Lajmet

Shasha: Qeveria Kurti duhet të merret me dy realitetet, reformat e brendshme dhe dialogun me Serbinë

Published

6 years ago

on

Drejtori i institutit EPIK, Demush Shasha, në një intervistë për Ekonomia Online ka thënë se qeveria e ardhshme duhet të merret me reformat e brendshme dhe në të njëjtën kohë dhe me dialogun me Serbinë.

Sipas tij, marrëveshja me Serbinë s’mund të arrihet deri në vitin 2022 dhe kjo i ofron kohë të mjaftueshme qeverisë së ardhshme të merret edhe me prioritetet e qytetarëve, siç janë punësimi, luftimi i korrupsionit dhe reformat tjera.

 “Konsideroj që qeveria e ardhshme Kurti 2 duhet të pajtojë dy realitete. Realiteti i parë është ai i qytetarëve të Kosovës. Pra të pritjeve të qytetarëve të Kosovës për të cilat qeveria Kurti 2 ka marrë mandat demokratik e ajo është që të shtyjë përpara reformat e brendshme me theks të veçantë në luftë kundër korrupsionit, krimit të organizuar dhe krijimin e vendeve të reja të punës. Realiteti tjetër është ai i pritjeve të partnerëve tanë ndërkombëtar sa i përket vazhdimit të dialogut me Serbinë. Pra qeveria Kurti duhet ti bëjë këto dy realitete të bashkëjetojnë dhe kjo është tërësisht e mundshme. Pra nuk e ndalon asgjë qeverinë Kurti 2 që të bëjë dy gjëra në të njëjtën kohë dhe neve që për dhjetë vjet që nga fillimi i dialogut jemi marrë ekskluzivisht dialogun duke lënë interesat dhe prioritet e qytetarëve i kanë lënë anash. Tash është koha ta bëjnë një qasje të re një qasje ku bëjnë progres edhe në reformat ë brendshëm edhe në dialogun me Serbinë dhe në këtë drejtim konsiderojë që qëndrimi i presidentit Vuçiq në një formë ironike na na bënë favor. Kjo pasi që presidenti Vuçiq ka deklaruar që deri në prill të vitit 2022 nuk do të ketë marrëveshje me Serbinë deri në mbajtjen e zgjedhjeve parlamentare dhe presidenciale në serbi. Kjo i bie që qeveria e ardhme Kurti të mund të shpenzojë një deri në dy vjetët e ardhshme në ndërmarrjen e reformave të brendshme ndërsa prej fundit të vitit 2022 dhe në vitin 2023 mund të rifokusojë vëmendjen e saj në dialogun me Serbinë. Qeveria Kurti 2 mund të gjejë një formë ku këto dy prioritetet do të akomodohen brenda një afati kohor brenda dy deri tre vjet”, shtoi Shasha.

Sipas tij, rruga e tretë është që të mos shpenzohet gjithë vëmendja jonë politikë në dialogun me Serbinë, por të bëhet një punë diplomatike e cila do të ishte thelbi kryesor i marrëveshjes Kosovë Serbi.

“Rruga e tretë është që të mos shpenzojmë gjithë vëmendjen tonë politikë në dialogun me Serbinë ashtu siç kemi bërë deri më sot. Por njëkohësisht të mos injorojmë në tërësi dialogun. Pra rruga e tretë është një rrugë e mesit. Një rrugë ku shpenzohet më shumë kohë thelbësore por jo në aspektin publik përmes takimeve në Bruksel e Uashington  por shpenzohet një punë diplomatike e cila mund të identifikojë dy tri skenarë të cilët do të ishin thelbi i marrëveshjes Kosovë-Serbi në dy vjetët e ardhshme. Dhe kjo do të hapte rrugë që edhe opinion publik në Kosovë të përgatitet për atë kompromisin rreth marrëveshjes me Serbinë. Dhe gjithë kjo do të krijonte një hapësirë kohore ku gjatë vitit 2021 dhe 2022 do të ishim marrë me reformat ë brendshme derisa në vitin 2023 do të ishim marrë me dialogun me Serbinë përmbylljen e marrëveshjes përfundimtare”, shtoi ai.

Shasha potencoi se nëse shtrohet një plan i qartë për angazhim në dialog me Serbinë sa i përket reformave të brendshme ndërkombëtar do e përkrahin fuqimisht.

