Lajmet nga UBT
Selimi: Mbi 90 për qind e të diplomuarve në Media dhe Komunikim në UBT janë të punësuar
Dekani i Fakultetit Media dhe Komunikim, prof.dr.Ferid Selimi, në një bisedë për mediat e UBT-së, thekson se një numër i madh i studentëve të diplomuar në UBT (më saktë 93 për qind), gjejnë punë menjëherë në media, si në mediat e UBT-së, ashtu edhe në mediat e tjera. Ai fton të rinjtë që të studiojnë Media dhe Komunikim në UBT, që të bëhen pjesë e profesionistëve më të mirë në vend
UBT News: D: UBT ka nisur tash përgatitjet për fillimin e regjistrimeve të studentëve të rinj, si po ju ecin këto regjistrime në fakultetin tuaj, a po ecin mbarë dhe a ka interesim të të rinjve për t’u regjistruar?
Selimi: Po, UBT çdo vit me përfundimin e vitit akademik paraprak nis përgatitjet për pritjet e studentëve të rinj, të cilët e synojnë UBT-në për të regjistruar në cilindo fakultet. Fakulteti Media dhe Komunikim është pjesë e UBT-së, prandaj edhe në këtë fazë i ka bërë të gjitha përgatitjet për pritjen e studentëve të rinj, të mundshëm, në Media dhe Komunikim. Sivjet, deri më tani, edhe pse ende nuk ka nisur zyrtarisht themi koha e regjistrimit të studentëve, janë paraqitur një numër i studentëve të cilët duan që të regjistrojnë fakultetin Media dhe Komunikim në Bachelor dhe në Master në UBT.
Themi se ky interesim i studentëve na bën më optimistë në këtë vit mbase do të kemi një numër më të madh të studentëve të Fakultetit Media dhe Komunikim, sepse në këtë fazë duke i krahasuar me fazën e viteve paraprake, ka numër paksa më të madh të të interesuarve për këtë drejtim dhe meqenëse numri i tyre është paksa më i madh se i viteve të tjera është një shpresë se do të kemi një numër paksa më të madh.
UBT News: Çka ka luajtur rol që këtë vit interesimi të zgjohet te të rinjtë për të studiuar Media dhe Komunikim?
Selimi: Po, që nga themelimi në vitin 2013 deri më tani, UBT është përkujdesur gjithmonë edhe për teknologjinë edhe për stafin në fakultetin Media dhe Komunikim, kështu që këtë vit është bërë një ripërtëritje ose themi një rritje e stafit akademik në Media dhe Komunikim, po ashtu edhe të laboratorëve dhe redaksive. Besoj që asnjë fakultet nuk do të mund të mirëmbahej po qe se nuk i ka ato pjesët përbërëse të tij, pjesët përcjellëse siç janë Media grupi, është zyra e redaksisë, zyra e regjisë, laboratorët e tjerë ku bëhet montazhi i fotografisë, montazhi i emisioneve të cilat edhe janë pjesë të kurrikulës së fakultetit Media dhe Komunikim, që nënkupton se kemi lëndë të caktuara për to. Prandaj, duke parë edhe zhvillimet e të themi trendeve të UBT-së, të rinjtë e Kosovës dhe jashtë Kosovës, sepse studentë kemi edhe nga Maqedonia edhe nga Mali i Zi, edhe nga Shqipëria edhe nga Presheva, Bujanoci dhe Medgjeva të cilët janë pjesë e fakultetit Media dhe Komunikim, dhe një promovim të cilin ne e bëjmë çdo vit, me ato themi teknologjitë më të avancuara të cilat i kemi në UBT, kanë bërë që edhe studentët ose të rinjtë të kenë besim më tepër në UBT. Sepse, UBT është një nga institucionet me një impakt më të lartë në trojet shqiptare.
Në qoftë se i shohim rankimet të cilat bëhen në platformat e ndryshme të universiteteve edhe të Ballkanit edhe të rajonit edhe të botës, edhe themi të trojeve shqiptare, UBT është i pari dhe prin për teknologjinë, për risitë dhe inovacionet. Normalisht, që të rinjtë duan diçka më të mirë, dhe ajo më e mira gjendet në UBT.
UBT News: Po, meqenëse na përmendët pak edhe stafin, a mund të na tregoni cili është profili i stafit të angazhuar në Fakultetin e Medias dhe Komunikimit?
Selimi: Në Fakultetin Media dhe Komunikim në UBT, stafi përgjithësisht është doktor me gradë që kanë ose gazetarinë ose komunikimin. Ndërkohë që secili fakultet apo program ka edhe staf përcjellës të cilët vijnë nga fakultetet e tjera. Ta zëmë, në qoftë se është një lëndë që ka të bëjë me ekonominë politike, normal që ne do ta marrim një doktor të fushës, kështu që UBT meqenëse i ka mbi 30 fakultete dhe mbi 80 specializime, ka staf të mjaftueshëm të profileve të ndryshme, pse mos të themi i ka diku 400 doktorë shkencash të fushave të ndryshme, dhe kjo na ka ndihmuar neve që të mos ngecim në profesionalizëm. Pra, secili staf që jep mësim në fakultetin Media dhe Komunikim, që është bartës i lëndës, është me gradë shkencore dhe doktor. Kemi një numër shumë të vogël të angazhuarish të cilët janë me Master. Ata janë kryesisht asistentë.
