e Dhunës Seksuale në Konflikt, u theksua rëndësia e rrëfimeve të të mbijetuarve që ato të dëgjohen, të ndjehen dhe të përkrahen. Për këtë u tha se ‘trauma nuk ka skadencë ashtu siç nuk ka afat edhe kërkesa për drejtësi’.

Në kuadër të fushatës “trauma nuk ka afat”, nga drejtoresha e Qendrës Kosovare për Rehabilitimin e të Mbijetuarve të Torturës (QKRMT), Feride Rushiti tha se pasojat e këtij krimi, më së miri Kosova arrin t’i shoh qe 25 vjet me radhë që nuk janë prezent vetëm për të mbijetuarit por edhe për familjet e tyre.

Tutje Rushiti tha se nuk duhet heshtur, të dëgjohen historitë e të reflektohet.

“Pasojat afatgjate të këtij krimi, më së miri ne në Kosovë 25 vite me radhë arrijmë ti shohim që nuk janë prezent vetëm për të mbijetuarit, por fatkeqësisht janë prezent edhe tek fëmijët e tyre. Sot në kuadër të fushatës “Trauma nuk ka afat” qe po zhvillojmë së bashku me Ambasadën britanike ne Kosovë dhe me platformën bëhu zëri im kemi zgjedhur të mos heshtim më, kemi zgjedhur të dëgjojmë historitë e të mbijetuarve që të reflektojmë por njëkohësisht të veprojmë me hapa konkret, sepse të mbijetuarit e dhunës seksuale gjatë luftës nuk shërohen me kohën, koha nuk shëron plagët, por drejtësia, përkujdesja dhe rehabilitimi.”, tha Rushiti.

Ndërsa, Ambasadori i Britanisë së Madhe në Kosovë, Jonathan Hargreaves u shpreh se dhuna seksuale akoma përdoret si armë dhe strategji e qëllimshme e luftës.

“Dhuna seksuale akoma përdoret si armë dhe strategji e qëllimshme e luftës. Sot është një mundësi që ta pranojmë dhe të luftojmë atë, por gjithashtu një ditë që të festojmë qëndrueshmërinë dhe t’i bëjmë thirrje drejtësisë. Është një ditë që të theksojmë besimin tonë se të mbijetuarit kurrë më nuk duhet të heshtën ose të injorohen, por të njohen, përkrahen dhe fuqizohen. Ju e njihni dhimbjen, por e njihni edhe forcën”, u shpreh Hargreaves.

E mbijetuara dytësore e dhunës seksuale gjatë luftës në Kosovë, Venesa Sulimani tha se trauma e dhunës seksuale nuk është një histori por një trashëgimi, e cila sipas saj, qëndron në jetën e përditshme të të mbijetuarve.

“Kur flasim për dhunën seksuale të lidhur me konfliktin, biseda shpesh mbetet e kapur pas historisë — çfarë ndodhi, kur dhe ku. Por trauma, trauma nuk është histori, është trashëgimi. jo nuk qëndron e mbyllur në të kaluarën. Ajo qëndron, jehon dhe shfaqet në jetën e përditshme të të mbijetuarve. Ajo zë vend në trupat e tyre, në familjet e tyre dhe në brezat që vijnë”, tha Sulimani.

Në Ditën Ndërkombëtare për eliminimin e dhunës seksuale në konflikt pati edhe homazhe në parkun “Heroinat” në Prishtinë.

Related Topics:
Continue Reading

Lajmet

1 Qershori – Dita Ndërkombëtare e Fëmijëve, theksohen sfidat globale dhe organizohet aktivitet në Prishtinë

Published

1 minute ago

on

June 1, 2026

By

Sot shënohet 1 Qershori, Dita Ndërkombëtare e Fëmijëve, një ditë e dedikuar promovimit të të drejtave, mirëqenies dhe mbrojtjes së fëmijëve në mbarë botën.

Kjo ditë ka rrënjë në përpjekjet ndërkombëtare për garantimin e të drejtave të fëmijëve, të cilat u forcuan me Deklaratën e të Drejtave të Fëmijëve të vitit 1959 dhe Konventën për të Drejtat e Fëmijës të miratuar nga OKB në vitin 1989.

Megjithatë, të dhënat globale tregojnë se sfidat mbeten të mëdha. Dhjetëra miliona fëmijë ende nuk kanë qasje në arsim, ndërsa miliona të tjerë përballen me varfëri ushqimore dhe kushte të vështira jetese. Në shumë vende të botës, vazhdojnë të raportohen edhe raste të martesave të hershme të vajzave, një fenomen që ndikon drejtpërdrejt në shkeljen e të drejtave të tyre dhe zhvillimin e shëndetshëm.

