Policia e Kosovës ka pranuar informatë se tre të dyshuar në periudha të ndryshme kohore dhe në lokacione të ndryshme në Gjakovë, kishin kërkuar dhe pranuar ryshfet nga pronarë të ndryshëm të bizneseve, ku me këto veprime dyshohet se kanë kryer veprën penale ”Marrja e Ryshfetit’’.

Policia e Kosovës nëpërmjet një komunikate thotë se në koordinim me Prokurorinë Themelore në Gjakovë, ka ndërmarr veprime hetimore, duke zbatuar edhe masat të avancuara hetimore, gjatë të cilave janë siguruar dëshmi se tre të dyshuarit meshkuj kosovarë, me qëllim të përfitimit pasuror për vete apo personin tjetër, dyshohet se kanë pranuar ryshfet në shuma të ndryshme parash në disa raste të ndara, si dhe të mira materiale të ndryshme pa pagesë nga pronaret e bizneseve të ndryshëm në komunën e Gjakovës.

“Sot, më datë 20.01.2025, me urdhër nga Gjykata Themelore në Gjakovë në koordinim me prokurorin përgjegjës të rastit janë kontrolluar tri objektet e banimit të personave të dyshuar (dy në Gjakovë dhe një në Pejë), ku janë siguruar prova materiale që ndërlidhen me rastin. Gjatë kontrollit janë sekuestruara dëshmitë si në vijim para të gatshme 11600 euro, katër telefona mobil, një IPOD, një pasaportë e Republikës së Shqipërisë, një letërnjoftim i Republikës së Shqipërisë. Tre të dyshuarit janë intervistuar në prezencë të avokatit mbrojtës dhe pas intervistës me aktvendim të prokurorit janë ndaluar për 48 orë”, thuhet në njoftim.

Policia e Kosovës ka njoftuar se më 19 janar është bastisur një shtëpi në Podujevë ku janë gjetur substanca narkotike dhe armëmbajtje pa leje.

Policia ka bërë me dije se janë sekuesturuar 1.994 kg substancë e dyshuar narkotike e llojit marihuanë, 75 fishekë kalibrash të ndryshëm, 7 peshore të ndryshme.

“Në koordinim me prokurorin është kryer bastisje në shtëpinë dhe objektet përcjellëse pronë e të dyshuarit mashkull kosovar ku janë gjetur dhe sekuestruar 1.994 kg. substancë e dyshuar narkotike e llojit marihuanë, 75 fishekë kalibrash të ndryshëm, 7 peshore të ndryshme, mbështjellës të ndryshëm për të substancave narkotike dhe një radio-lidhje”, thuhet në njoftim.

Lidhur me rastin në cilësi të dëshmitarëve janë intervistuar dy persona.

Zonja e Parë e ardhshme, Melania Trump, ka prezantuar një kriptomonedhë të re të quajtur $Melania, duke pasuar hapin e bashkëshortit të saj, Donald Trump, i cili javën e kaluar lançoi kriptomonedhën e tij, $Trump. Ky njoftim vjen vetëm një ditë pas prezantimit të monedhës së Donald Trump, duke e bërë çiftin e parë që hyn në botën e kriptomonedhave, pas betimit të tij të së hënës si president i SHBA.

Të dyja monedhat kanë shënuar rritje, por tregu i tyre ka qenë i paqëndrueshëm. Sipas të dhënave të CoinMarketCap, kapitali tregut të $Trump ka arritur rreth 12 miliardë dollarë, ndërsa $Melania ka arritur 1.7 miliardë dollarë. Melania shpalli lançimin e kriptos së saj në platformën sociale X, duke inkurajuar ndjekësit të blejnë monedhën e saj të re.

Donald Trump, i cili në të kaluarën e ka cilësuar kriptomonedhën si “mashtrim”, ka ndryshuar qëndrim pas fushatës së tij zgjedhore të vitit 2024, duke pranuar asete digjitale si donacione. Ai gjithashtu ka shprehur planet për krijimin e një rezerve strategjike të bitcoin dhe për emërimin e rregullatorëve që do të mbështesin industrinë e kriptove, çka ka nxitur pritetshmëritë për një heqje të mundshme të disa rregulloreve.

Pas fitores së Trump, bitcoin ka arritur një nivel rekord, duke u tregtuar aktualisht me 140,000 dollarë. Kriptovalutat e tjera, përfshirë Dogecoin, e promovuar nga Elon Musk, gjithashtu kanë shënuar rritje të dukshme./UBTNews/

Kriptomonedha e sapokrijuar e Donald Trump, e njohur si $TRUMP, ka shënuar një rritje të jashtëzakonshme të kapitalit tregtar, duke arritur një vlerë prej 11.7 miliardë dollarësh, pas një rritjeje të shpejtë në treg. E lançuar më 19 janar, monedha meme e Trump ka shënuar një rritje të çmimit deri në 58.56 dollarë, duke e renditur atë si kriptomonedhën e 18-të më të madhe në botë, sipas të dhënave të CoinMarketCap. Vëllimi i tregtimit të $TRUMP ka arritur në 52.5 miliardë dollarë gjatë 24 orëve të fundit.

Ky zhvillim ka ndodhur pak para se Presidenti i zgjedhur i SHBA-së, Donald Trump, të arrijë në Uashington për tubimin e tij të planifikuar një ditë përpara inaugurimit të tij për një mandat të dytë. Ndërkohë, Bitcoin ka shënuar gjithashtu një rekord të ri, duke e çuar vlerën e tij në nivele historike.

Kriptomonedha e Trump ka shkaktuar entuziazëm në tregje, duke tërhequr investitorë dhe krijuar spekulime rreth ndikimit të mundshëm që mund të ketë ajo në botën e kriptomonedhave, sidomos pas rikthimit të Trump në Shtëpinë e Bardhë./UBTNews/