Shëndeti

Shëndeti i Zemrës dhe Kujdesi Kardiologjik në United Hospital

Published

on

Shëndeti i zemrës është një aspekt kyç i mirëqenies tonë të përgjithshme dhe parandalimi i sëmundjeve kardiovaskulare është thelbësor për të ruajtur një jetë të shëndetshme dhe të gjatë. Kontrollet e rregullta kardiologjike janë një mënyrë efektive për të monitoruar shëndetin e zemrës dhe për të identifikuar probleme të mundshme në faza të hershme. Në United Hospital, Dr. Edis Demiri, një kardiolog i njohur, ofron ekspertizë dhe kujdes të avancuar për të siguruar shëndetin optimal të zemrës tuaj.

Rëndësia e Kontrolleve të Rregullta Kardiologjike

Kontrolli i rregullt kardiologjik është thelbësor për parandalimin dhe menaxhimin e sëmundjeve të zemrës. Vizitat e rregullta te kardiologu mund të ndihmojnë në identifikimin e faktoreve të rrezikut dhe në monitorimin e shëndetit të zemrës tuaj. Shumë sëmundje kardiovaskulare, si infarkti i miokardit dhe sulmi në zemër, shpesh/ jo rralle fillojnë me simptoma të buta ose asimptomatike. Kontrollet e rregullta mund të zbulojnë këto probleme në faza të hershme, duke lejuar ndërhyrje të hershme dhe trajtim të suksesshëm.

Faktorët e Rrezikut për Sëmundjet e Zemrës dhe Si T’i Shmangim

Sëmundjet e zemrës shpesh janë të lidhura me disa faktorë rreziku që mund të ndikojnë negativisht në shëndetin kardiovaskular. Faktorët kryesorë të rrezikut përfshijnë:

· Tensioni i lartë i gjakut: Një problem i zakonshëm që mund të dëmtojë arteriet dhe të rrisë rrezikun e infarktit të miokardit.

· Kolesteroli i lartë: Nivelet e larta të kolesterolit LDL (kolesteroli i keq) mund të kontribuojnë në formimin e pllakave në arterie, duke ndikuar në rrjedhën e gjakut.

· Dieta e pasur me yndyra të ngopura dhe sheqer: Ushqimet e pasura me yndyra të ngopura dhe sheqer mund të rrisin nivelin e kolesterolit dhe/kjo fraze nuk eshte e nevojshme të ndikojnë në shëndetin e zemrës.

· Peshë e tepërt: Obeziteti është një faktor i rëndësishëm rreziku për sëmundjet kardiovaskulare.

· Fuma: Pirja e duhanit dëmton enët e gjakut dhe rrit rrezikun e sëmundjeve të zemrës.

· Stresi i lartë dhe jeta sedentare: Një stil jetese i ulur dhe stresi i vazhdueshëm mund të kontribuojnë në zhvillimin e problemeve kardiovaskulare.

Për të shmangur këta faktorë të rrezikut, është e rëndësishme të ndjekim një dietë të shëndetshme, të ushtrojmë rregullisht, të menaxhojmë stresin dhe të shmangim zakonet e dëmshme si pirja e duhanit.

Procedurat e Avancuara Kardiologjike në United Hospital

Në United Hospital, Dr. Edis Demiri ofron një gamë të gjerë procedurash kardiologjike të avancuara për të trajtuar dhe menaxhuar sëmundjet e zemrës. Disa nga procedurat që ofrohen përfshijnë:

· Ekokardiografi: Një teknologji që përdor valët e zërit për të krijuar imazhe të zemrës dhe për të vlerësuar funksionin e saj.

· Testet e stresit kardiak: Përdoren për të vlerësuar reagimin e zemrës ndaj aktivitetit fizik dhe për të identifikuar çrregullime të mundshme.

· Monitorimi Holter: Një pajisje që regjistron aktivitetin elektrik të zemrës për një periudhë të gjatë për të zbuluar aritmi të mundshme.

· Kateterizimi i zemrës dhe angiografia: Procedura të avancuara që ndihmojnë në diagnostikimin dhe trajtimin e problemeve të enëve të gjakut dhe arterieve. Ketu perfshihen koronarografia dhe procedurat e stentimit apo balonimit te arterieve te zemres/kete e shtova une.

· Implantimi i defibrilatorëve dhe pacemakerëve: Pajisje që ndihmojnë në rregullimin e ritmit të zemrës dhe parandalimin e aritmive të rrezikshme.

