Në ditën e Krishtlindjeve, në Katedralen “Shën Nënë Tereza” në Prishtinë është mbajtur Mesha e Krishtlindjeve, e udhëhequr nga famulltari Don Agim Qerkini. Gjatë fjalës së tij, Don Agim Qerkini u bëri thirrje besimtarëve që të luten për paqe, ta mbrojnë jetën dhe t’i shërbejnë asaj në kuptimin e plotë të fjalës.

Ai tha se Krishtlindjet janë festë e paqes, duke theksuar se bëhet fjalë për një paqe të trefishtë: me Zotin, me të afërmin dhe me vetveten.

Para lutjeve, famulltari theksoi nevojën që t’i jepet më shumë hapësirë Zotit në jetën e përditshme, duke vlerësuar se në një botë gjithnjë e më të zhurmshme është e vështirë të gjendet qetësia shpirtërore.

“Fjala e Zotit na flet shumë e ajo që kemi nevojë të jemi të hapur përballë saj.. Le ta lejojmë Zotin të na flet, le të mundohemi t’i japim hapësirë atij në jetën tonë, sa e zhurmshme kjo botë, sa e vështirë të gjejmë pak qetësi në jetë. Mbase edhe këtu në Kishë shpesh me celular në dorë nuk arrijmë të shkëputemi nga kjo sferë e jetës tokësore që sikur ky tymi i kemit është të plotësohet lutja jonë drejt Zotit.. Festa e Krishtlindjes është festë e jetës dhe na fton Zoti që ta mbrojmë jetën, ta ruajmë, ta shërbejmë me kontekstin e plotë të fjalës, që të mund të realizohemi si bijtë e Zotit dhe sa shumë plagë ka sot mbarënjerëzimi i mbërthyer nga bota materiale, nga hedonizmi, jeta për të jetuar sipas ëndjes së vet. Është festë e paqes, e një paqeje të trefishtë me Zotin dhe me të afërmin, por edhe me vetveten. Si mund të themi jemi në paqe me Zotin, nëse nuk jemi në paqe me njëri-tjetrin e me njëri-tjetrin nëse zemra nuk ka paqe. Na fton të gjithëve të reflektojmë mbi këto virtyte, në mënyrë që edhe atëherë nuk e kemi lehtë t’ia besojmë Zotit”, tha Don Agim Qerkini.

Krishtlindjet janë një nga festat më të rëndësishme për besimtarët e krishterë, që shënojnë lindjen e Jezu Krishtit dhe simbolizojnë paqen, dashurinë dhe jetën. Në Kosovë, kjo festë shënohet çdo vit me meshë solemne në kisha dhe katedrale, ku besimtarët mblidhen për lutje dhe reflektim shpirtëror. Katedralja “Shën Nënë Tereza” në Prishtinë mbetet qendra kryesore e kremtimeve të Krishtlindjeve për komunitetin katolik në vend.

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Sindikata e Re e KEK-ut (Korporatës Energjetike të Kosovës), do të protestojë sot para zyrave qendrore të ndërmarrjes në Prishtinë.

Sindikata e Re e KEK-ut ka njoftuar se, pavarësisht se kërkesat e punëtorëve janë tashmë të njohura, nuk ka pasur ende një përgjigje konkrete dhe serioze nga menaxhmenti i KEK-ut dhe institucionet përgjegjëse.

Sipas njoftimit, Kryesia e Sindikatës së Re të KEK-ut, në bazë të një vendimi të marrë unanimisht, ka vendosur që protesta të mbahet sot, më 24.12.2025, duke filluar nga ora 11:00, para zyrave qendrore të KEK-ut në Prishtinë.

