Lajmet

Shaqir Totaj: Do të nisim negociatat me partitë tjera për të marrë Prizrenin

Totaj: Është një pakënaqësi e madhe sesi ka qeverisur kryetari në ikje.

Published

5 years ago

on

Kandidati i PDK-së për Prizrenin, Shaqir Totaj u shpreh për Euronews Albania se është i gatshëm për të krijuar koalicione me partitë e tjera për të drejtuar këtë komunë, pas balotazhit me kandidatin e LVV-së, Mytahet Haskuka.

“Në raundin e dytë ne do të vazhdojmë përgatitjet, do të shikojmë cilat janë opsionet tona për koalicionet e mundshme. Këtu më duhet të theksoj se është një pakënaqësi e madhe sesi ka qeverisur kryetari në ikje”, u shpreh z. Totaj.

Kandidati Totaj nënvizoi se gjasat janë shumë të mëdha “që me koalicione parimore, të cilat do të bazohen në partishmërinë e programeve tona do të bëjmë një koalicion të gjerë dhe pas 4 javësh do të dalë fitues”.

Ai shtoi se është i gatshëm që të zhvillojë biseda më të gjitha partitë dhe është i sigurt që do të gjejë gjuhën e përbashkët.

Related Topics:
Continue Reading

Lajmet

Chelsea po insiston për Granit Xhakën, Sunderlandi s’e lëshon

Published

1 hour ago

on

June 29, 2026

By

Chelsea nuk ka hequr dorë nga transferimi i Granit Xhakës gjatë kësaj vere.

Sipas gazetarit Florian Plettenberg, klubi londinez pritet të zhvillojë një raund të ri bisedimesh me Sunderlandin të hënën, pasi oferta e parë prej 8 milionë eurosh u refuzua menjëherë.

Sunderlandi ka bërë të qartë se kapiteni i tyre nuk është në shitje dhe nuk kanë ndërmend të shqyrtojnë oferta të tjera. Megjithatë, Xhaka mbetet i interesuar për kalimin në “Stamford Bridge”, ku dëshiron të ribashkohet me trajnerin Xabi Alonso.

Plettenberg ka bërë të ditur se transferimi mbetet i vështirë, por nuk ka dështuar. Ndërkohë, mesfushori aktualisht është i fokusuar në Botërorin 2026, ku me Zvicrën ka kaluar në fazën e eliminimit direkt dhe do të përballet me Algjerinë. /E.A/

Continue Reading

Lajmet

Policia gjen armë AK-47 në veturën e një të aksidentuari në Gllogoc

Published

1 hour ago

on

June 29, 2026

By

Policia e Kosovës ka konfiskuar një armë zjarri të tipit AK-47 me 20 fishekë, pasi ndërhyri në një aksident trafiku në Gllogoc.

Sipas policisë, i dyshuari, një mashkull kosovar, ishte vetaksidentuar, ndërsa gjatë intervenimit në vendin e ngjarjes, zyrtarët policorë gjetën armën brenda veturës së tij.

Arma dhe municioni janë konfiskuar, ndërsa i dyshuari, pas intervistimit, është liruar në procedurë të rregullt me urdhër të prokurorit./A.K/

Continue Reading

Lajmet

Motoçiklisti humb jetën pas aksidentit me veturë në Gjakovë

Published

1 hour ago

on

June 29, 2026

By

Një motoçiklist ka humbur jetën si pasojë e një aksidenti trafiku që ka ndodhur në Gjakovë.

Sipas Policisë së Kosovës, aksidenti ka ndodhur mes një motoçiklete dhe një veture, të cilat drejtoheshin nga dy meshkuj kosovarë.

Si pasojë e përplasjes, motoçiklisti pësoi lëndime të rënda dhe u dërgua në Emergjencë, ku më vonë ndërroi jetë.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i veturës është ndaluar për 48 orë. /A.K/

Continue Reading

Lajmet

Aksident me fatalitet në Vërmicë, humb jetën një këmbësor

Published

2 hours ago

on

June 29, 2026

By

Një person ka humbur jetën si pasojë e një aksidenti trafiku që ka ndodhur në Pikën e Kalimit Kufitar në Vërmicë.

Sipas Policisë së Kosovës, viktima është goditur nga një veturë që drejtohej nga një shtetas i Shqipërisë.

Në vendin e ngjarjes kanë dalë njësitë përkatëse, ndërsa mjeku kujdestar ka konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i automjetit është ndaluar për 48 orë./A.K/

Continue Reading

Të kërkuara