Magazinë

Sheeran: Nuk është shpërngulje e përhershme, por një zgjidhje gjatë turneut

Published

8 months ago

on

Ed Sheeran ka zbuluar se do të zhvendoset përkohësisht në ShBA, pasi do të qëndrojë atje gjatë turneut të tij, ndërsa ka sqaruar se nuk bëhet fjalë për një largim të përhershëm nga Mbretëria e Bashkuar.

Gjatë një interviste në emisionin “The One Show”, këngëtari tregoi se vendimi lidhet kryesisht me familjen e tij, duke theksuar se është më e lehtë të jetojnë në Amerikë për kohën sa ai është në turne, sesa të udhëtojnë vazhdimisht mes dy kontinenteve.

“Gjithë karrierën time e kam kaluar kështu. Kur shkoj në turne në SHBA, vendos të jetoj përkohësisht atje sepse kam familjen me vete. Disa e paraqesin sikur unë po largohem përgjithmonë nga Britania, por kjo nuk është e vërtetë,” u shpreh ai.

Sheeran bëri të ditur se, pas përfundimit të angazhimeve muzikore, planifikon të kthehet në Framlingham, qytetin pranë të cilit është rritur.

“I dua fëmijët e mi dhe nuk është logjike t’i shëtisja vazhdimisht nga SHBA në Britani gjatë turneut,” shtoi artisti. /A.Z/UBT News/

Related Topics:
Continue Reading

Magazinë

Kim Scott arrestohet sërish për vozitje në gjendje të dehur – ish-gruaja e Eminem

Published

8 hours ago

on

May 19, 2026

By

Kim Scott është arrestuar sërish në Michigan, pasi dyshohet se shkaktoi një aksident gjatë drejtimit të makinës nën ndikimin e alkoolit.

Sipas mediave amerikane, ajo goditi një automjet pranë Detroitit, por fatmirësisht nuk pati të lënduar. Arrestimi ndodhi vetëm pak ditë pasi ishte paraqitur në gjykatë për një rast tjetër të ngjashëm.

Kim Scott është përballur disa herë me probleme ligjore gjatë viteve të fundit, kryesisht për abuzim me substanca dhe shkelje trafiku.

Ajo dhe Eminem u martuan në vitin 1999, u divorcuan në 2001, ndërsa një martesë e dytë në vitin 2006 zgjati vetëm disa muaj.

Continue Reading

Magazinë

Bullgaria pret me festë Darën pas triumfit historik në Eurovision 2026

Published

1 day ago

on

May 18, 2026

By

Këngëtarja bullgare Dara është pritur me entuziazëm të madh në Sofje pas triumfit historik në Eurovision 2026, duke i sjellë Bullgarisë fitoren e parë në këtë festival.

Mijëra fansa u mblodhën në aeroport për ta mirëpritur artistën, e cila u prit me duartrokitje, brohoritje dhe ceremoninë tradicionale të përshëndetjes me ujë.

Dara e cilësoi këtë sukses si fillimin e karrierës së saj ndërkombëtare dhe përcolli një mesazh frymëzues për të rinjtë, duke i inkurajuar të besojnë në ëndrrat e tyre pavarësisht se vijnë nga vende të vogla.

Për nder të fitores së saj, nesër në Sofje do të organizohet një koncert festiv në sheshin “Knyaz Alexander I”, me muzikë live dhe aktivitete festive për fansat.

Continue Reading

Magazinë

Shakira shpallet e pafajshme nga Gjykata Supreme e Spanjës

Published

1 day ago

on

May 18, 2026

By

Gjykata Supreme e Spanjës ka shpallur të pafajshme këngëtaren kolumbiane Shakira në lidhje me akuzat për evazion fiskal.

Sipas vendimit gjyqësor të cituar nga Reuters, gjykata i ka dhënë Ministrisë së Financave spanjolle një kompensim prej më shumë se 60 milionë eurosh, shumë që këngëtarja e kishte paguar më herët në formë gjobash dhe interesash.

Hetimet ndaj Shakirës kishin nisur në verën e vitit 2023, kur prokurorët e akuzuan për shmangie të dyshuar të taksave prej 6.7 milionë eurosh për të ardhurat e vitit 2018, përmes përdorimit të një kompanie jashtë vendit.

Ndërkohë, në nëntor të vitit 2023, ajo kishte arritur një marrëveshje me prokurorinë për një çështje tjetër, duke paguar rreth 14 milionë euro taksa për periudhën 2012–2014.

Pas divorcit nga futbollisti Gerard Piqué në vitin 2022, Shakira u zhvendos në Miami, ku jeton me dy fëmijët e saj.

Continue Reading

Magazinë

Bebe Rexha reagon për protestën e studentëve shqiptarë në Maqedoninë e Veriut

Published

1 day ago

on

May 18, 2026

By

Këngëtarja shqiptare me famë botërore, Bebe Rexha, ka reaguar lidhur me protestën e paralajmëruar nga studentët shqiptarë në Maqedoninë e Veriut, të cilët kërkojnë që provimi i jurisprudencës të mund të zhvillohet edhe në gjuhën shqipe.

Përmes një postimi në Instagram, ajo ka theksuar rëndësinë e gjuhës shqipe si pjesë thelbësore e identitetit kombëtar, duke kujtuar përpjekjet e brezave për ruajtjen dhe forcimin e saj.

Rexha ka nënvizuar gjithashtu se Maqedonia e Veriut është një shtet multietnik, i ndërtuar mbi bashkëjetesën dhe të drejtat e barabarta për të gjitha komunitetet, ku gjuha shqipe njihet si gjuhë bashkëzyrtare.

“Gjuha jonë shqipe është thellësisht e rrënjosur në identitetin tonë. Për breza me radhë kemi luftuar për ta ruajtur dhe për ta mbajtur gjallë. Maqedonia e Veriut është një shtet multietnik i ndërtuar mbi bashkëjetesën dhe të drejtat e barabarta për të gjitha komunitetet e saj, ku gjuha shqipe njihet si gjuhë bashkëzyrtare”, ka shkruar ajo.

Në reagimin e saj, këngëtarja ka theksuar se studentët shqiptarë meritojnë të njëjtat të drejta dhe mundësi si të gjithë të tjerët.

Continue Reading

Të kërkuara