Shëndeti

Shëndet i mirë nga xhenxhefili

Mënyrat kuruese në kushtet e shtëpisë.

Published

4 years ago

September 2, 2021

Betim Gashi

Xhenxhefili pluhur përdoret gjerësisht në mjekësinë popullore të shumë vendeve të ndryshme të botës. Sipas informacioneve, xhenxhefili është i dobishëm për shëndetin e zemrës, tretjen, infeksionet bakteriale e të tjerë.

Përdorimet E Xhenxhefilit Pluhur Në Shtëpi
Çaj Xhenxhefili
Çaj i xhenxhefilit është i dobishëm për shëndetin e sistemit tretës. Merrni gjysëm luge çaji me xhenxhefil pluhur dhe treteni në një filxhan me ujë të nxehtë. Pijeni çdo ditë në mëngjes.

Masazh Me Xhenxhefil
Çajin me xhenxhefil pluhur mund ta përdorni edhe në kompresa ose për masazh të muskujve, kyçeve apo stomakut. Kjo është një mënyrë shumë e mirë për të zbutur dhimbjet.

Xhenxhefil Me Mjaltë
Përzieni dy lugë gjelle me xhenxhefil pluhur në një filxhan çaji me mjaltë dhe mbajeni në frigorifer. Kjo përzierje rekomandohet ta konsumoni jo vetëm në çaj, sa herë që të jeni sëmurë por edhe për t’u dhënë shije gatimeve tuaja.

Shurup Me Xhenxhefil
Shurupi I xhenxhefilit përgatitet shumë lehtë. Ziejeni 4 lugë çaji xhenxhefil pluhur në dy gota ujë dhe më pas në këtë lëng shtoni tetë lugë çaji me mjaltë. Pasi përbërësit të jenë tretur me njëri-tjetrin, shurupin hidheni në një kavanoz të sterilizuar dhe ruajeni në frigorifer për një muaj. Nga ky shurup të rriturit mund të konsumojnë nga një lugë gjelle për pesë herë në ditë ose sipas nevojës kur të jeni me grip apo ftohje.

Tonik Xhenxhefili
Në një tenxhere zieni tre gota me ujë me 25o gramë xhenxhefil pluhur. Pasi të ketë marrë valë, lëreni lëngun të ftohet për 30-45 minuta. Pasi të jetë ftohur, kullojeni lëngun dhe shtoni 200 gramë mjaltë. Shtoni lëngun e një gjysmë limoni dhe mbylleni kapakun e kavanozit. Më pas këtë tonik mund ta përzieni me ujë mineral ose të gazuar dhe akull dhe ta konsumoni rregullisht.

Vaj Xhenxhefili
Xhenxhefilin pluhur mund ta përzieni me vaj bajamesh ose vaj ulliri deri sa të bëhet si pastë, më pas mund ta përdorni në lëkurë ku keni infeksione ose djegie.

Xhenxhefil Për Ngrohjen E Organizmit
Xhenxhefili ju vjen në ndihmë për ngrohjen e stomakut, organizmit dhe mbi të gjitha për të përmirësuar qarkullimin e gjakut. Zieni një copë xhenxhefili 2-3 cm në një gotë ujë, shtoni një majë luge me kripë, lëreni të ftohet për 10 minuta dhe lëngu i ngrohjes së trupit është gati.

Pijeni sa herë t’ju nevojitet.
Lëng I Ftohtë Xhenxhefili
Në një gotë me ujë të ftohtë shtoni një lugë çaji me lëng limoni, një majë luge me kripë dhe një copë të vogël xhenxhefil të qëruar. Këtë pije mund ta konsumoni për të marrë energji dhe freski./AgroWeb

Shëndeti

Ushqimet më të mira kundër fryrjes së stomakut

Published

1 hour ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

6 hours ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

7 hours ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

8 hours ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!