Lajmet

Seancë private, mbrojtja fillon intervistimin e dëshmitarit të prokurorisë

Tani kanë filluar edhe kundër-pyetjet nga ekipi mbrojtës

Published

on

Intervistimi i dëshmitarit të 11-të në gjykimin kundër ish-krerëve të Ushtrisë Çlirimtare të Kosovës (UÇK), po zhvillohet tërësisht në seancë private. Pas pyetjeve nga ana e Zyrës së Prokurorit të Specializuar (ZPS), kanë filluar edhe kundër-pyetjet nga ekipi mbrojtës. Hashim Thaçi, Kadri Veseli dhe Rexhep Selimi janë në sallën e gjyqit, ndërsa Jakup Krasniqi po e ndjek këtë proces përmes video-lidhjes.

Pyetjet për dëshmitarin me kodin 03811, kanë nisur nga avokati mbrojtës i Hashim Thaçit, Gregory Kehoe, i cili ka kërkuar që të kalohet në seancë private.

Para kësaj, ekipet mbrojtëse e kanë njoftuar trupin gjykues për kohën që ju nevojitet për të bërë pyetjet për dëshmitarët.

“Dëshmitarët që do të jenë të planifikuar për më pas janë dëshmitarë shumë të rëndësishëm për këtë çështje gjyqësore. Kështu që do të qëndrojmë në të njëjtat afate kohore, në të njëjtat kohë që kemi parashtruar për sa i takon kundër-pyetjeve të tyre”, ka thënë avokati i Hashim Thaçit, Gregory Kehoe.

Edhe mbrojtësi i Kadri Veselit, Ben Emmerson ka specifikuar kohën që i nevojitet për të bërë pyetje për dëshmitarët.

“Për dëshmitarin 4746 parashikojmë tri orë, për dëshmitarin 4290 tre orë. Dhe të dy këta dëshmitarë kanë njëfarë domethënie, njëfarë rëndësie. Ndërkohë që sa i takon dëshmitarit 4337 planifikojmë gjysmë orë”, ka thënë Emmerson.

Po ashtu, Emmerson ka kërkuar që Veseli ditën e nesërme ta përcjellë këtë proces gjyqësor përmes video-lidhjes.

Tutje, avokati i Rexhep Selimit, Eric Tully, ka thënë se koha që i duhet për kundër-pyetjet është pothuajse e njëjta me atë që kanë parashikuar më parë.

“Për dëshmitarin 4337 parashikojmë tre orë, dëshmitarin 4746 tetë orë, dëshmitarin 4290 shtatë orë dhe dëshmitarin 2161 katër orë”, ka kërkuar ai.

Ndërkaq, avokati i Jakup Krasniqit, Aidan Ellis, ka njoftuar se për dëshmitarin 4331 e kanë ulur vlerësimin e kohës për kundër-pyetjet.

“Sa i takon dëshmitarit 4331, ne e kemi ulur vlerësimin e kohës për të bërë kundër-pyetjet për këtë dëshmitar nga dy orë, në një. Sa i takon dy dëshmitarëve të tjerë, për 4290 dhe 4746 koha që planifikojmë vazhdon që të mbetet i njëjti vlerësim që kemi bërë më përpara duke marrë parasysh atë që do të dëshmohet”, përfundoi ai.

Pas kthimit në seancë publike, kryegjykatësi Charles Smith ka thënë se pasdite do të diskutohet për disa pika që kanë nevojë të shtjellohen më tej.

Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.

Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

Ata ndodhen në qendrën e paraburgimit në Hagë prej nëntorit të vitit 2020. 

Bota

​Rutte në Kiev: NATO mbështet Ukrainën

Published

on

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.

Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.

“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.

Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.

Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.

“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.

Continue Reading

Bota

Pekini kundërshton tarifat e SHBA-së për tarifat 50% ndaj Indisë

Published

on

Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.

Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.

“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.

Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.

Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.

India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.

Continue Reading

Aktualitet

​73 raste të dhunës në familje për një javë

Published

on

Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.

Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.

“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Continue Reading

Bota

​Kallas paralajmëron për ‘kurthin’ rus për shtyrjen e Kievit për lëshime tokash

Published

on

Kryediplomatja evropiane paralajmëroi kundër detyrimit të Ukrainës për të hequr dorë nga territori, duke thënë se ky është në fakt një “kurth” në të cilin Rusia dëshiron që ne të hyjmë.

“Dua të them, diskutimi është rreth asaj që duhet të heqë dorë Ukraina, cilat janë lëshimet që Ukraina është e gatshme të bëjë”, tha Kaja Kallas për BBC-në.

Kallas tha se Rusia është ajo që filloi luftën dhe nuk ka bërë ende asnjë lëshim, transmeton KosovaPress.

“Nëse biem në këtë kurth që po i bëjmë presion Ukrainës, çfarë janë të gatshme të heqin dorë, atëherë do ta shohim përsëri këtë, sepse agresioni do të jep fryte,” shtoi ajo.

Duke iu referuar samitit të javës së kaluar në Alaskë midis presidentit të SHBA-së Donald Trump dhe atij rus Vladimir Putin, Kallas tha se Putin mori “gjithçka që donte”.

“Putin thjesht po qesh, jo duke i ndaluar vrasjet, por duke i rritur ato”, shtoi ajo.

Duke folur për nevojën për garanci sigurie të besueshme dhe të forta për Ukrainën, Kallas, megjithatë, pranoi se nuk kishte shumë hapa konkretë për një forcë penguese në këtë fazë të negociatave.

Kallas tha se i takon shteteve anëtare të Koalicionit të Gatshëm të përcaktojnë saktësisht se çfarë mund të ofrojnë.

Trump tha të enjten se perspektivat për paqe midis Ukrainës dhe Rusisë do të bëhen të qarta brenda dy javësh.

Rusia aneksoi rajonet Donetsk, Luhansk, Kherson dhe Zaporizhzhia të Ukrainës në shtator 2022.

 

Continue Reading

Të kërkuara