Lajmet

Salih Mustafa deklarohet i pafajshëm

Published

5 years ago

on

Në Gjykatën Speciale nga Hagë ka nisur seanca e dytë ndaj ish-eprorit të Ushtrisë Çlirimtare të Kosovës, Salih Mustafës. Mustafa është deklaruar i pafajshëm për katër akuzat e ngritura ndaj tij nga Specialja.

Mustafa deklaroi se lufta për liri dhe pavarësi ka qenë e drejtë dhe e domosdoshme.

“Unë Salih Mustafa, ish-luftëtari i lirisë dhe ish-epror i UÇK-së, duke besuar thellë në betimin e ushtarit të UÇK-së, dhe moralin e bashkëluftëtarëve të mi, duke qenë thellë i bindur se lufta për liri dhe pavarësi ka qenë e drejtë, e pashmangshme dhe e domosdoshme, sepse okupimi i gjatë me përmasa gjenocidale, si dhe pas luftërave pushtuese të këtij kasapi në Kroaci dhe Bosnjë, mua dhe popullit tim nuk na kishte lënë shumë zgjidhje, o të përfundonim të përndjekur në kampet perëndimore, pa nder, pa atdhe e pa liri, ose të organizoheshim në një rezistencë të gjithanshme, që kulmoi me luftën çlirimtare për liri e pavarësi”, deklaroi ai.

Mustafa deklaroi se UÇK-ja s’ka qenë kurrë bandë kriminale.

“Duke besuar në moralin tim dhe bindjet ë mia, karakterin tim që e kam ndërtuar përgjatë 34 viteve të jetës sime, në shërbim të atdheut, të rrugës drejt lirisë, si dhe në shërbim të institucioneve demokratike të shtetit tim, duke qenë thellë i bindur se UÇK-ja s’ka qenë kurrë bandë e organizuar kriminale, por një ushtri çlirimtare që lindi nga populli, dhe e cila me shumë mund e sakrifica, duke derdhur edhe gjakun e vajzave dhe djemve të kombit, është bërë gurthemel i lirisë që e gëzojmë”, deklaroi ai./UBTNews

Related Topics:
Continue Reading

Lajmet

Dhuna në familje në Malishevë, një person goditet me brisk, i dyshuari dërgohet në mbajtje

Published

14 minutes ago

on

October 20, 2025

By

Një rast i dhunës në familje është raportuar mbrëmjen e së dielës në Malishevë, ku një mashkull kosovar dyshohet se ka sulmuar fizikisht një anëtar tjetër të familjes, mashkull kosovar, duke i shkaktuar lëndime në dorë me një mjet të mprehtë (brisk).

I dyshuari është arrestuar nga policia dhe pas intervistimit, me vendim të prokurorit të shtetit, ai është dërguar në mbajtje.

“Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën mashkull kosovar dhe i ka shkaktuar lëndime në dorë me një mjet të mprehtë (brisk). Viktima ka pranuar tretman mjeksëor. I dyshuari është arrestuar dhe me vendim të prokurorit pas intervisitimit dërgohet në mbajtje.” thuhet në njoftim./UBTNews

Continue Reading

Lajmet

Prishtinë: Arrestohet i dyshuari për rast dhune në familje

Published

23 minutes ago

on

October 20, 2025

By

Policia e Kosovës ka ndërhyrë pas një raportimi për dhunë në familje në Prishtinë, ku një mashkull kosovar dyshohet se ka sulmuar fizikisht viktimën, një femër kosovare.

I dyshuari është arrestuar nga njësiti policor dhe pas intervistimit, me vendim të prokurorit, është liruar në procedurë të rregullt.

“Është raportuar se i dyshuari mashkull kosovar e ka sulmuar viktimën femër kosovare. I dyshuari është arrestuar dhe pas intervistimit me vendim të prokurorit lirohet në procedurë të rregullt.” thuhet në raport./UBTNews

Continue Reading

Lajmet

Arrestohet një person në Lipjan nën dyshimin për sulm seksual

Published

26 minutes ago

on

October 20, 2025

By

Policia e Kosovës ka arrestuar një person të dyshuar në Lipjan, pasi dyshohet se ka kryer veprën penale të sulmit seksual ndaj një viktime femër kosovare.

Sipas njoftimit zyrtar, me vendim të prokurorit, ai është dërguar në mbajtje për procedura të mëtejshme hetimore.

“Lidhur me rastin është arrestuar i dyshuari mashkull kosovar pasi i njëjti dyshohet se ka kryer veprën e lartcekur ndaj viktimës femër kosovare. Me vendim të prokurorit i dyshuari dërgohet në mbajtje.” thuhet në njoftim nga Policia e Kosovës.

Autoritetet nuk kanë dhënë më shumë detaje rreth rastit, për shkak të ndjeshmërisë së hetimeve dhe mbrojtjes së identitetit të viktimës./UBTNews

Continue Reading

Lajmet

Shqiptohen rreth 2 mijë gjoba trafiku brenda 24 orëve të fundit në Kosovë

Published

32 minutes ago

on

October 20, 2025

By

Policia e Kosovës ka shqiptuar 1896 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 36 aksidente trafiku me dëme materiale, 25 aksidente trafiku kanë përfunduar me të lënduar.

Policia e Kosovës ka arrestuar 14 persona, 12 janë dërguar në mbajtje, 1 person është në vuajtje të dënimit/S.K/KP/

Continue Reading

Të kërkuara