UBT News: Meqenëse e shohim parasysh edhe interesimin e të rinjve që janë më tepër kah industria, ndoshta të fillojnë praktika të ndryshme, a kemi ndoshta pjesëtarë të industrisë përbrenda UBT-së, ndoshta gazetarë me përvojë të gjatë në media, a kemi të kyçur në këtë fakultet?
Selimi: Po, akademia kërkon një bashkëpunim me industrinë dhe një teori pa praktikë nuk do të ishte e plotë, qysh nuk është e plotë as praktika pa teori. Prandaj, ne jemi përpjekur dhe jemi angazhuar që, në kuadër te akademisë të fakultetit, të angazhojmë edhe studentë ose staf të cilët janë të industrisë, të cilët janë në industrinë tonë. Ne kemi studentë tanë të cilët punojnë në media grup, në marrëdhënie me publikun dhe në sfera të ndryshme, të cilët na ndihmojnë në promovimin e fakultetit. Prandaj, studentët apo ish-studentët që kanë diplomuar dhe punojnë në UBT, janë ata të cilët unë do t’i quaja edhe shtyllë e bashkëpunimit mes teorisë dhe praktikës, dhe edhe pse mbase shumë pak janë të angazhuar në pjesët teorike por na ndihmojnë shumë në atë pjesën praktike, sidomos kur studentët tanë duan që të shohin se si punohet në një media.
UBT News: Përgjatë këtyre viteve prej që është themeluar fakulteti Media dhe Komunikim e deri tash, a keni ndonjë shifër konkrete të punësimit të studentëve të UBT-së, qoftë përbrenda UBT-së, por edhe në mediat e industrisë ose në industri?
Selimi: Po, interesant është që Fakulteti Media dhe Komunikim në UBT ka nxjerrë kuadro shumë të mira si në media ashtu edhe në marrëdhënie me publikun, dhe diku rreth 93 për qind të studentëve të UBT-së janë angazhuar ose në UBT ose në mediat e ndryshme vizive dhe të shkruara. Pjesa dërrmuese e media grupit në UBT janë ose kanë qenë studentë të UBT-së.
UBT News: Meqenëse jemi te kjo pjesa e dallueshmërisë nga institucionet e tjera, a luan rol infrastruktura që ka UBT për ta dalluar edhe tek institucionet e tjera, për shembull mediat e UBT-së a ofrojnë gatishmëri apo infrastrukturë moderne për studentë të rinj?
Selimi: Gjithsesi infrastruktura ka një rol të madh edhe në teorinë e medias edhe në industrinë, do të thotë ne nuk do të mund të nxirrnim kuadro kualitative në qoftë se nuk do të ofronim teknologjitë e duhura në këtë program. Në qoftë se ne vazhdojmë ose të kishim nisur punën me makinë shkrimi dhe të vazhdonim shkrimin me makinë shkrimi, atëherë ne do të ishim në atë fazën e viteve 80-ta të shekullit XX. Por, meqenëse çdo gjë po lëviz, çdo gjë në jetë lëviz edhe teknologjia, dhe ne gjithmonë përpiqemi që ta kemi të parët teknologjinë më të re në UBT, sepse studenti vetëm nëpërmjet teknologjisë, po flas për media dhe komunikimin, do të ishte në atë rangun më të lartë të shoqërisë, themi të atyre konkurrentëve të tregut të punës, sepse një student që nuk di të përdor kamerën, ta zëmë, ose nuk di të përdor mikrofonin ose nuk di të shkruaj një fjali ose nuk e di ç’është piramida e përmbysur, ajo që është më e thjeshta në media dhe komunikim, ai nuk do t’i plotësonte kriteret që të punojë në media. Prandaj, ne, duke u bazuar në teknologjinë më të re, e cila dita ditës po shkon duke u avancuar, jemi në atë fazën themi e grumbullimit të teknologjisë apo të aparateve apo të mjeteve të duhura të cilat ia lehtësojnë studimet dhe punën studentit të media dhe komunikimit, i cili nesër do të bëhet një nga gazetarët ose profesionistët e marrëdhënieve me publikun e kështu me radhë.
UBT News: Aktualisht jam të ueb-sajtin kryesor të UBT-së dhe po e shoh që ka laramani në strukturën e programit, do të thotë ka laramani lëndësh nga historia e gazetarisë , shkathtësitë e shkrimit e deri te teknologjia informative ose deri tek komunikimi televiziv, do të thotë a është edhe kjo një çështje që të rinjtë do të thotë do të mësojnë do të përgatiten për gjitha gjërat që i mundëson tregu ose industria e medias dhe komunikimit, do të thotë nuk është e fokusuar vetëm në gazetarinë tradicionale?
