Shëndeti

Shenjat e depresionit te fëmijët

Kuptoni cilat janë ato.

Published

on

Kush nuk dëshiron të rikthehet në fëmijëri, pa pasur përgjegjësi, pa paguar taksa dhe pa pasur obligime ditore.

Megjithatë, pavarësisht kësaj dëshire, ne shpeshherë harrojmë sa e stresuar mund të jetë fëmijëria, e ditëve të sotme kjo periudhë është më stresuese se asnjëherë më parë.

“YoungMinds” është organizatë e cila merret me shëndetin mendor të fëmijëve, dhe thotë se 1 në 10 fëmijë të moshës 5 – 16 vjet vuajnë nga ndonjë çrregullim i shëndetit mendor, si stresi, depresioni dhe shqetësimi – pra i bie që 3 fëmijë në çdo klasë kanë probleme të tilla dhe numrat vetëm sa janë në rritje!

Fëmijët, njësoj sikur të rriturit, përjetojnë stres, ndërsa burim i stresit të tyre mund të jetë bulizmi, divorci i prindërve, shpërngulja në qytet tjetër, presioni nga shokët dhe shoqet, etj.

Prandaj është e rëndësishme që prindërit ta kuptojnë kur fëmija i tyre po ka probleme të tilla dhe t’i adresojë ato menjëherë.

Këto janë disa shenja të cilat tregojnë se diçka është duke shkuar gabim me fëmijën tuaj:

Nuk dëshiron të shkojë në shkollë

Nuk është befasi të dëgjoni se fëmija thjesht nuk po dëshiron të shkojë në shkollë një ditë, por nëse kjo fillon të bëhet diçka e zakonshme, atëherë keni kujdes sepse mund të ketë ndonjë arsye të fortë prapa kësaj. Shumë gjëra mund ta shkaktojnë stresin në shkollë – testet, detyrat e shtëpisë, dhe në rastin më të keq ngacmimi!

Notat janë duke ndryshuar!

Shenjë tjetër e stresit janë edhe notat. Nëse jeni mësuar që fëmija t’i ketë të gjitha 5 apo 4, dhe papritmas fillojnë të marrin nota 2 dhe 3, atëherë pyeteni veten përse!

Ky ndryshim nuk ndodh brenda nate, dhe flisni me mësuesit, merrni pjesë në të gjitha takimet e prindërve, dhe monitoroni përpjekjen e fëmijës për të mësuar.

I ka ndryshuar shprehitë e ngrënies

Njësoj si me të rriturit, indikator i madh i stresit është edhe ushqimi. Kjo mund të ndodh në dy mënyra: kur fëmija hanë më shumë se zakonisht sepse e shfrytëzon ushqimin si ngushëllim, ose kur humbet interesin në ushqim!

Nuk e merr gjumi

Fëmijët të cilët vuajnë nga stresi shpeshherë kanë probleme me gjumë – nuk flenë gjatë natës ose bëjnë gjumë aspak kualitativ.

Shëndeti

Ushqimet më të mira kundër fryrjes së stomakut

Published

on

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Continue Reading

Shëndeti

Qëndrimi ulur për periudha të gjata rrit rrezikun për sëmundje kronike

Published

on

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Continue Reading

Shëndeti

Të mirat dhe “dëmet” nga konsumimi i fasuleve

Published

on

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Continue Reading

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

on

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!

Continue Reading

Të kërkuara