“Edhe intervista e ambasadorit Kosnett ishte që partnerët ndërkombëtar janë këtu tani edhe për të dëgjuar idetë dhe sugjerimet e Kosovës për të dalë  me një rrugë përpara sa i përket dialogut. Unë jam i bindur që nëse shtrohet një plan i qartë për angazhim në dialog me Serbinë duket që nuk injoron reformat e brendshme unë jam i bindur që partnerët tanë ndërkombëtar do e përkrahin fuqimisht”, tha Shasha.

Ai tha se duhet pritur certifikimi rezultateve, në mënyrë që të bëhet konstituimi i institucioneve të reja.

Shasha shtoi se tani është e qartë që mazhoranca kontrollon mbi 60 vota në Kuvend dhe kjo nuk do ta pengojë zgjedhjen e institucioneve.

“Tani duhet të presim certifikimin e rezultateve dhe nuk shoh asnjë pengesë në konstituimin e institucioneve të reja qoftë zgjedhjes së qeverisë kryetarit të kuvendit dhe zgjedhjes së presidentit. Tani është e qartë që mazhoranca kontrollon mbi 60 vota në kuvend dhe kjo nuk do ta pengojë zgjedhjen e institucioneve. Në këtë aspekt po shihet qartë që mesazhi i SHBA-së është që të mos ketë akrobacione politike por të zgjidhen institucionet e vendit. Besoj që edhe PDK dhe LDK do të tregojnë pjekurinë e tyre për të dhënë kontributin e tyre në realizimin e vullnetit të qytetarëve”, deklaroi ai.

Related Topics:
Continue Reading

lajme

Shkarkohet Blerim Isufaj nga posti i Kryeprokurorit të Prokurorisë Speciale

Published

4 hours ago

on

October 2, 2026

By

Kryeprokurori i Prokurorisë Speciale, Blerim Isufaj, është shkarkuar të premten nga Këshilli Prokurorial i Kosovës (KPK), ka mësuar KOHA.

Gjatë ditës ishte bërë e ditur se KPK-ja do të mblidhej në një takim të jashtëzakonshëm, ku në rend dite ishte diskutimi për performancën e Isufajt.

Isufaj ishte zgjedhur për herë të parë në krye të Prokurorisë Speciale në vitin 2019, ndërsa ishte rizgjedhur në këtë pozitë në vitin 2023.

Gjatë mandatit të tij, Isufaj ka qenë një prej figurave më të kritikuara në sistemin prokurorial nga Lëvizja Vetëvendosje. Ai ishte votuar edhe nga Këshilli Prokurorial për pozitën e Kryeprokurorit të Shtetit, por procesi kishte mbetur pezull dhe nuk ishte dekretuar nga ish-presidentja Vjosa Osmani.

Kryeministri Albin Kurti kishte deklaruar më herët se në sistemin prokurorial “shumica e problemeve kanë emër të përveçëm”, duke iu referuar Isufajt.

Më 2 shtator, Isufaj pati një përplasje me disa anëtarë të Këshillit Prokurorial të Kosovës. Përplasjet u zhvilluan gjatë shqyrtimit të raportit të punës së Prokurorisë Speciale për vitin 2025, i cili më pas u rrëzua nga KPK-ja.

D.L

Continue Reading

Aktualitet

Nis takimi mes Kurtit dhe Hamzës

Published

4 hours ago

on

October 2, 2026

By

Ka nisur takimi mes kryeministrit Albin Kurti dhe kryetarit të Partisë Demokratike të Kosovës (PDK), Bedri Hamza.

Në takim pritet të diskutohen çështja e zgjedhjes së presidentit të ri dhe ndryshimet e mundshme në Ligjin për Dhomat e Specializuara të Kosovës.

Hamza është parë duke hyrë në objektin e Qeverisë i shoqëruar nga deputeti i PDK-së, Rrahman Rama.

Kuvendi i Kosovës ka afat deri më 6 tetor për zgjedhjen e presidentit të ri. Nëse presidenti nuk zgjidhet brenda këtij afati, vendi shkon në zgjedhje të reja.

D.L

Continue Reading

lajme

“Jo në emrin tim” para Ministrisë së Drejtësisë “Voto Ligjin”, kërkohet miratimi i ligjit për mbrojtjen e UÇK-së

Published

5 hours ago

on

October 2, 2026

By

Protestuesit e iniciativës “Jo në emrin tim” kanë zhvilluar sot një aksion simbolik para Ministrisë së Drejtësisë, ku kanë vendosur një baner me mbishkrimin “Voto Ligjin”, duke kërkuar procedimin dhe miratimin e ligjit për mbrojtjen e UÇK-së.