Selimi: Po pra, kjo është ajo që e kërkojnë jo vetëm të rinjtë por e kërkon edhe koha. Unë thash zhvillimi i teknologjisë ndikon në gjithçka, në të gjitha sferat jetësore, prandaj edhe vet emërtimi i programit Media dhe Komunikim nënkupton një larushi jo vetëm të lëndëve por edhe të profesionit të cilit e zgjedh nesër gazetari. Ta zëmë, ne e nisim me historinë e gazetarisë, që thatë ju, pastaj vazhdojmë me format e komunikimit, vazhdojmë me sociologjinë e komunikimit, vazhdojmë me mediat e shkruara, me teknologjinë informative, me mediat vizive, me organizim dhe menaxhim, me marrëdhënie me publikun si lëndë dhe normal që studenti në fund kur të dali në atë fazën e fundit themi të temës së diplomës, ai do të ketë një pasqyrë të qartë jo vetëm të medias, por edhe të komunikimit. Kur e marrim median dhe komunikimin dhe i ndajmë përgjysmë atëherë na dalin edhe ato pjesët e tjera siç është marrëdhënia me publikun, aftësitë komunikuese të individit ose të studentit për informim e kështu me radhë, dhe kur ta detajojmë pak më tepër atëherë dalin edhe pjesët teknike, që i thash pak më parë siç është montazhi, regjia e kështu me radhë.
Pra, është një dizajnim i strukturës së programit në atë mënyrë që studenti të dalë i kompletuar në tregun e punës, që është një treg jashtëzakonisht i madh dhe është i vështirë. Por, unë, me sa po e shoh, për studentët tanë nuk po ka vështirësi, do të thotë kudo që po konkurrojnë, kudo që po aplikojnë, ata i kanë dyert e hapura, jo vetëm për punë por edhe për studime të mëtejshme.
Të mos harrojmë që studentët e Fakultetit Media dhe Komunikim i kanë dyert e hapura kudo në Evropë dhe në botë, edhe në nivelin e studimeve master edhe në nivelin e studimeve të doktoratës. Ta zëmë, një student i yni ka kryer master në Seul me diplomën bachelor të fakultetit Media dhe Komunikim në UBT, tre studentë të tjerë të cilët e kanë kryer bachelor dhe master ose vetëm master në UBT, kanë regjistruar doktoratën në Shkup dhe në Universitetin e Turqisë. Do të thotë kjo na lë neve të shpresojmë edhe të flasim lirshëm që puna e cila bëhet në UBT është një punë profesionale
UBT News: Të jemi pak te epoka digjitale te kjo periudha e tranzicionit themi të teknologjisë, si po ja dilni ndoshta ta përgatisni një student të aftë për të gjitha këto lëmi që folëm deri tani?
Selimi: E thamë në fillim kur fola rreth stafit, do të thotë staf që kemi të angazhuar, sa i përket teorisë të gazetarisë, medias ose komunikimit, kemi doktor shkence të cilët japin lëndët në mënyrë profesionale dhe teorike. Në kuadër të këtyre lëndëve kemi edhe lëndë të tjera të cilat lidhen drejtpërdrejt me median ose me teknikën dhe aty kemi përzgjedhur stafin teknik, i cili ka së paku gradën master dhe që ka punuar profesionalisht me vite të tëra nëpër media të ndryshme, të cilët e njohin teknologjinë, duke nisur nga kompjuteri që është paksa më i thjeshtë e deri tek ato miksetat të cilat bëhen ose nevojiten për montazhin, regjinë, për multimediat edhe kështu me radhë.
Do të thotë, për çdo fushë, duke nisur nga nga komunikimi televiziv, radiogazetaria, teknologjia multimediale, mediat audiovizive, i kemi njerëzit e caktuar, të cilët janë profesionistë dhe kanë punuar në media mbi 20 vite e më tepër dhe ata atë përvojën e tyre e delegojnë te studentët tanë.
UBT News: Për fund, profesor, cili është mesazhi juaj për të rinjtë që janë ndoshta në mëdyshje për profesionin e së ardhmes ose ndoshta edhe për ata që duaj e kanë dëshirë të studiojnë në gazetari ose në media?
Selimi: Po, për ata që duan ta regjistrojnë gazetarinë ose mediat, unë do t’i kisha ftuar në UBT që të vijnë së paku ta vizitojnë UBT-në, të vizitojnë laboratorët, të vizitojnë redaksitë, të vizitojnë Radio Campus-in, të vizitojnë Media Grupin, të vizitojnë zyrën për marrëdhënie me publikun dhe të shohin të gjithë teknologjinë të cilën ato do të kishin dashur ta shihnin. Do t’i inkurajoja që të regjistrojnë Media dhe Komunikim, pavarësisht që dikush do të thoshte që unë gazetar do të bëhem edhe pa fakultet. Po, është e vërtetë se dikush ka dhunti, ka afinitet në të shkruarit ose të të moderuarit dhe mbase nuk i duhet edhe fakulteti fare për t’u bërë gazetar, por për t’u bërë një profesionist me letër që thonë tek ne, me diplomë, do ta kisha ftuar të vinte në UBT sepse vërtet kanë çka të shohin dhe vërtet kanë çfarë të mësojnë. Prandaj, i bëj ftesë nga këtu ku jemi bashkë që çdo i ri e çdo e re, e cila synon të bëhet pjesë e medias në Kosovë, në Maqedoni, në Mal të Zi, në Shqipëri, në Preshevë, Bujanoc dhe Medvegjë dhe në vende të tjera ku flitet shqip, le të vijnë në UBT sepse aty është vendi ku ata do t’i marrin të gjitha informacionet e duhura dhe të gjitha njohuritë dhe kompetencat për media dhe komunikim.