Në United Hospital, angazhimi ynë për të ofruar kujdes të lartë dhe të përparuar kardiologjik është i pashoq. Dr. Edis Demiri është këtu për të siguruar që zemra juaj të marrë kujdesin më të mirë dhe më të avancuar të mundshëm.

Kontakt dhe Caktimi i Takimit

Për të programuar një konsultë ose për të marrë më shumë informacion mbi procedurat e kardiologjisë në United Hospital, ju lutem kontaktoni me ne në numrat e telefonit 038 60 70 70 ose 046 60 70 70. Po ashtu vizitoni faqen tonë të internetit për të caktuar një takim me Dr. Edis Demiri. Kujdesi për zemrën tuaj është prioriteti ynë, dhe jemi këtu për t’ju ndihmuar të ruani një shëndet të mirë kardiovaskular.

Shëndeti

Çfarë suplemente duhet të merrni gjatë ekspozimit në diell?

Published

on

Suplemente për diell që rekomandohen për shëndetin e lëkurës.

Edhe pse prej kohësh dimë që dielli nuk është mik i lëkurës sonë, e vërteta e hidhur është se të gjithë duam gjatë verës të kemi ngjyrë të artë të lëkurës.

Dimë se celuliti dhe çrregullimet tjera duken më pak kur rrezitemi pak. Për të arritur ngjyrën e dëshiruar, duke shmangur dëmtimet nga dielli, naduhet një rutinë bukurie që përfshin përdorimin adekuat të produkteve me SPF dhe rinovimin e mbrojtjes dhe kujdesin e duhur, në këtë ekuacion futen edhe suplementet, që janë të rëndësishme gjatë sezonit të diellit.

Kur ekspozohemi, trupi ka nevojë për disa lëndë ushqyese, rrezet UV janë stres për lëkurën dhe organizmin në tërësi, për shkak të mundësisë së dehidratimit.

Suplementimi i duhur është i rëndësishëm, përfitimi shtesë është se shumë prej tyre nxisin ngjyrimin më të shpejtë, duke na mundësuar të marrim ngjyrë bronzi në kohë më të shkurtër në diell. Ndihmojnë të shmangim skuqjen, puçrrat dhe djegiet, ngadalësojnë plakjen e shmangin humbjen e lagështisë.

Cilat suplemente duhet të merrni gjatë ekspozimit në diell?

Beta-karoteni – Ky pigment natyral mbron lëkurën nga brenda dhe lehtëson ngjyrimin e njëtrajtshëm dhe më të shpejtë, ndërkohë që redukton ndjeshmërinë e lëkurës ndaj rrezeve UV. Doza e rekomanduar: 15-30 mg në ditë.

Astaksantini – Në antioksidant i fuqishëm, 500 herë më i fuqishëm se vitamina E në efektin antioksidativ. Mbron lëkurën nga skuqjet, djegiet dhe humbja e elasticitetit që shkaktohen nga rrezet UV. Doza e rekomanduar: 4-8 mg në ditë

Vitamina D – Promovon imunitetin, shëndetin e kockave dhe disponimin. Edhe pse trupi e prodhon këtë vitaminë gjatë ekspozimit, duhet pasur parasysh që kremrat me SPF ulin sintezën e saj, prandaj suplementimi mbetet i rëndësishëm. Doza e rekomanduar: 1,000-2,000 IU në ditë (më shumë nëse ka deficit).

Vitaminat C dhe E – Janë antioksidantë të fuqishëm që luftojnë radikalet e lira të shkaktuara nga rrezet UV. Roli i tyre është të mbështesin rigjenerimin e lëkurës dhe të ngadalësojnë procesin e plakjes. Doza: vitamina C: 500-1,000 mg në ditë; vitamina E: 100–200 IU në ditë

Çinku dhe seleni – Minerale që stimulojnë rigjenerimin e lëkurës e kanë veti antiinflamatore. Reduktojnë reaksionet alergjike pas ekspozimit në diell.

Doza e rekomanduar: çinku: 15-30 mg në ditë; seleni: 100-200 µg në ditë.

Acidet yndyrore Omega-3 – Roli i acidit yndyror omega-3 është të ulin inflamacionin e mbrojnë membranat qelizore të lëkurës. Ato rrisin elasticitetin dhe hidratojnë lëkurën, duke e bërë më të qëndrueshme ndaj rrezeve UV. Doza e rekomanduar: 1,000-2,000 mg EPA/DHA në ditë.

Kolagjeni – Suplementimi me kolagjen të hidrolizuar kompenson dëmtimet që rrezet UV shkaktojnë në lëkurë, duke ruajtur fortësinë e nivelin e lagështisë.