Aktivisti Rron Kafegjolli deklaroi se qytetarët prej 17 ditësh po kërkojnë miratimin e këtij ligji, duke e cilësuar vonesën si të papranueshme.

Sipas Kafegjollit, bazuar në deklarimet e kryeministrit Albin Kurti, ligji po mbahet i bllokuar në Ministrinë e Drejtësisë dhe Ministrinë e Financave.

“Ky nuk është një udhëzim çfarëdo që mund ta kaloni lart e poshtë nëpër zyra. Sepse bëhet fjalë për ligjin që mbron të vërtetën e UÇK-së dhe ne nuk do të lejojmë zvarritjen e tij”, u shpreh ai.

Kafegjolli kritikoi ministren Donika Gërvalla dhe ministrin Hekuran Murati, duke kërkuar nga institucionet që të veprojnë në përputhje me kërkesat e qytetarëve.

“Institucionet e këtij shteti nuk mund të mbeten peng i inateve apo bindjeve personale të ministres Gërvalla dhe ministrit Murati. Shteti nuk është pronë private e dikujt”, tha Kafegjolli.

Duke iu referuar afatit për zgjedhjen e presidentit, i cili skadon më 6 tetor, ai i bëri thirrje Qeverisë që të mos e zvarrisë më tej procesin e miratimit të ligjit.

“Qeveria duhet ta dijë se rinia po ju vëzhgon dhe 6 tetori po afron me shpejtësi. Mos e provokoni durimin tonë”, deklaroi ai.

Kafegjolli e përmbylli fjalimin duke i bërë thirrje Qeverisë që ta dëgjojë zërin e protestuesve dhe të veprojë lidhur me kërkesën për miratimin e ligjit.

D.L

Continue Reading

Lajmet

Master në Gjuhë, Media dhe Komunikim në UBT: Formimi profesional për liderët e së ardhmes

Published

5 hours ago

on

October 2, 2026

By

Në një epokë ku media dhe komunikimi po transformohen me ritme të shpejta, profesionistët e së ardhmes kanë nevojë për njohuri të avancuara, mendim kritik dhe aftësi praktike.

Pikërisht për këtë, UBT ofron programin Master në Gjuhë, Media dhe Komunikim, të konceptuar për të përgatitur profesionistë të aftë për të udhëhequr në sektorin e medias, komunikimit dhe marrëdhënieve me publikun.

Programi Master në Gjuhë, Media dhe Komunikim ndërthur në mënyrë strategjike shkencat sociale, teknologjinë e informacionit, gazetarinë, Marrëdhëniet me Publikun (PR) dhe krijimin e përmbajtjes digjitale.

Përmes kombinimit të njohurive teorike me përvojën praktike dhe hulumtimin shkencor, studentët zhvillojnë kompetenca të avancuara për t’u përballur me kërkesat e tregut modern të punës, si në Kosovë ashtu edhe në tregun global.

Një rëndësi e veçantë i kushtohet etikës profesionale, mendimit kritik dhe aftësisë për të analizuar, interpretuar dhe menaxhuar komunikimin dhe imazhin e institucioneve dhe organizatave.

Kjo e bën programin një mundësi të përshtatshme për të gjithë ata që synojnë të avancojnë profesionalisht në media, gazetari, komunikim strategjik, PR, marketing dhe përmbajtje digjitale.

Përveç mundësisë për të ndjekur një program Master të orientuar drejt zhvillimit profesional, UBT ofron edhe një mbështetje të rëndësishme financiare për studentët. Përmes bursës Engaged Scholarship, studentet që janë pjesë e kësaj fushe përfitojnë 20% zbritje në tarifën e studimeve gjatë gjithë periudhës së programit Master.

Kjo bursë përfaqëson një mundësi konkrete për studentët që duan të investojnë në arsimimin e tyre të avancuar, duke pasur njëkohësisht mbështetje financiare gjatë gjithë rrugëtimit akademik.

Master në Gjuhë, Media dhe Komunikim në UBT është një mundësi për të zgjeruar njohuritë, për të zhvilluar kompetenca profesionale dhe për të ndërtuar bazat e një karriere të suksesshme në një sektor që ndryshon vazhdimisht.

Apliko në programin Gjuhë, Media dhe Komunikim -Master dhe përfito 20% bursë përmes Engaged Scholarship.

Continue Reading

Të kërkuara