Intervistoi: Driton Hyseni
Gjilan – Në një epokë kur fjala e lirë është themel i demokracisë, por shpesh edhe viktimë e presioneve, në horizontin e gazetarisë kosovare ngrihet një figurë që nuk u përkul kurrë. Musa Sabedini, gazetar, profesor, publicist, studiues, aktivist dhe mbi të gjitha, njeriu që besoi se e vërteta nuk ka çmim. Ai nuk është thjesht një emër në historinë e mediave shqiptare, ai është një kapitull më vete, një dritare që hapi horizontin e informimit profesional në një kohë kur vendi kishte më së shumti nevojë për zëra të guximshëm. Sot, Musa Sabedini është një autoritet i padiskutueshëm në gazetarinë hulumtuese, një ligjërues që frymëzon dhe një mendje që vazhdon të krijojë vlera.
Një jetë që shkroi kohën
Në historinë e një kombi ka personalitete që nuk jetojnë vetëm brenda viteve të tyre, ata jetojnë përmbi kohën, sepse na lënë gjurmë që nuk zhduken. Ka njerëz që nuk shkruajnë vetëm lajme, por i japin kuptim vetë lajmit. Nuk flasin vetëm për etikën, por e mishërojnë atë. Nuk ecin vetëm në terren, por hapin shtigje për brezat që vijnë.
Njëri prej këtyre njerëzve të rrallë është Musa Sabedini, gazetar që nuk e zgjodhi profesionin, por e shndërroi atë në mision; profesor që nuk i mëson studentët vetëm të raportojnë, por t’i qëndrojnë besnikë së vërtetës, studiues që nuk kërkon duartrokitje, por drejtësi dhe integritet.
Në një botë ku zhurma shpesh e mbyt arsyen, ku shpejtësia e lajmit tenton ta tejkalojë cilësinë, ku mediet përballen me sfida, presione dhe kompromis, figura e Musa Sabedinit qëndron si kullë e palëkundur, simbol i profesionalizmit, etikës dhe pasionit intelektual.
Në një kohë kur fjala e lirë ka nevojë për mbrojtësit e saj më të denjë, në piedestalin e gazetarisë kosovare qëndron një emër i pashlyeshëm: Musa Sabedini, gazetar, profesor, publicist, studiues, dhe mbi të gjitha, njeriu që besoi se e vërteta nuk ka çmim.
Musa Sabedini nuk është thjesht një emër në historinë e gazetarisë kosovare, ai është një kapitull më vete. Një djalë që nisi të ecë me guxim në vitet e turbullta të ’90-ës dhe që, me energjinë e tij krijuese, me qëndresën dhe vizionin profesional, u shndërrua në njërin prej figurave më të qëndrueshme të medias dhe jetës publike.
Në rrugëtimin e tij, Musa i dha frymë ecjes, la gjurmë atëherë, sot dhe përgjithmonë.
Ai është dëshmi se gazetaria e mirë nuk është thjesht zanat, por akt guximi, akt përgjegjësie dhe akt dashurie për vendin.
Hyrja e tij në gazetari nuk qe rastësi, qe nevojë e kohës. Qëndresa e tij nuk ishte ambicie, ishte mision. Kontributi i tij nuk është thjesht përmendore profesionale, është trashëgimi kombëtare që kërkon t’u përcillet brezave.
Ky shkrim nuk është vetëm biografi.
Është rrëfim për një epokë, për një njeri që e sfidoi frikën, e ngriti dinjitetin e profesionit, dhe e ktheu gazetarinë në një urë mes së vërtetës dhe publikut.
Është homazh për një figurë që i dha kohës tonë zë, frymë dhe drejtim.
Zëri që i dha kuptim fjalës së lirë
Në një epokë kur fjala e lirë është themel i demokracisë, por shpesh edhe viktimë e presioneve, në horizontin e gazetarisë kosovare ngrihet një figurë që nuk u përkul kurrë: Musa Sabedini. Gazetar, profesor, publicist, studiues, aktivist dhe mbi të gjitha, njeriu që besoi se e vërteta nuk ka çmim.
Ai nuk është thjesht një emër në historinë e mediave shqiptare, ai është një kapitull më vete, një dritare që hapi horizontin e informimit profesional në një kohë kur vendi kishte më së shumti nevojë për zëra të guximshëm.
Në vitet kur shpresa ishte e brishtë, ai solli qëndrueshmëri. Në kohët kur fjala kishte peshë, ai e dha me maturi dhe guxim. Në periudhat kur duhej dikush të dilte para, Musa ishte i pari që e bëri.
Nexhat Buzuku e përshkruan me një fjali që peshon sa një epokë: “Musa Sabedini është njeriu më piramidal i kohës dhe brezit të tij.”
Rrugëtimi i një njeriu që nuk u lodh së ngrituri të tjerët
Që në rini, ai dallonte për pjekurinë dhe vendosmërinë që sfidonin moshën. Ishte pjesë e lëvizjeve studentore, i angazhuar, i palodhshëm, i përkushtuar. Ai nuk qëndroi gjatë në prapaskenë, ai udhëhoqi, frymëzoi dhe krijoi ura komunikimi në një shoqëri që kërkonte ndryshim të vërtetë.