Doza e rekomanduar: 5-10 g në ditë (ideal në kombinim me vitaminë C për absorbim më të mirë)

Si të merrni suplementet?

Filloni 2-3 javë para pushimeve, më pas vazhdoni t’i konsumoni gjatë qëndrimit në plazh, por edhe pas kthimit në shtëpi, deri në fillim të vjeshtës.

Suplementet si beta-karoteni, astaksantini, vitamina C, acidet yndyrore omega-3 dhe vitamina D është më mirë t’i merrni në mëngjes, ndërsa çinku, seleni dhe vitamina E në mbrëmje. Kini parasysh se pavarësisht suplementimit, përdorimi i kremrave me SPF është i domosdoshëm, si dhe shmangia e ekspozimit në diell midis orës 11:00 dhe 17:00. Lexoni edhe si të dalloni ndryshimet malinje nga ato beninje në lëkurë.

 

Continue Reading

Shëndeti

Kujdes nga këto ushqime, po ju ‘vjedhin’ energjinë tuaj!

Published

on

A keni menduar pse energjia juaj bie gjatë pasdites? Ndoshta fajtor është mëngjesi i preferuar, mesvakti apo dreka. Kjo ndodh për shkak se disa ushqime vjedhin energjinë, ndërkohë mund të shikoni nëse një nga ushqimet tuaja është në listën e hajdutëve.

Bananet – Ushqimet e pasura me magnez, siç janë bananet apo farat e kungullit, mund t’ju bëjnë të lodhur. Ky mineral vepron në çlodhjen e muskujve, është mirë t’i hani para se të shkoni në shtrat, por gjatë ditës nuk janë të rekomanduara.

Buka e bardhë – Nëse i zgjidhni karbohidratet me një indeks të lartë glikemik në vend të atyre me drithëra integrale duhet ta dini se ato nuk i përmbajnë elementet kryesore që shkaktojnë një ndjenjë të ngopjes dhe fuqisë. Karbohidratet me indeks të lartë glikemik nuk përmbajnë shumë fibra, kështu që shpejt shpërbëhen dhe nuk japin energjinë e nevojshme.

Mishi i kuq – Përmbajtja e lartë e yndyrës në mish të kuq, si bifteku apo hamburgeri, shkaktojnë ndjenjë të përgjumjes. Nevojitet sasi madhe e energjisë për ta tretur mishin. Në vend të mishit të kuq, rekomandohet salmoni.

Qershitë – Studimet kanë treguar se qershitë dhe lëngu i dendur i tyre ndihmon për të fjetur, përmbajnë melatoninë. Qershia rregullon gjumin, prandaj në këtë drejtim është ndihmesë e madhe, nuk janë një ushqim i mirë në mes të ditës.

Ëmbëlsirat – Konsumimi i ëmbëlsirës me përqindje të lartë të sheqerit pas drekës mund t’ju vë në gjumë shpejtë.

Kafeja – Edhe pse kjo mund të duket e pabesueshme, ekspertët pohojnë se pijet e pasura me kafeinë, si kafeja ose çaji, mund të shkaktojnë lodhje. Këto pije sigurojnë energji në shpejtësi, por kur ndikimi i tyre kalon, pason lodhja.

Continue Reading

Shëndeti

A e shkakton stresi vërtet kancerin? Shkencëtarët dhanë përgjigje

Published

on

Studimet sugjerojnë një korrelacion, por edhe kufizimet e këtyre hulumtimeve. Ngjarjet e rënda jetësore, aksidentet, ndarjet dhe traumat serioze, shpesh ndodhin në vitet menjëherë para fillimit të sëmurjes nga lloje të ndryshme të kancerit.

Duke pasur parasysh se niveli i stresit është në rritje dhe se pritet që më shumë njerëz të sëmuren, madje për një të tretën më shumë, deri në katër milionë deri më 2030, ekspertë thonë se dëshmitë e reja për ndikimin e stresit do të thotë se nuk do të ishte befasuese nëse ekziston një lidhje mes  stresit e kancerit.

Ndikimi i hormoneve të stresit në kancer

Prof. Melanie Flint nga Universiteti i Brighton, e cila studion ndikimin e hormoneve të stresit në kancer, thotë: “Ka shumë përparim në këtë fushë dhe mendoj se nuk mund ta përjashtojmë kontributin e stresit në zhvillimin e kancerit. Mendimi im është se stresi me të vërtetë kontribuon, si në shfaqjen e kancerit, ashtu edhe në përhapjen e tij kur shfaqet, por është një faktor kontribues, dhe jo domosdoshmërisht shkaktar i drejtpërdrejtë.”

