Aktualitet

Shefi më i mirë i vitit 2021 s’është Zuckerberg

Zuckerberg nuk është më shefi më i mirë në botë!

Published

4 years ago

June 20, 2021

Betim Gashi

Për herë të parë që nga viti 2013, Mark Zuckerberg është jashtë renditjes së ”Glassdoor” të 100 shefave më të mirë në botë dhe kjo për shkak të vlerësimit të punonjësve.

Ai kishte 89% të pëlqimeve, shumë më lart se mesatarja e 73% në të gjithë botën, por jo aq sa të sigurohej të mbetej në listën e 100 më të mirëve.

Përqindja e Zuckerberg ra nga 94% në 2019 në 89% në 2021.

Në përgjithësi, sipas renditjes, shefi më i votuar i 2021 ishte Rich Lesser i ”Boston Consulting Group”, me një vlerësim 99% të miratimit.

Për të kryer hulumtimin e saj, ”Glassdoor” intervistoi 700 punonjës në Facebook, vetëm një pjesë e vogël e më shumë se 60 000 punonjësve në zyra të ndryshme, por, sipas analistëve, mjafton të përfshijë një përfaqësim të roleve të ndryshme të atyre që punojnë për gjigantin e teknologjisë.

Në vitin 2013, kur ”Glassdoor” filloi përpilimin e listës, Zuckerberg u rendit i pari, me një vlerësim miratimi prej 99%.

Në fushën e teknologjisë, Satya Nadella e ”Microsoft” u rendit e gjashta, me një rezultat miratimi prej 97%, ndërsa Tim Cook i ”Apple” doli në vendin e 32, me një vlerësim 95%.

Aktualitet

Tentimvrasja në Pejë, i dyshuari në arrati

Published

9 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

9 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

10 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.