Në gazetari, Musa nuk hyri si një emër i ri, ai shpërtheu si një domosdoshmëri e kohës. Nga bashkëpunimet e para me “Bujku”, “Shkëndija”, “Kosovarja”, deri te kryeredaktimi i “Bota e re” (1994-1997), ai u bë një nga zërat më të sigurt dhe më konsistent të realitetit kosovar.
Në prag të luftës, raportimet e tij si korrespondent i “Kosova Sot” (1997-1998) u shndërruan në dokumente të gjalla të një kohe të trazuar.
Pas luftës u angazhua në disa media ditore: ”Epoka e re”, Kosova Live”, “Lajm Ekskluzive”, etj.
Paslufta e gjeti aty ku natyrshëm i takon, në zemër të debatit publik. Si themelues i Klubit të Gazetarëve “Beqir Musliu” (2000), ai moderon mbi 300 debate vendore e ndërkombëtare, duke e kthyer fjalën e lirë në mekanizëm të forcimit të demokracisë.
Motoja e tij e famshme, që sot është bërë pjesë e identitetit të tij profesional, vazhdon të frymëzojë breza:
“Vazhdojmë… sa të ketë jetë.”
Profesor, autor, frymëzues
Që nga viti 2011, Musa Sabedini është një nga shtyllat e Fakultetit të Medias dhe Komunikimit në UBT. Ai ligjëron, drejton, formëson dhe motivon.
Si magjistër i gazetarisë dhe autor i tre librave universitarë, ai është sot një “kornizë referimi” për studiuesit e rinj të etikës, gazetarisë hulumtuese dhe mediave digjitale.
Ka prezantuar mbi 14 punime shkencore në konferenca ndërkombëtare dhe kontribuon në revista të indeksuara amerikane, pastaj në SCOPUS, një tregues i angazhimit të tij të thellë akademik.
Puna e tij është vlerësuar katër herë me çmimin “Korrespondenti më i mirë i vitit”, një dëshmi e integritetit dhe aftësisë së tij për të sjellë gazetari me ndikim.
Portreti njerëzor: Musë djali, njeriu me optimizëm vulkanik
Ata që e njohin afër e quajnë “Musë djali”. Nofkë që përmbledh sinqeritet, respekt, afërsi.
Ai është njeriu që e shikon botën me dritë, edhe kur drita mungon. I hapur, i qiltër, i drejtë. Energjia e tij është ngjitëse: i afron njerëzit, i mbështet, i dëgjon.
Karakteri i tij është armë e tij më e fortë: integriteti, profesionalizmi, humanizmi, guximi, pasioni.
Ai nuk predikon etikën, ai e jeton atë.
Figura e një epoke
Musa Sabedini nuk është vetëm pjesë e gazetarisë kosovare, ai është një nga arkitektët e saj.
Ai ngriti standarde, ndriçoi rrugën, ndikoi breza.
Ai i dha kuptim punës së gazetarëve, duke u bërë një mburojë e fjalës së lirë dhe një shtyllë e mendimit kritik në Kosovë.
Musa Sabedini është pjesë e pandashme e historisë së gazetarisë së re kosovare. Ai u bë zëri i brezit të tij, një motor i dialektikës shoqërore dhe një interpretues i ndershëm i realitetit.
Ai e ngriti profesionin.
Ai e nderoi publikun.
Ai e pasuroi akademinë.
Ai i dha kuptim udhëtimit të tij jetësor, duke lënë gjurmë që nuk fshihen.
Sot, ai është një autoritet i padiskutueshëm në gazetarinë hulumtuese, një ligjërues që frymëzon, një studiues që kontribuon dhe një njeri që vazhdon të ecë me të njëjtën energji si në rininë e tij.
Musa Sabedini i dha frymë ecjes në rrugëtimin e tij, la gjurmë atëherë, sot e përgjithmonë!
Profesor Musa Sabedini i dha kuptim, i dha vlerë udhëtimit të tij jetësor, u bë model i sinqeritetit, i etikës e guximit profesional, i bashkëpunimit e komunikimit të qartë, argumentues e njerëzor.
Ky njeri është shembulli më tipik i një njeriu me personalitet të kompletuar, me tipare fisnike e pozitivitet mahnitës njerëzor.
Musa i dha frymë ecjes në rrugëtimin e tij, la gjurmë atëherë, sot e përgjithmonë!
Ai posedon një vullkan të pashuar optimizmi!
Ai kurrë nuk thoshte erdhi fundi, mbaroi!
Jo, përkundrazi, ai ishte këmbëngulës, i vendosur dhe moto e tij e punës dhe e jetës ishte dhe mbetet vazhdojmë…
…sa të ketë jetë!
Sot, Musa Sabedini është një autoritet i padiskutueshëm në gazetarinë investigative, një ligjërues që frymëzon dhe një mendje që vazhdon të krijojë vlera.
Ai la gjurmë atëherë.
Ai lë gjurmë sot.
Dhe do të lërë gjurmë përherë.
