Lajmet

Save the Children: TikTok-u është hapësira ku bullizohen më së shumti fëmijët në Kosovë!

Published

on

Një anketë e realizuar nga organizata për të drejtat e fëmijëve, Save the Children Kosova, ka zbuluar se bullizimi është një problem i përhapur për fëmijët në Kosovë, duke u ndodhur kryesisht në rrjetet sociale dhe shkolla. Sipas rezultateve të anketës, TikTok është identifikuar si platforma më e rrezikshme për bullizmin online, duke e lënë pas edhe shkollën, që gjithashtu mbetet një vend ku bullizmi është i pranishëm për një pjesë të madhe të fëmijëve.

Anketa, e titulluar Zërat e Rinj, tregon se 78% e fëmijëve në Kosovë besojnë se bullizmi është shumë ose mesatarisht i pranishëm në shkollën e tyre. Po ashtu, të njëjtën përqindje e ka edhe TikTok-u, që renditet si platforma më e prekur nga ky fenomen. Më pas vijnë rrjetet sociale të tjera si Snapchat, me 57%, Instagram (45%) dhe Facebook (28%), që gjithashtu identifikohen si hapësira ku bullizmi është gjithnjë e më i pranishëm.

Anketa është realizuar gjatë periudhës maj-qershor 2024 dhe ka përfshirë 1.071 fëmijë nga 16 komuna të Kosovës, të cilët janë në moshën 11 deri 17 vjeç, dhe përfaqësojnë nxënës nga klasa e shtatë deri në të 11-tën.

Përveç bullizmit online, një shqetësim tjetër i shprehur nga fëmijët është mungesa e sigurisë kur përdorin transportin publik gjatë natës. Sipas të dhënave, 29% e të anketuarve kanë raportuar se nuk ndihen të sigurt në këtë situatë. Ky shqetësim është më i theksuar te vajzat, ku 35% e tyre shprehin pasiguri, krahasuar me vetëm 19% të djemve.

Save the Children ka kërkuar nga autoritetet dhe institucionet arsimore që të ndërmarrin hapa më të fuqishëm për të trajtuar bullizmin dhe diskriminimin në shkolla. Organizata thekson nevojën për “trajnime gjithëpërfshirëse për mësimdhënësit, prindërit dhe nxënësit”, me qëllim që të krijohet një kulturë bashkëpunimi në trajtimin e këtyre problemeve.

Po ashtu, Save the Children ka kërkuar që të forcohen mekanizmat e sigurisë në internet dhe të krijohen mekanizma mbrojtës për platformat si TikTok dhe Snapchat. Kjo përfshin angazhimin e kompanive të teknologjisë, prindërve dhe mësimdhënësve në një përpjekje të përbashkët për të krijuar një mjedis më të sigurt online për fëmijët.

Një tjetër shqetësim serioz është raportimi i disa rasteve të vetëlëndimeve të nxënësve të frymëzuar nga video të dhunshme ose të rrezikshme në TikTok. Këto raste kanë ngritur alarmin për rrezikun që mund të vijë nga përdorimi i papërgjegjshëm i platformave sociale, duke bërë apel për më shumë përgjegjësi nga ana e kompanive që menaxhojnë këto platforma.

Në përfundim, Save the Children ka bërë thirrje për veprime konkrete dhe urgjente për të siguruar një ambient më të sigurt për fëmijët, si në shkolla ashtu edhe në platformat sociale, ku bullizmi është bërë një shqetësim gjithnjë e më i madh./UBTNews/

 

Lajmet

Bën gara shpejtësie, 10 muaj masë mbrojtëse dhe gjoba nga 400 euro për dy shoferët

Published

on

By

Policia e Kosovës ka gjobitur dy vozitës pasi të njëjtit u zunë në flagrancë duke bërë gara ilegale në rrugën Pejë-Prishtinë.

Sipas njoftimit ndaj këtyre vozitësve janë marr masa ligjore; gjobë nga 400 euro për dy vozitësit, 4 pikë negative dhe 10 muaj masë mbrojtëse për dy vozitësit.

Policia thotë se njësia rajonale e trafikut rrugor, në vazhdimësi do të jetë në teren dhe nuk do të ketë asnjë tolerim ndaj asnjë personi që bie ndesh me legjislacionin në fuqi./KP

Continue Reading

Rajoni

Kazakistani hap zyrtarisht ambasadën në Shqipëri

Published

on

By

Në një ceremoni solemne të zhvilluar në Tiranë, u përurua zyrtarisht Ambasada e Republikës së Kazakistanit në Shqipëri, duke shënuar një moment të rëndësishëm në forcimin e marrëdhënieve diplomatike mes dy vendeve.

Ngjarja u zhvillua në praninë e përfaqësuesve të institucioneve shqiptare, trupit diplomatik dhe personaliteteve të shquara të jetës publike. Të pranishme në ceremoni ishin edhe zëvendësministrja për Evropën dhe Punët e Jashtme, Megi Fino dhe kryetarja në detyrë e Bashkisë së Tiranës, Anuela Ristani, shkruan ATSH.

