Lajmet

Shahini: 300 milionë euro humbje për shkak të masave të BE-së, pas 24 shatorit jemi në avantazh karshi Serbisë

Shahini përmendi shifrën prej 250 deri në 300 milionë eurove.

Published

on

Kryetari i Agjencisë Kosovare të Biznesit (AKB), Agim Shahini tha se masat e BE-së ndaj Kosovës tashmë kanë dhënë efektin e tyre negativ.

Duke folur konkretisht për humbjet e Kosovës si pasojë e sanksioneve, Shahini përmendi shifrën prej 250 deri në 300 milionë eurove. Ai pohon se pas Samitit të Berlinit i mbajtur në Tiranë do të gjendet një mundësi që sanksionet të hiqen.

Derisa theksoi se Kosova pas sulmit të 24 shtatorit është në avantazh karshi Serbisë, duke shtuar se kjo është mundësi e mirë për kreun  Qeverisë që të gjendet një zgjidhje për dalje nga kriza.

“Katër muaj pas sanksioneve të BE, kundër Kosovës kanë ndikuar negativisht në ekonominë e vendit, dhe në qasjen nëpër fonde të ndryshme financiare duke u ndalur këto mbështetje dhe këto fonde të dedikuara për Kosovën, shumë projekte janë ndalë dhe presim që tashmë pas takimeve që do të kenë institucionet e Kosovës me faktorë ndërkombëtare në Tiranë në procesin e Berlinit, të gjejnë një mundësi dhe një modalitet se si të hiqen sanksionet për arsye së këto sanksione janë për herë të parë në historinë e Kosovës. Këto sanksione e kanë dhënë efektin e vet negativ dhe janë duke dëmtuar Kosovën dhe Kosova është duke humbur shumë miliona, për këta katër muaj sipas disa statistikave që ne posedojmë Kosova, po thuajse i ka humbur rreth 250 deri në 300 milionë euro, mendojë që Kurti e ka një mundësi të madhe që të bëjë zgjidhje edhe qoftë ekonomike qoftë politike dhe të gjejë mundësinë edhe për daljen nga kriza e dialogut pas sulmit të 24 shtatorit Kosova është në avantazh të mirë dhe ky avantazh mund të krijojë kushte të reja në dialog dhe mund të rifillojë negocimi në formë të ndryshme”, deklaroi ai.

Aktualitet

​Aksident me të lënduar në rrugën Dragash-Prizren

Published

on

Dy persona kanë pësuar lëndime dhe janë shkaktuar dëme të konsiderueshme materiale si pasojë e një aksidenti ndërmjet dy veturave në rrugën Dragash-Prizren.

Shaqir Bytyqi nga policia rajonale Prizren tha se aksidenti ka ndodhur rreth orës 18:20, dhe si pasojë e aksidentit janë lënduar dy persona.

“Si pasojë e aksidentit së paku dy persona kanë pësuar lëndime trupore si dhe janë shkaktuar dëme të konsiderueshme materiale si dhe përkohësisht rruga ka qenë e mbyllur derisa policia ka kryer procedurat e nevojshme dhe ka liruar rrugën”, ka thënë ai.

Continue Reading

Aktualitet

Ambasadori Rohde ‘i zhgënjyer’ me qëndrimin e VV-së për Gjykatën Kushtetuese

Published

on

Jorn Rohde, Ambasador i Gjermanisë në Kosovë, tha se është “i zhgënjyer” me deklarimet e politikanëve nga Vetëvendosje te të cilët thotë se s’ka parë gatishmëri për zbatim të Aktgjykimit të Gjykatës Kushtetuese për seancën konstitutive; aktgjykim ky i cili e ndaloi në plotni të gjithë uzurpimin procedural të Avni Deharit, kryesuesit thjesht nga virtyti i moshës në seancë konstitutive.

“Jo, jo, duhet të thoni se e respektoni…e jo duhet ta lexojmë aktgjykimi, sepse nuk duhet të lëmë hapësirë për spekuliime se dikush nuk do ta respektojë”, u shpreh Rhode në një intervistë.

Ndërsa vetë Rohde, nga korrespodenca private me akterë politik të pushtetit në detyrë, nuk mundi të thotë se ka dëgjuar ose parë gatishmëri se do të ketë zgjidhje të bllokadës institucionale.

“Analogjia e futbollit: ndoshta ka ardhur koha të ndërrohet ekipi. Opozita ka thanë se do të votojnë këdo që s’ka qenë anëtar qeverie. Pra, duhet të ketë vullnet për zgjidhje, e jo futje më thellë në problem. Ndërtimi i dy urave të reja nuk është ndihmuese në heqjen e sanksioneve. Situata është gjithmonë ndryshe, por keni një kryetar në veri që nuk përfaqëson popullinë. Po të kishte kryetar në veri me përfshirje të popullit, nuk do të mund të thonit qe me 2%. ndërtimi i urave para zgjedhjeve është hap eskalues i cili nuk sjell mjedis që largon masat ndëshkuese”, shtoi ai.

Për çështjen e (mos)anëtarësimit të Kosovës në Këshill të Evropës, Rohde i qëndroi linjës së vjetër që sapo të dërgohet draft-Statuti i Asociacionit të Komunave të banuara me shumicë serbe, Kosova do të kalonte anëtarësimin.

 

 

Continue Reading

Aktualitet

​87 zjarre brenda 24 orëve, 8 mbeten aktive

Published

on

Agjencia e Menaxhimit Emergjent njofton se sipas të dhënave të pranuara janë regjistruar gjithsej 87 vatra zjarri në vend, prej tyre tetë vazhdojnë të jenë aktive ndërsa 79 janë lokalizuar.

Menaxhimi i situatës po bëhet në koordinim të plotë me Njësitë Profesionale të Zjarrfikjes dhe Shpëtimit, thuhet në njoftim.

Agjencia e Menaxhimit Emergjent u bën apel të gjithë qytetarëve që të tregojnë kujdes të shtuar, të shmangin çdo veprim që mund të shkaktojë zjarre dhe të raportojnë çdo rast në numrat emergjentë 112, 193 dhe 192.

Continue Reading

Aktualitet

​Plagosi rëndë një shtetas, arrestohet 25-vjeçari në Durrës

Published

on

Policia e Shtetit ka arrestuar në flagrancë K. D., 25-vjeç, banues në Durrës, pasi kishte rrahur me mjete të forta për motive të dobët G. M.  duke i shkaktuar plagë në kokë.

Konflikti fizik midis dy shtetasve kishte ndodhur në lagjen numër 14 në Durrës, ku G. M pas trajtimit mjekësor në Spitalin Rajonal Durrës, është transportuar për mjekim të specializuar në Spitalin Universitar të Traumës në Tiranë.

Materialet procedurale do të referohen në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprën penale plagosje e rëndë me dashje.

Continue Reading

Të kërkuara