Një jetë e shkrirë në gazetari dhe shkencë
Sevdail Hyseni e përkufizon qartë figurën e tij: “Pas më shumë se 33 viteve në profesion, Musa Sabedini mbetet figurë kyçe e gazetarisë hulumtuese dhe e etikës profesionale në Kosovë.”
Ai punoi në media të shumta, përjetoi periudhat më të vështira të historisë së Kosovës, kohë pushtimi, aparteidi, luftë, tranzicion, kontroll mediatik dhe epokë digjitale.
Rrallë kush ka një horizont kaq të plotë të realitetit gazetaresk.
Ai konsiderohet një model për profesionalizmin dhe integritetin, si hulumtues, pedagog dhe publikues, përmes një karriere mbi 33 vjeçare në fushën e gazetarisë dhe edukimit medial
Në vitin 2007, trajnimet e tij për gazetari hulumtuese në Missouri, SHBA, djepi i gazetarisë investigative botërore, i dhanë thellësi qasjes së tij ndaj korrupsionit dhe krimit të organizuar.
Musa Sabedini është një nga gazetarët më të njohur hulumtues në Kosovë dhe ka fituar katër herë çmimin “Gazetari i vitit” për punën e tij investiguese.
Ky kombinim i hulumtimit të detajuar, etikës së thelluar profesionale dhe ndikimit institucional e bën Sabedinin një nga figurat kryesore të gazetarisë hulumtuese në rajon.
Librat që vendosen në themelet e akademisë
Vrasja e drejtësisë në Kosovë (2003)
Vrasje dhe dëshmi (2010)
Mediet, etika, raportimet për situatat e ndjeshme… (2023)
Gazetaria online në Kosovë dhe rajon (2024)
Etika, mburojë e gazetarisë profesionale (2025)
Këto libra sot përdoren në programe universitare dhe janë referencë e qëndrueshme për studentët dhe studiuesit.
Mesazhi i tij për gazetarët e rinj
Mesazhi i tij i shumëpërmendur është një thirrje etike, një busull profesionale:
“Mos e tradhtoni etikën, ajo është identiteti i gazetarit.”
Ai paralajmëron me butësi, por me këmbëngulje:
“Mos u mashtroni me famën e shpejtë. Gazetaria nuk është spektakël, por përgjegjësi.”
Musa Sabedini: Njeriu që nuk shkroi vetëm për kohën… ai e formësoi atë
Nga debatet publike te auditorët universitarë, nga hetimet hulumtuese te librat akademikë, ai ka lënë një trashëgimi që do të mbetet gjatë.
Dhe fjala e tij sot tingëllon si një amanet profesional:
“Vazhdojmë… sa të ketë jetë.”
UBT – vendi ku profesioni mori krahë dhe akademia mori kuptim
Në rrugëtimin tim mbi tri dekada në gazetari, rrallë kam hasur institucione që jo vetëm të hapin dyer, por që ta zgjerojnë horizontin, të japin një dimension të ri profesional dhe të të sfidojnë të bëhesh versioni yt më i mirë. UBT ishte një prej tyre. Madje, shumë më tepër se kaq.
UBT nuk ishte thjesht vendi ku unë ligjërova.
Ishte vendi ku unë u rrita edhe vetë, ku përvoja ime u pasurua, ku njohuritë e mia morën formë akademike dhe ku misioni im profesional u thellua.
UBT më ka plotësuar në rrafshin profesional dhe akademik.
Ky institucion, me vlera të qëndrueshme dhe vizion të qartë ndërkombëtar, më dha hapësirën për ta shndërruar përvojën time mbi 35-vjeçare në kapital të prekshëm për studentët – për t’ua transmetuar jo vetëm teorinë, por gjithçka që kam mësuar në terren, në redaksi, në debate, në raportime të vështira e në situata që kërkonin guxim, etikë dhe saktësi.
UBT më dha motiv, energji dhe shtysë të re.
Më dha besim institucional dhe përgjegjësi profesionale.
Dhe mbi të gjitha, më dha një auditor plot jetë, studentë të zellshëm, të uritur për dije, që më sfidojnë çdo ditë të jap më të mirën time.
Në sallat e UBT-së unë nuk jam vetëm profesor.
Unë jam dëshmitar i një brezi që po rritet me etë për etikë, profesionalizëm dhe gazetari të vërtetë. Dhe ky është motivi im më i madh.
Më ka përmbushur UBT?
Po, më shumë sesa mund ta them me fjalë.
Sepse UBT nuk është vetëm institucion arsimor.
Është qendër e mendimit akademik, laborator i ideve të reja, platformë që ngre profesionistë të së ardhmes.
Dhe kur unë jap mësim aty, e ndiej se jam pjesë e një projekti shumë më të madh se vetja: një projekti që e formëson gazetarinë e së nesërmes.
Falë UBT-së, unë kam mundësinë të sjell në auditor çdo përvojë, çdo sfidë, çdo histori që m’i ka dhënë gazetaria dhe t’i kthej ato në mësime të vlefshme për ata që do ta mbajnë këtë profesion të gjallë.
Dhe për këtë, unë mbetem thellësisht mirënjohës.
Në hijen e një lideri të madh: Mirënjohje për vizionin e Edmond Hajrizit
Padyshim, një nga shtyllat më të forta të mbështetjes sime profesionale ka qenë rektori i UBT-së, Prof. Dr. Edmond Hajrizi, një personalitet me integritet të lartë akademik, vizionar modern dhe njeri që e jeton shkencën si mision.