Ceremonia u drejtua nga ambasadori i Republikës së Kazakistanit në Shqipëri, Iskander Aisariyev, i cili mbajti një fjalim përshëndetës me rastin e hapjes së misionit diplomatik.

Ai theksoi rëndësinë historike të këtij hapi në marrëdhëniet kazako-shqiptare, duke e cilësuar ambasadën si një urë të re miqësie dhe bashkëpunimi.

Kjo është një ngjarje me rëndësi historike për vendet tona. Ajo simbolizon jo vetëm hapjen e një misioni të ri diplomatik, por edhe fillimin e një etape të re në zhvillimin e marrëdhënieve kazako-shqiptare, të bazuara në besim, mirëkuptim dhe angazhim të përbashkët për paqe, stabilitet dhe mirëqenie”, u shpreh ambasadori.

Ai nënvizoi se Kazakistani dhe Shqipëria ndajnë vlera të përbashkëta si bashkëjetesa paqësore, respekti për diversitetin dhe aspirata për zhvillim të qëndrueshëm.

Po ashtu, ai shtoi se ekziston potencial i madh për bashkëpunim në fusha si tregtia, energjia, turizmi, arsimi, teknologjia dhe shkëmbimet kulturore.

Ambasada jonë e re do të bëhet një instrument efektiv për realizimin e këtyre mundësive,” theksoi ambasadori Aisariyev, duke falënderuar Qeverinë shqiptare për mbështetjen e dhënë gjatë procesit të hapjes së përfaqësisë diplomatike.

Ceremonia u mbyll me një pritje zyrtare në ambientet e ambasadës, ku të ftuarit patën mundësinë të shkëmbenin mendime mbi perspektivat e bashkëpunimit ndërmjet Kazakistanit dhe Shqipërisë në një klimë miqësore dhe bashkëpunuese./KP

Continue Reading

Lajmet

Barkodet ndërkombëtare së shpejti edhe për produktet e Kosovës

Published

on

Kosova së shpejti do të nis lëshimin e barkodave ndërkombëtarë dhe kështu vlerësohet se do të hapet rrugë për produkteve kosovare për njohje dhe prezencë më të gjerë në tregjet ndërkombëtare.

Këtë e ka bërë të ditur Oda Ekonomike e Kosovës (OEK), teksa njoftoi për takimin e kryetarit të saj Lulzim Rafuna me kryetaren e Fondacionit GS1 Turqi, Elif Muftuoglu.

“Gjatë takimit, u shpreh falënderimi dhe mirënjohja për mbështetjen e vazhdueshme që GS1 Turqia i ka dhënë Kosovës në procesin e anëtarësimit në rrjetin ndërkombëtar të barkodave GS1 – sistem që siguron identifikim dhe njohje globale të produkteve. Falë këtij bashkëpunimi, GS1-Kosova do të nisë me sukses lëshimin e barkodave ndërkombëtare, duke i hapur rrugë produkteve të Kosovës për njohje dhe prezencë më të gjerë në tregjet ndërkombëtare. Ky hap do të shtojë vlerën, besueshmërinë dhe sigurinë e produkteve kosovare, si për konsumatorët vendorë ashtu edhe për ata ndërkombëtarë”, thuhet në njoftimin e odës.

Më tej, Oda Ekonomike e Kosovës shprehu mirënjohje të veçantë për GS1 Turqinë dhe znj. Elif Muftuoglu për bashkëpunimin e sinqertë dhe përkrahjen profesionale në këtë proces të rëndësishëm për zhvillimin ekonomik të vendit./S.K/EO/

Continue Reading

Lajmet

Në QNR rinumërohen 10 nga 16 kutitë e votimit

Published

on

Komisioni Qendror i Zgjedhjeve ka njoftuar se në Qendrën e Numërimit dhe Rezultateve nga pasditja e djeshme deri në orën 10:00 sot, janë rinumëruar 10 kuti të votimit nga 16 sosh.

Procesi i rinumërimit të këtyre kutive atje po vazhdon pas vendimit të djeshëm të KQZ-së.

“Rinumërimi i 16 kutive të votimit, që i takojnë 12 vendvotimeve të komunave të ndryshme, planifikohet të përfundojë në mesditën e sotme. Nga ky numër i përgjithshëm, 5 kuti votimi i takojnë zgjedhjeve për Kryetarë të Komunave dhe 11 të tjera nga zgjedhjet për Kuvende Komunale”, thuhet në njoftim.

“Rezultatet nga ky rinumërim pasqyrohen platformën për rezultate https://resultslocal2025.kqz-ks.org/, në rubrikën “Rezultatet QNR – Rinuëmruara”, thuhet në një njoftim të publikuar në faqen e KQZ-së.

Në zgjedhjet e 12 tetorit u votua në 38 komuna të Kosovës për zgjedhjen e kryetarëve si dhe për asamble./S.K/EO/

Continue Reading

Të kërkuara