Në kuadër të kësaj dite, Komuna e Prishtinës në bashkëpunim me organizatën ETEA ka organizuar aktivitetin publik me titull “Përtej festës: Flasim për sigurinë e fëmijëve në shkolla”, i cili synon të hapë diskutim mbi sigurinë dhe mirëqenien e fëmijëve në institucionet arsimore.

Continue Reading

Lajmet

Sulm ndaj zyrtarit policor në Vushtrri, i dyshuari në kërkim

Published

2 hours ago

on

June 1, 2026

By

Në Vushtrri, më 31 maj 2026 rreth orës 18:50, është raportuar një rast i sulmit ndaj personit zyrtar gjatë kryerjes së detyrës.

Sipas Policisë së Kosovës, derisa njësiti policor ishte duke rregulluar dhe drejtuar komunikacionin, një i dyshuar me veturë nuk ka respektuar urdhrat e zyrtarit policor. Ai fillimisht ka ofenduar policin dhe më pas ka goditur me automjet zyrtarin policor mashkull kosovar.

Viktima nuk ka pësuar lëndime trupore, ndërsa i dyshuari është larguar nga vendi i ngjarjes dhe aktualisht ndodhet në kërkim policor.

Rasti është duke u trajtuar nga organet kompetente dhe hetimet janë në vazhdim.

Continue Reading

Lajmet

Arrestohet një person në Mitrovicën e Veriut për veshje të paautorizuar të uniformës së Policisë së Kosovës

Published

2 hours ago

on

June 1, 2026

By

Një person është arrestuar në Mitrovicën e Veriut pasi dyshohet se kishte veshur pjesë të uniformës së Policisë së Kosovës pa qenë pjesëtar i këtij institucioni.

Sipas raportit 24-orësh të Policisë së Kosovës, i dyshuari është ndaluar dhe është shoqëruar në stacionin policor për intervistim. Gjatë kontrollit, policia ka sekuestruar tri veshje që i përkisnin Policisë së Kosovës.

Pas përfundimit të procedurave dhe me vendim të prokurorit kompetent, i dyshuari është liruar në procedurë të rregullt, ndërsa rasti po trajtohet nga organet e drejtësisë.

Continue Reading

Lajmet

Shtatë raste të dhunës në familje brenda një dite në Kosovë

Published

2 hours ago

on

June 1, 2026

By

Sipas raportit të fundit 24-orësh të Policisë së Kosovës, gjatë 31 majit janë raportuar shtatë raste të dhunës në familje në komuna të ndryshme të vendit, ndërsa një person është arrestuar dhe dërguar në mbajtje.

Në Prishtinë, një grua ka raportuar se është sulmuar fizikisht nga një burrë pas një mosmarrëveshjeje. Pas intervistimit të palëve, me vendim të prokurorit, rasti është proceduar në procedurë të rregullt.

Po ashtu në Prishtinë, është raportuar se një i dyshuar kishte ushtruar dhunë fizike ndaj dy viktimave meshkuj. Viktimat janë intervistuar, ndërsa i dyshuari ndodhet në kërkim policor. Rasti vazhdon në procedurë të rregullt.

Një rast tjetër është raportuar në Fushë Kosovë, ku një grua dhe një burrë kanë pasur mosmarrëveshje. Të dy janë intervistuar dhe, pas konsultimit me prokurorin, rasti po hetohet në procedurë të rregullt.

Në Gllogoc, pak para mesnatës, një burrë dyshohet se ka ushtruar dhunë fizike ndaj një burri tjetër. Pas procedurave policore, prokurori ka urdhëruar që rasti të vazhdojë në procedurë të rregullt.

Ndërkaq, në Klinë është raportuar një rast i dhunës psikike, ku një burrë dyshohet se ka ushtruar presion dhe dhunë psikologjike ndaj një gruaje. Pas intervistimit, palët janë liruar dhe rasti po trajtohet në procedurë të rregullt.

Rasti më i rëndë është raportuar në Deçan, ku një burrë është arrestuar nën dyshimin për ushtrim të dhunës psikike ndaj një gruaje. Me vendim të prokurorit, i dyshuari është dërguar në mbajtje.

Ndërkohë, në Mitrovicën e Jugut, një shtetase e huaj ka raportuar se është përballur me dhunë fizike dhe psikike nga një burrë dhe një grua kosovare. Viktima ka pranuar trajtim mjekësor, ndërsa pas intervistimit të palëve, prokurori ka urdhëruar që rasti të vazhdojë në procedurë të rregullt.

Policia e Kosovës ka bërë të ditur se të gjitha rastet janë duke u trajtuar sipas procedurave ligjore dhe mbeten nën hetime.

Continue Reading

Të kërkuara