Përkushtimi i tij ndaj inovacionit dhe arsimit cilësor nuk është thjesht rol institucional, por një energji që frymëzon, shtyn përpara dhe krijon hapësira të reja për mendim kritik e zhvillim profesional.
Në çdo hap të rrugëtimit tim akademik, mbështetja e tij ka qenë jo vetëm motivim, por edhe një provë se lidershipi i vërtetë matet me vepra, me përkushtim dhe me gatishmërinë për të ngritur të tjerët bashkë me veten.
Falë kësaj mbështetjeje, vizionet e mëdha bëhen të arritshme, dhe rruga drejt gazetarisë së avancuar merr dimension edhe më të fuqishëm, edhe më njerëzor.
Një jetë mes gazetarisë dhe etikës: Historia profesionale e Musa Sabedinit
Musa Sabedini përfaqëson një profil të konsoliduar në gazetarinë profesionale dhe akademike në Kosovë, duke kombinuar përvojën e gjatë në terren me angazhimin kërkimor dhe pedagogjik. Aktivizimi i tij publik nisi qysh në vitet ’90, kur mbajti pozita udhëheqëse në lëvizjen studentore, përfshirë funksionin e nënkryetarit të Unionit të Pavarur të Studentëve të Universitetit të Prishtinës dhe anëtar i Senatit të UP-së. Në prag të luftës së fundit, ai shërbeu si korrespondent i gazetës “Kosova Sot” (1997-1998), duke dokumentuar zhvillime të rëndësishme shoqërore e politike.
Pas vitit 1999, Sabedini vazhdoi rrugën profesionale në disa media të përditshme (“Epoka e Re”, “KosovaLive”, “Lajm”), ndërsa në vitin 2000 themeloi Klubin e Gazetarëve “Beqir Musliu”, ku moderimi i mbi 300 debateve vendore dhe ndërkombëtare e shndërroi këtë platformë në një hapësirë të rëndësishme të dialogut publik.
Ai është edhe themelues i Agjencisë Rajonale të Lajmeve “Rajonipress”, një ndër projektet e para të gazetarisë digjitale në rajonin e Anamoravës.
Kontributi i Sabedinit si autor është i gjerë: ai ka botuar libra të rëndësishëm për sistemin e drejtësisë (“Vrasja e drejtësisë në Kosovë”, 2003; “Vrasje dhe dëshmi”, 2010) dhe, më vonë, tekste universitare që trajtojnë etikën, gazetarinë online dhe raportimin e situatave të ndjeshme (2023-2025).
Këto botime kanë ndihmuar në ndërtimin e literaturës bashkëkohore në fushën e mediave në Kosovë, duke pasuruar diskursin akademik mbi etikën, vetërregullimin dhe sfidat e gazetarisë në epokën digjitale.
Edhe recensenti i tre librave universitar të Musa Sabedinit, dr. Safet Zejnullahu ka vlerësuar se autori ka një përvojë të gjatë në fushën e gazetarisë dhe të punës së drejtpërdrejtë nga raportimi nga terreni, si në kohë pushtimi, në kohë aparteidi në median e Kosovës, në kohë lufte, në kohë të gazetarisë së kontrolluar të pasluftës dhe në epokën e internetit.
Në planin universitar, Sabedini ka kryer studimet bazë dhe master në gazetari në Universitetin e Prishtinës dhe që nga viti 2011 është ligjërues në degën e Medias dhe Komunikimit në UBT.
Ai ligjëron katër lëndë kryesore: “Zhanret e Gazetarisë”, “Teknikat e Raportimit”, “E drejta dhe etika mediatike” dhe “Gazetaria Online”, duke ndikuar drejtpërdrejt në formimin profesional të brezave të rinj të gazetarëve.
Në aspektin kërkimor, Sabedini ka prezantuar mbi 14 punime shkencore në konferencat ndërkombëtare të UBT-së, ku ka trajtuar tema si etika në media, raportimi online, vetërregullimi i portaleve, ndikimi i rrjeteve sociale dhe lufta kundër lajmeve të rreme. Punimet e tij janë botuar gjithashtu në revista ndërkombëtare, përfshirë platformat amerikane dhe databazën SCOPUS, duke zgjeruar ndikimin e tij përtej kontekstit vendor.
Për veprimtarinë e tij të gjerë profesionale, Sabedini është nderuar katër herë me çmimin “Korrespondenti më i mirë i vitit” në Kosovë (2003, 2006, 2007, 2008), një dëshmi e integritetit, saktësisë dhe kontributit të tij në gazetarinë hulumtuese dhe raportimin profesional.
Aktualisht jeton dhe punon në Gjilan, është i martuar dhe ka katër fëmijë. Profili i tij bashkon me sukses veprimtarinë gazetareske, angazhimin akademik dhe kontributin publik në zhvillimin e etikës dhe profesionalizmit mediatik në Kosovë./nexhat buzuku, sevdail hyseni/rajonipress/
Libra dhe publikime kryesore:
Sabedini, M. (2003). Vrasja e drejtësisë në Kosovë. Prishtinë: KMDLNJ.
