Aktualitet

SHBA arrin rekord të ri të të shtruarve në spital me COVID-19

Published

on

Shtrimet në spital të personave me COVID-19 në Shtetet e Bashkuara arritën rekordin më të lartë të hënën, sipas një raporti të agjensisë së lajmeve Reuters, ndërsa një rritje e infektimeve të shkaktuara nga varianti shumë ngjitës Omicron po rëndon sistemet e kujdesit shëndetësor në disa shtete amerikane. Rezultuan 132.646 persona të shtruar në spital me COVID, duke ia kaluar kështu rekordit prej 132.051 të vendosur në janar të vitit të kaluar.

Shtrimet në spital janë rritur në mënyrë të qëndrueshme që nga fundi i dhjetorit, duke u dyfishuar në tre javët e fundit, pasi varianti Omicron shpejt ia kaloi variantit Delta si versioni dominues i virusit në Shtetet e Bashkuara. Shtetet Dellauer, Illinoi, Mein, Merilend, Mizuri, Ohajo, Pensilvania, Puerto Riko, Ishujt Virgin, Vermonti, Virxhinia, kryeqyteti Uashington DC dhe Wisconsin kanë raportuar kohët e fundit nivele rekord të pacientëve të shtruar me COVID-19, sipas analizës së agjensisë së lajmeve Reuters.

Megjithëse ndoshta më pak të rënda, zyrtarët e shëndetësisë kanë paralajmëruar se numri i madh i infektimeve të shkaktuara nga varianti Omicron mund të mbingarkojë sistemet spitalore, disa prej të cilave tashmë kanë pezulluar ndërhyrjet jo urgjente, ndërsa luftojnë për të menaxhuar rritjen e numrit të pacientëve, ndërkohë që kanë edhe mungesa në personel.

Mesatarja shtatëditore për rastet e reja është dyfishuar në 10 ditët e fundit në 704.000. Shtetet e Bashkuara kanë mesatarisht mbi gjysmë milioni raste për gjashtë ditët e fundit, sipas një raporti të agjensisë Reuters. Vetëm shtatë shtete nuk kanë vendosur rekorde për rastet e të infektuarve me COVID-19 në vitin 2022 – Arizona, Aidaho, Mein, Montana, Dakota e Veriut, Ohajo dhe Uajoming, sipas një raporti të agjensisë Reuters.

Kryeqyteti Uashington, D.C., po udhëheq vendin me infektime të reja gjatë javës së kaluar në bazë të raportit të popullsisë, i ndjekur nga Roud Island, Nju Jorku, Nju Xhersi, Masaçusets dhe Vermonti. Vdekjet janë mesatarisht 1.700 në ditë, nga rreth 1.400 ditët e fundit, por sidoqoftë brenda niveleve të parë në fillimet e këtij dimri./VOA

Continue Reading

Bota

Gaza: Të paktën 600,000 fëmijë në rrezik të “paralizës së përhershme”

Published

on

By

Ministria e Shëndetësisë në Gaza ka paralajmëruar se bllokada e vazhdueshme e Izraelit ndaj furnizimeve mjekësore ka penguar hyrjen e vaksinave të poliomielitit, duke vënë kështu në rrezik më shumë se gjysmë milioni fëmijë.

Bllokada ka ndaluar zbatimin e Fazës 4 të fushatës së ministrisë për parandalimin e poliomielitit, thuhet në një deklaratë, duke lënë 602,000 fëmijë të cenueshëm ndaj “paralizës së përhershme dhe paaftësisë kronike”.

Zyrtarët thonë se pasojat shëndetësore mund të jenë katastrofike.

Fëmijët në Gaza janë në rrezik të komplikimeve serioze dhe të paprecedentë shëndetësore për shkak të mungesës së ushqimit adekuat dhe ujit të pijshëm”, shtoi ministria.

Bllokada e vazhdueshme e Izraelit ka mbytur fluksin e ndihmës mjekësore në enklavën e rrethuar që nga fillimi i marsit ndërkohë që Kombet e Bashkuara paralajmëruan për një kolaps të thelluar humanitar.

Continue Reading

Bota

Kina dërgon ngushëllime për vdekjen e Papës pas 24 orësh

Published

on

By

Ministria e Jashtme e Kinës ka shprehur ngushëllimet për vdekjen e Papa Françeskut në një deklaratë të lëshuar më shumë se 24 orë pasi ai vdiq.

Kina dhe Vatikani kanë mbajtur kontakte konstruktive dhe kanë kryer shkëmbime miqësore,” tha zëdhënësi i ministrisë së jashtme Guo Jiakun.

Kina është e gatshme të bëjë përpjekje të përbashkëta me Vatikanin për të promovuar përmirësimin e vazhdueshëm të marrëdhënieve Kinë-Vatikan.

Marrëdhënia midis Vatikanit dhe Kinës ka qenë prej kohësh një e vështirë , me çështjen se kush emëron peshkopët në qendër të një mosmarrëveshjeje që kur Kina ndërpreu për herë të parë marrëdhëniet diplomatike me Selinë e Shenjtë në 1951.

Continue Reading

Bota

Papa Françesku do të varroset më 26 prill, njofton Vatikani

Published

on

By

Varrimi i Papa Françeskut do të mbahet të shtunën, më 26 prill, në orën 10:00 në Bazilikën e Shën Pjetrit në Vatikan, njoftoi Vatikani të martën.

