Ushtria izraelite sapo ka konfirmuar se grupi i dytë i pengjeve izraelite që janë gjallë është dorëzuar tek Kryqi i Kuq. Trembëdhjetë pengjet tani janë në rrugë drejt forcave të Forcave të Mbrojtjes së Izraelit dhe Agjencisë së Sigurisë së Izraelit në Rripin e Gazës, raporton BBC.

Më herët gjatë mëngjesit, Hamasi tashmë kishte liruar shtatë persona si pjesë e grupit të parë të lirimit të pengjeve.

Ndërsa familjet janë mbledhur në Ramallah për të pritur të burgosurit që pritet të lirohen sot, festimet e dikurshme janë zëvendësuar nga pasiguri dhe konfuzion.

Izraeli ka bërë të qartë se dëshiron të shmangë skenat e gëzimit të mëparshme, kur turma të mëdha prisnin të burgosurit duke valëvitur flamuj të Hamasit./S.K/KP/

Presidentit amerikan i SHBA-së, Donald Trump ka mbërritur në Izrael.

Kreu i Shtëpisë së Bardhë u prit me tapet të kuq, teksa të pranishëm në aeroport ishin presidenti i Izraelit, Isaac Herzog dhe kryeministri izraelit, Benjamin Netanyahu.

Trump do të qëndrojë për disa orë në Izrael, ku pritet të takohet me disa prej pengjeve të liruara nga Hamasi, si dhe do të mbajë një fjalim në parlamentin izraelit.

Mijëra njerëz janë mbledhur në sheshet kryesore të Izraelit, ku pritën me ovacione mbërritjen e Trump./S.K/EO/

Sot shënohet Dita Ndërkombëtare për Reduktimin e Katastrofave, ditë kjo që ka filluar nga viti 1989, pas një thirrje nga Asambleja e Përgjithshme të OKB-së, për të promovuar një kulturë globale të reduktimit të rrezikut nga katastrofat.

Kjo ditë ka për qëllim ndërgjegjësimin për një mjedis të gjelbër dhe reduktimin e ekspozimit ndaj katastrofave.

Tema e sivjetme e kësaj dite është “Rezistenca e Fondeve, Jo Fatkeqësitë”, e cila thekson nevojën urgjente për të adresuar kostot në rritje të fatkeqësive duke zhvendosur fokusin nga reagimi reaktiv në investimet pro-aktive në reduktimin e rrezikut nga fatkeqësitë.

Në mënyrë specifike, duke u bazuar në rezultatet e Forumit të Politikave të Oslos kjo ditë do të theksojë dy thirrje kryesore për veprim: rritja e fondeve për reduktimin e rrezikut nga fatkeqësitë, brenda buxheteve publike dhe ndihmës ndërkombëtare, dhe sigurimi që të gjitha investimet në zhvillimin publik dhe sektorin privat të jenë të informuara ndaj rrezikut dhe të qëndrueshme./S.K/KP/

Më 13 tetor 1792, presidenti George Washington vendosi në mënyrë ceremoniale gurin e parë në themelin e ndërtesës, e cila do të bëhej rezidenca zyrtare e presidentëve të Shteteve të Bashkuara.

Arkitekt i ndërtesës, e cila u quajt ”Pallati i Presidentit”, ishte emigranti irlandez James Hoban, ndihmësi tij ishte Benjamin Latrobe nga Pensilvania.

Projekti ishte i ngjashëm me Pallatin e Dukës së Leinsterit, në Irlandë.

Presidenti i dytë i Shteteve të Bashkuara, John Adams, ishte banori i parë i Shtëpisë së Presidentit, në vitin 1800.

Që nga ajo kohë, të gjithë presidentët amerikanë kanë jetuar në këtë rezidencë. Ndërtesa origjinale u dogj nga trupat britanike gjatë luftës së vitit 1818.

Pasi u rindërtua dhe James Hoban urdhëroi që ndërtesa të lyhej me të bardhë, asaj iu dha emri  ”Shtëpia e Bardhë”.

Shtëpia e Bardhë është ndërtesa më e lashtë publike e Uashingtonit.

Ajo shërben jo vetëm si shtëpi banimi dhe zyrë e presidentit, por edhe si muze i presidentëve amerikanë.

Çdo vit Shtëpia e Bardhë vizitohet nga rreth një milionë e gjysmë turistë./S.K/KP/