Sabedini, M. (2010). Vrasje dhe dëshmi. Prishtinë: KMDLNJ.
Sabedini, M. (2023). Mediet, etika, raportimet për situatat e ndjeshme, hetimet dhe nocionet juridike në gazetari. Prishtinë: UBT.
Sabedini, M. (2024). Gazetaria online në Kosovë dhe rajon, etika dhe sfidat e vetërregullimit. Prishtinë: UBT.
Sabedini, M. (2025). Etika, mburojë e gazetarisë profesionale. Prishtinë: UBT.
Konferenca shkencore (UBT International Conference)
Sabedini, M. (2014). Journalism ethics and law. Proceedings of the UBT International Conference. Prishtinë: UBT.
Sabedini, M. (2016). Online journalism, ethics and challenges. Proceedings of the UBT International Conference. Prishtinë: UBT.
Sabedini, M. (2017). Social media, their platform, respectively the users, ethics, advantages and disadvantages. Proceedings of the UBT International Conference. Prishtinë: UBT.
Sabedini, M. (2018). Self-regulation of portals and adherence to ethics codes. Proceedings of the UBT International Conference. Prishtinë: UBT.
Sabedini, M. (2019). The challenges of online journalism, impact of social media, and fake news. Proceedings of the UBT International Conference. Prishtinë: UBT.
Sabedini, M. (2020). Reporting in the age of pandemics: the case of COVID-19, ethics, techniques, challenges and recommendations. Proceedings of the UBT International Conference. Prishtinë: UBT.
Sabedini, M. (2021). Reporting in the age of pandemics: ethics, techniques, challenges and recommendations. Proceedings of the UBT International Conference. Prishtinë: UBT.
Sabedini, M. (2022). Are fake news (disinformation) ethics’ most bigger enemy in professional journalism in Kosovo Proceedings of the UBT International Conference. Prishtinë: UBT.
Sabedini, M. (2023). Sensitive news reporting on conflicting situations – Mitrovica case. Proceedings of the UBT International Conference. Prishtinë: UBT.
Sabedini, M. (2024). Portals and their internal organization in Kosovo. Proceedings of the UBT International Conference. Prishtinë: UBT.
Sabedini, M. (2025), Investigative Journalism in Kosovo: Ethics, Risks, and Challenges. Prishtinë, UBT.
Rajoni
UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric
Lajmet nga UBT
Prof. Ferid Selimi: Kërkimi shkencor në Kosovë ka potencial, por kërkon standarde të qarta
Lajmet nga UBT
Rektori i UBT-së merr pjesë në Kosova Health Forum 2025, duke theksuar rolin kyç të arsimit në zhvillimin e sektorit të shëndetësisë
Rektori i UBT-së, Prof. Dr. Edmond Hajrizi, mori pjesë në Kosova Health Forum 2025, ku u diskutuan zhvillimet, sfidat dhe transformimet e nevojshme për avancimin e sistemit shëndetësor në Kosovë. Gjatë forumit, Rektori Hajrizi solli perspektivën e arsimit të lartë si një komponent thelbësor në formimin e profesionistëve të shëndetësisë dhe në forcimin e kapaciteteve të sektorit.
Në fjalën e tij, Rektori Hajrizi theksoi se UBT ka luajtur një rol vendimtar në krijimin dhe zhvillimin e programeve të reja shëndetësore, duke ndërtuar kapacitete që dikur nuk ekzistonin në vend. Ai nënvizoi se Kosova ka bërë përparime të rëndësishme në harmonizimin e kurrikulave me standardet dhe direktivat ndërkombëtare, duke arritur një nivel që shpesh krahasohet me vendet evropiane.
“Kosova ka hyrë në një proces të rregullimit të sistemit arsimor dhe të kurrikulave me direktiva të veçanta që e përcaktojnë qartë strukturën e kompetencave, dhe në shumë raste kemi qenë më përpara se disa vende evropiane”, tha Rektori Hajrizi.
Ai foli gjithashtu për sfidat aktuale të tregut të punës në sektorin shëndetësor, duke theksuar se rritja e kërkesës për profesionistë është ndikuar ndjeshëm nga situata në vendet evropiane, të cilat po përballen me plakjen e popullsisë dhe mungesën e fuqisë punëtore.
Dronët vranë mbi 100 civilë në Sudan gjatë dhjetorit
Ditë e natë në terren, forcat e NATO-s dërgojnë mesazh stabiliteti
Nesër samiti mes BE-së dhe Ballkanit Perëndimor, Rama niset drejt Brukselit
Spiropali në Greqi, rihapet dialogu për kufirin detar
Pajisjet shtëpiake që nuk duhen ndezur kurrë njëkohësisht
Dyshohet abuzim i të miturit në Ferizaj përmes rrjeteve sociale
Kur dieta dhe pesha nuk mjaftojnë, arsyeja e fshehur e kolesterolit të lartë
Shqiptarët në jug të Serbisë: Fshirje nga adresat e banimit, mosnjohje e diplomave dhe gjuhë urrejtjeje
Gjysma e makinave të Ford do të jenë elektrike ose hibride deri në 2030
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Lajmet3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Vendi3 months agoNë UBT diplomon ushtaraku i FSK-së, Major Vilson Musaj