Françesku, i lindur si Jorge Mario Bergoglio në Buenos Aires të Argjentinës, vdiq më 21 prill në moshën 88-vjeçare.

Ai vdiq nga sulmi në tru dhe si pasojë nga dështimi i pakthyeshëm i zemrës, tha Vatikani.

Papa Françesku konfirmoi në testamentin e tij të fundit se dëshironte të varrosej në Bazilikën e Shën Marisë së Madhe në Romë dhe jo në Bazilikën e Shën Pjetrit në Vatikan, ndryshe nga shumë papë të mëparshëm.

Të martën, Vatikani publikoi fotografitë e para të papës në arkivolin e tij të hapur, para se ai të transferohej në Bazilikën e Shën Pjetrit të mërkurën në orën 09:00, për t’u vendosur për homazhe publike.

Trupi i papës u fotografua gjatë një shërbese të hënën në mbrëmje në kapelën e Casa Santa Marta, rezidenca në Vatikan ku ai jetoi gjatë 12 vjetëve të papatit të tij dhe ku ndërroi jetë.

Vendi i tij i origjinës, Argjentina, u përgatit për një javë të zisë kombëtare, ndërsa India filloi të martën tri ditë zie shtetërore – një nder i rrallë për një udhëheqës fetar të huaj në vendin më të populluar në botë.

Liderë botërorë, nga presidenti i SHBA-së, Donald Trump, deri te Volodymyr Zelensky i Ukrainës, thanë se do të marrin pjesë për të nderuar udhëheqësin katolik.

Në vitet e fundit, Papa Françesku ishte përballur me disa komplikime shëndetësore.

Më 2021, ai i ishte nënshtruar një operimi në zorrën e trashë, ndërsa më 2023 ka pasur një operim tjetër në abdomen për të trajtuar herninë.

Ai ishte përballur edhe me dhimbje kronike të gjurit dhe shpinës, dhe shpesh kishte përdorur karrige lëvizëse.

Pavarësisht këtyre komplikimeve, ai pati agjendë të ngarkuar, dhe i kreu detyrat e një pape, si dhe udhëtoi nëpër botë.

Në fillim të vitit 2025, ai u shtrua në spital për shkak të një infeksioni në traktin e frymëmarrjes, çka më vonë i rezultoi me pneumoni të dyfishtë. Gjendja e tij ishte e rënduar, duke e detyruar të qëndronte ditë të tëra në spital.

Si Papa i 266-të i Kishës Katolike Romane, ai ishte i pari prej kontinentit amerikan, dhe i pari i lindur jashtë Evropës që u ngjit në krye të Selisë së Shenjtë, në më shumë se një mijëvjeçar./REL/

Continue Reading

Bota

Putin: Jemi të hapur për bisedime dypalëshe me Zelenskyn

Published

on

By

Presidenti rus Vladimir Putin ka sinjalizuar se është i hapur për bisedime dypalëshe me udhëheqësin ukrainas Volodymyr Zelensky për herë të parë që nga fazat e hershme të luftës.

Duke folur për televizionin shtetëror rus të hënën, Putin tha se Rusia “gjithmonë e ka parë pozitivisht çdo nismë paqeje. Shpresojmë që përfaqësuesit e regjimit të Kievit të ndihen në të njëjtën mënyrë”.

Zëdhënësi i Kremlinit Dmitry Peskov tha se komentet e Putinit tregonin një gatishmëri për t’u angazhuar në bisedime të drejtpërdrejta me Ukrainën për të mos goditur objektivat civilë.

Zelensky nuk iu përgjigj drejtpërdrejt komenteve të Putinit, por tha se Ukraina ishte “e gatshme për çdo bisedë” që do të garantonte sigurinë e civilëve.

Nuk ka pasur bisedime të drejtpërdrejta midis dy palëve që nga shkurti i vitit 2022, kur Rusia nisi pushtimin e saj në shkallë të plotë të Ukrainës.

Në komentet për agjencinë e lajmeve Interfax, Peskov tha: “Kur presidenti tha se ishte e mundur të diskutohej çështja e mosgoditjes së objektivave civile, duke përfshirë edhe dypalëshin, presidenti kishte parasysh negociatat dhe diskutimet me palën ukrainase”.

Në fjalimin e tij të natës me video, Zelensky tha se Ukraina ka nevojë për një “përgjigje të qartë nga Moska” nëse do të pranojë të ndalojë sulmet ndaj infrastrukturës civile.

Ndërkohë, luftimet vazhduan gjatë natës me raportime për sulme me dron në qytetin port të Odessa.

Autoritetet lokale thanë se tre persona u plagosën në bastisje, me zjarre që shpërthyen dhe dëmtime në ndërtesa banimi.

Ukraina është planifikuar të marrë pjesë në bisedimet me Shtetet e Bashkuara dhe vendet evropiane këtë javë në Londër, pas një takimi në Paris javën e kaluar ku udhëheqësit diskutuan rrugët për t’i dhënë fund luftës.

Propozimi i Putinit për bisedime të drejtpërdrejta vjen pasi të dyja palët kanë akuzuar njëra-tjetrën për shkeljen e një “armëpushimi të Pashkëve” 30 orësh të shpallur nga Putin të shtunën, i cili tani ka skaduar.

Continue Reading

Të kërkuara