Lajmet

Shefi i OKB-së bën thirrje për zgjidhje politike të luftës civile siriane 11-vjeçare

Guterres kërkoi veprim kolektiv për t’i dhënë fund praktikës së ndalimit arbitrar dhe zhdukjes me forcë të dhjetëra mijëra njerëzve.

Published

on

Sekretari i Përgjithshëm i OKB-së, Antonio Guterres bëri thirrje të premten për një zgjidhje politike për luftën civile në Siri, e cila filloi 11 vjet më parë dhe ka shkatërruar vendin dhe popullin e tij. Lufta civile filloi kur regjimi i Bashar al-Assad goditi protestuesit pro-demokracisë. Qindra mijëra njerëz janë vrarë dhe miliona të tjerë janë zhvendosur, sipas vlerësimeve të OKB-së.

“Ne nuk mund ta zhgënjejmë popullin sirian. Konflikti duhet të pushojë. E drejta ndërkombëtare humanitare duhet të respektohet”, tha Guterres në një deklaratë.

“Unë u bëj thirrje të gjitha palëve që të angazhohen në mënyrë kuptimplote në procesin politik të lehtësuar nga OKB-ja dhe apeloj për mbështetje të mëtejshme për të rritur reagimin humanitar. Ne duhet të zgjedhim paqen”, shtoi ai.

Guterres tha se 11 vitet e fundit të konfliktit brutal kanë shkaktuar një kosto njerëzore të pandërgjegjshme dhe miliona të zhvendosur brenda vendit dhe refugjatë luftojnë për të mbijetuar në rrethanat më të vështira.

Gjithashtu shtoi se ne nuk duhet të humbasim shpresën, të lëvizim përtej angazhimeve retorike për paqen dhe të bëjmë gjithçka që është e nevojshme për të arritur një zgjidhje politike të negociuar në përputhje me rezolutën 2254 (2015) të Këshillit të Sigurimit. Kjo është rruga drejt një zgjidhjeje që plotëson aspiratat e të gjithë sirianëve tha ai.

Shefi i OKB-së bëri thirrje për sigurimin e aksesit më të madh humanitar për të adresuar nevojat e njerëzve anembanë vendit, dorëzimi i linjës ndërkufitare është thelbësor për të arritur miliona njerëz në nevojë.

Guterres kërkoi veprim kolektiv për t’i dhënë fund praktikës së ndalimit arbitrar dhe zhdukjes me forcë të dhjetëra mijëra njerëzve.

“Është koha për t’iu përgjigjur thirrjeve urgjente të familjeve anembanë Sirisë, të cilët po kërkojnë të sqarojnë fatin dhe vendndodhjen e të dashurve të tyre të zhdukur. Ndërsa familjet kërkojnë të vërtetën për të dashurit e tyre, mijëra vazhdojnë të vuajnë në burgje në kushte të paimagjinueshme”, tha ai.

Ndërkohë, zyra e të dërguarit special të OKB-së për Sirinë tha se një raund i ri bisedimesh që përfshin një komitet kushtetues që kërkon një zgjidhje për luftën në vazhdim do të rifillojë në Gjenevë nga 21 marsi./UBTNews/

Lajmet

KQZ: Fillon periudha për aplikim të partive për zgjedhjet lokale

Published

on

By

Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.

Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.

“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.

Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.

Continue Reading

Lajmet

Falsifikim parash në Prishtinë, arrestohet një person

Published

on

By

Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.

Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.

Pas intervistimit, me vendim të prokurorit, i dyshuari është dërguar në mbajtje.

Continue Reading

Lajmet

Gjashtë raste dhune në familje brenda një dite, tre të dyshuar në mbajtje

Published

on

By

Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.

Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.

Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.

Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.

Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.

Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Continue Reading

Lajmet

Rreth 2200 tiketa trafiku brenda 24 orëve, 30 persona të arrestuar

Published

on

By

Gjatë 24 orëve të fundit Policia e Kosovës ka shqiptuar gjithsej 2182 tiketa trafiku.

Gjatë së njëjtës periudhë janë regjistruar 71 aksidente trafiku, prej të cilave 22 kanë përfunduar me persona të lënduar, ndërsa 49 me dëme materiale. Fatmirësisht, nuk është raportuar asnjë aksident me fatalitet.

Në aspektin e rendit dhe sigurisë publike, 30 persona janë arrestuar, ndërsa 14 prej tyre janë dërguar në mbajtje. Po ashtu, dy persona janë futur në vuajtje të dënimit, ndërsa nuk është raportuar asnjë rast ndalimi policor.

Policia ka theksuar rëndësinë e respektimit të rregullave të trafikut, si dhe bashkëpunimin e qytetarëve për të parandaluar incidentet që rrezikojnë jetën dhe sigurinë publike.

Continue Reading

Të kërkuara