Duket se disa studime që kanë ndjekur popullata të mëdha me kalimin e kohës e mbështesin këtë ide, shkruan “Daily Mail”, përcjell Telegrafi.

Një hulumtim me 10.000 gra në Finlandë, që zgjati 15 vjet, zbuloi se ato që kishin përjetuar një trishtim të thellë kishin më shumë gjasa të zhvillonin kancer të gjirit brenda pesë viteve. Ekspozimi ndaj stresit në vendin e punës lidhet me një rrezik më të madh të kancerit të prostatës tek meshkujt nën 65 vjeç dhe, megjithëse në masë më të vogël, edhe me kancerin e gjirit tek gratë.

Mund ta shtypë sistemin imunitar

Megjithatë, studime të tjera të ngjashme, përfshirë analizat e provave të cilësisë më të lartë, nuk tregojnë asnjë lidhje. Pjesë e problemit, sipas profesorit Trevor Graham, drejtor i Qendrës për Evoluim dhe Kancer në Institutin për Kërkime të Kancerit, është fakti se stresi shpesh shoqërohet me sjellje të tjera që rrisin rrezikun për kancer.

“Jeta me stres shpesh lidhet me shumë faktorë të tjerë rreziku për kancer, siç janë pirja e duhanit, konsumimi i tepruar i alkoolit, mungesa e aktivitetit fizik dhe ushqimi jo i shëndetshëm, prandaj është e vështirë të ndahet se cili është shkaku i vërtetë”, shpjegon ai.

Dihet se stresi shkakton një sërë efektesh në trup, veçanërisht nëse është kronik.

“Stresi shkakton lirimin e hormonit të stresit, kortizolit. Stresi dhe kortizoli mund ta shtypin sistemin imunitar”, thekson profesoresha Flint.

Shkencëtarët kanë provuar të imitojnë në laborator efektin e stresit në qeliza, gjë që ka treguar se stresi dëmton ADN-në e shkakton ndryshime në qeliza të cilat, nëse riprodhohen, mund të zhvillohen në kancer.

Por, meqë stresi është i vështirë të përfaqësohet saktë në kushte laboratorike, kjo nuk është një tregues i besueshëm i asaj që ndodh realisht në trupin e njeriut, thekson profesori Graham.

Continue Reading

Shëndeti

Nëse hani shpesh nektarina, ja çfarë i bëjnë ato trupit tuaj

Published

on

Me ardhjen e verës njerëzit mezi presin të shijojnë fruta si shalqinj, pjeshkë, kajsi dhe nektarina. Përveçse janë të shijshëm, të ëmbël dhe lëngshëm, nënvlerësohet se sa të mira janë nektarinat për shëndetin e përgjithshëm.

Ky frut është si bombë e vogël dhe e ëmbël natyrale me vitamina, nektarinat përmbajnë gjithçka që i nevojitet trupit për t’u përballur me vapën, lodhjen dhe ritmin e shpejtë të verës. Nëse nuk i keni përfshirë ende në menunë tuaj ditore, kjo verë është koha e duhur për ta ndryshuar këtë.

Ato janë të shkëlqyera për tretje

Nektarinë mesatare përmban dy deri 2.4 gramë fibra dietike, që nxisin lëvizjet e rregullta të zorrëve dhe mbështesin florën e shëndetshme të zorrëve. Sorbitoli në nektarina është i dobishëm për problemet e kapsllëkut.

Ato janë të pasura me antioksidantë

Të pasura me antioksidantë, vitamina C, beta-karoten, luteina, zeaksantina, acidi klorogjenik dhe flavonoide. Këto komponime zvogëlojnë stresin oksidativ, ndihmojnë në luftimin e inflamacionit, zvogëlojnë rrezikun e sëmundjeve kronike, duke përfshirë sëmundjet e zemrës dhe madje edhe disa lloje kanceri.

Mbron zemrën dhe presionin e gjakut

Burim i mirë kaliumi, i cili ndihmon në rregullimin e presionit të gjakut. Së bashku me fibrat dhe antioksidantët, nektarinat kontribuojnë në shëndetin vaskular dhe zvogëlojnë rrezikun e sëmundjeve të zemrës.

Ndihmon në humbjen e peshës

Ky frut i preferuar është i ulët në kalori, duke përmbajtur 60 kalori për nektarinë mesatare. Ato janë zgjedhje ideale në vend të ëmbëlsirave për shkak të përmbajtjes së tyre të fibrave dhe nuk përmbajnë yndyrë. Fibra në nektarina ndihmon me ndjesinë e ngopjes dhe mund të kontribuojë në humbjen e peshës.

Continue Reading

Të kërkuara