“Kjo protestë organizohet për realizimin e kërkesave tashmë të njohura të punëtorëve, të cilat vazhdojnë të mbesin të paadresuara. Gjatë protestës do të prezantohet një SURPRIZË lidhur me shumën e kërkesës për rritjen e pagave, e cila do të bëhet publike në vetë protestën. Pa punëtor nuk ka energji, pa dinjitet nuk ka KEK. Ftojmë punëtorët e KEK-ut, mediat dhe qytetarët që të jenë pjesë e kësaj proteste”, njofton Sindikata e Re e KEK-ut./S.K/EO/

Gjatë administrimit të provave materiale në seancën ndaj të akuzuarve për vrasjen e Liridona Ademajt, janë shfaqur video nga restauranti “Etnokuqa”, ku pasi Liridona, Naimi dhe fëmijët hyjnë, pas pak minutave në të kundërtën e tyre ulet edhe Granit Plava.

“Në orën 18:32 dhe 44 sekonda, kamera e Etnokuqes e kanë inicizuar ardhjen nga kamerat e brendshme në restorant, shihet se si familja Murseli vjen, ja vetura e markës Seat… Në orën 18:35, hyrja e Granit Plavës në restaurantin Etno Kuqa i cili do të ulet në të kundërtën e familjes Murseli“, tha ajo.

Në pamje shihet edhe Naim Murseli, lëviz brenda restaurantit dhe i drejtohet tavolinës së Granit Plavës.

Po ashtu, janë shfaqur video edhe nga shtëpia kur së bashku me fëmijët dalin nga aty dhe hypin në makinë.

Para trupit gjykues në rastin e vrasjes së Liridona Ademaj, po prezantohen pamje të ditës kritike të 29 nëntorit.

Prokurorja Javorka Perliçenviq ka prezantuar pamje të asaj dite, kur Naim Murseli ka dalë nga shtëpia.

Në këto pamje shihet edhe Liridona Ademaj para shtëpisë në Bërnicë.

“Sot po vazhdojmë me momentet kyçe nga video të incizimit. Do ta lusja shërbimin teknik ta hap follderin e shtëpisë së Naim Murselit të datë 29.11.2023 rreth orës 10:14, ky është momenti kur Naim Murseli del prej shtëpisë dhe hyp në makinën e tij. Kjo është koha kur ditën kritike kur Naim Murseli e ka lëshuar shtëpinë e tij“, tha ajo.

Në vazhdim të prezantimit të këtyre provave, janë shfaqur edhe pamje në një pompë të derivateve, ku shihen Naim Mueseli dhe Granit Plava.

“Pamjet që po transmetohen janë nga mëngjesi e deri pasdite, ku Granit Plava dhe Naim Murseli rreth orës 16:30 shihen sërish në një pompë. Nga vetura del edhe Granit Plava dhe Naim Murseli, në një moment, shifet se si i akuzuari Naim Murseli i afrohet të akuzuarit Granit Plava dhe diçka i flet dhe shkon në market te pompa e derivateve. Tani do të presim derisa del nga marketi dhe nga ana tjetër Granit Plava mbush derivatetet. Ja Naim Murseli del dhe i afrohet, tani e shohim që Garanit Plava dhe i jep një pije energjike. Granit plava me siguri po i verifikon gomat dhe shihen së bashku shkojnë, largohen. Bisedojnë me siguri po e marrë me mend se po merren vesh se si ta përfundojnë punën“, tha ajo.

Në Pallatin e Drejtësisë në Prishtinë, sot në orën 09:30 mbahet seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e viktimës, Liridona Ademaj.

Seanca pritet të shënojë një zhvillim të rëndësishëm në këtë proces, i cili ka zgjuar interes të madh publik për shkak të rrethanave të rënda të rastit dhe ndjeshmërisë që ka shkaktuar në opinion.

Rasti i vrasjes së Liridona Ademajt vazhdon të mbetet një nga çështjet më të ndjekura, ndërsa familjarët e viktimës kërkojnë drejtësi të plotë dhe zbardhje të të gjitha rrethanave të ngjarjes./S.K/EO/