Magazinë

Selena Gomez: Ky ka qenë viti më i bukur i jetës time

Published

on

Artistja Selena Gomez po përgatitet të festojë ditëlindjen e saj të 33-të më 22 korrik dhe ka reflektuar mbi 12 muajt e fundit që, sipas saj, kanë qenë më të bukurit e jetës së saj.

“Teksa po përgatitem për të festuar ditëlindjen e 33-të, nuk mund të mos mendoj për udhëtimin e jashtëzakonshëm që më ka sjellë deri këtu. Ky vit i kaluar ka qenë vërtet viti më i bukur i jetës time, dhe këtë ia detyrohem kaq shumë prej jush”, ka shkruar ajo në një postim në Instagram, ka raportuar FemaleFirst.

Gomez ka falënderuar fansat për mbështetjen që i kanë dhënë ndër vite.

“Faleminderit për dashurinë dhe mirësinë tuaj të palëkundur. Qoftë kur më keni përkrahur nga larg, keni ndarë momentet e bukura e të vështira, apo keni qenë aty për të dëgjuar, e keni bërë këtë vit të paharrueshëm. Ndihem e përulur dhe pafundësisht mirënjohëse për gjithë dashurinë tuaj”, shkroi tutje ylli.

Ajo ka shtuar se ndien emocion dhe shpresë për të ardhmen.

“Teksa hyj në këtë vit të ri, ndihem e mbushur me emocion dhe shpresë për gjithçka që do të vijë. Pres me padurim të ndaj më shumë momente me ju, të krijoj kujtime të reja dhe të vazhdojmë këtë udhëtim të bukur së bashku. Ju dua marrëzisht të gjithve”, ka shkruar aktorja.

Ky reflektim vjen në një periudhë të lumtur për yllin e “Only Murders in the Building”, e cila është fejuar me producentin muzikor Benny Blanco në muajin dhjetor, pas më shumë se një viti lidhjeje. Megjithatë, sipas vetë Blancos, çifti ende nuk ka nisur përgatitjet për dasmën.

“Sinqerisht, dua vetëm të bëj një pauzë. Kam punuar kaq shumë. E kuptova që nuk kam pasur asnjë ditë pushim për një kohë të gjatë, dhe tani dua vetëm të rri në shtrat dhe të harroj çfarë dite është”, pati thënë ai në podcastin “Therapuss” të Jake Shane.

Lajmet

Yll Limani falënderon fansat pas dy netëve koncert në Tiranë

Published

on

Pas dy netëve të mbushura me emocione, muzikë dhe mijëra fansa, këngëtari Yll Limani ka reaguar me një mesazh falënderues në rrjetet sociale për publikun që e ka mbështetur në koncertet e mbajtura në Tiranë.

Artisti ka ndarë emocionet e përjetuara gjatë këtyre dy mbrëmjeve, duke i cilësuar si momente të paharrueshme.

“Hala jam tu i jetu emocionet e dy netëve n’Tirane. Shqipni, faleminderit për dashninë që ma dhatë. Janë dy net që s’kom me i harru kurrë. Faleminderit secilit që keni ardhë e keni knu bashkë me mu”, ka shkruar ai.

Limani ka shprehur mirënjohje për mbështetjen e vazhdueshme nga fansat, duke theksuar se dashuria dhe energjia e tyre janë motivi kryesor i karrierës së tij artistike.

“30.000 herë faleminderit. Për kohën, energjinë, besimin dhe dashninë që ma jepni vazhdimisht”, ka shtuar ai.

Në fund të mesazhit, këngëtari ka theksuar se shpesh emocionet e momentit nuk e lejojnë të kuptojë menjëherë shkallën e mbështetjes që merr nga publiku, duke përfunduar me një mesazh për fansat: “Deri herën tjetër! Ju du shuuuuume.”

/A.K/

Continue Reading

Lajmet

Tirana bëhet gati për koncertin e Kanye West, intensifikohen përgatitjet

Published

on

Më pak se një muaj para koncertit të reperit amerikan Kanye West në Tiranë, autoritetet shqiptare kanë intensifikuar përgatitjet për organizimin e ngjarjes, e cila pritet të jetë ndër eventet më të mëdha muzikore të mbajtura ndonjëherë në vend.

Ministri i Turizmit, Kulturës dhe Sportit, Blendi Gonxhja, së bashku me përfaqësues të institucioneve përgjegjëse, ka inspektuar nga afër punimet dhe masat organizative për garantimin e sigurisë dhe mbarëvajtjes së koncertit.

Sipas Gonxhjes, përgatitjet po zhvillohen me ritme intensive, ndërsa bashkëpunimi ndërinstitucional është kyç për menaxhimin e vizitorëve, transportit, sigurisë publike dhe shërbimeve emergjente.

Koncerti i Kanye West është planifikuar të mbahet më 11 korrik në Tiranë dhe pritet të mbledhë dhjetëra mijëra spektatorë nga Shqipëria, rajoni dhe vende të tjera, duke e shndërruar kryeqytetin shqiptar në një qendër të rëndësishme të muzikës ndërkombëtare gjatë sezonit veror.

Burimi: ATSH
/A.K/

Continue Reading

Lajmet

Djali i princeshës së Norvegjisë dënohet me 4 vjet burg për përdhunim

Published

on

Marius Borg Høiby, djali 29-vjeçar i Princeshës së Kurorës së Norvegjisë, Mette-Marit, është shpallur fajtor për dy akuza për përdhunim dhe është dënuar me katër vjet burg.

Gjykata e ka liruar atë nga dy akuza të tjera për përdhunim, por e ka shpallur fajtor për një sërë veprash të tjera penale për të cilat ishte akuzuar.

Høiby nuk ishte i pranishëm në sallën e gjyqit gjatë shpalljes së vendimit, por ka marrë pjesë përmes lidhjes video.

Prokurorët kishin kërkuar dënim prej shtatë vjetësh e shtatë muaj burg, ndërsa mbrojtja kishte kërkuar një dënim më të lehtë prej 18 muajsh dhe pritet të apelojë vendimin.

/A,K.

Continue Reading

Lajmet

Oliver Tree raportohet se ka humbur jetën në aksident me helikopter në Brazil

Published

on

Oliver Tree, i njohur për hitet “Life Goes On” dhe “Miss You”, raportohet se ka ndërruar jetë në moshën 32-vjeçare pas një aksidenti me helikopter në Rio de Janeiro të Brazilit.

Sipas raportimeve, ai ishte një nga gjashtë viktimat e një përplasjeje në ajër mes dy helikopterëve në zonën Recreio dos Bandeirantes.

Në aksident kanë humbur jetën edhe disa persona të tjerë, përfshirë pasagjerë dhe pilotë, ndërsa autoritetet braziliane kanë nisur hetimet për të zbuluar shkaqet e ngjarjes.

Më herët, artisti kishte qenë në Amerikën e Jugut në kuadër të turneut të tij botëror dhe kishte performuar në Sao Paulo më 6 qershor.

Oliver Tree ishte i njohur për stilin e tij të veçantë muzikor dhe projektet si “Ugly Is Beautiful”, “Cowboy Tears” dhe “Alone in a Crowd”, duke fituar famë ndërkombëtare në skenën muzikore.

/A.K/

Continue Reading

Të kërkuara