

Lajmet
Rusia kritikon SHBA-në për furnizimin e Ukrainës me uranium të varfëruar
Shtetet e Bashkuara njoftuan për ndihmën e re për Ukrainën që do të jetë në vlerë prej mbi 1 miliard dollarësh.
Published
2 years agoon
By
Betim GashiMunicionet për tanke me uranium të varfëruar për Ukrainën “janë shenjë e qartë çnjerëzore” e Shteteve të Bashkuara, tha Ambasada ruse në Uashington.
Shtetet e Bashkuara njoftuan për ndihmën e re për Ukrainën që do të jetë në vlerë prej mbi 1 miliard dollarësh. Në këtë pako do të përfshihet edhe ky lloj municioni.
Predhat 120-milimetërshe për tanket M1 Abrams pritet të dërgohen në Ukrainë para fundit të vitit 2023.
Vendimi i Shteteve të Bashkuara “qartësisht është shenjë çnjerëzore”, tha Ambasada ruse përmes një postimi në Telegram.
“Uashingtoni, i obsesionuar me idenë që të shkaktojë ‘mposhtje strategjike’ të Rusisë, është i gatshëm të luftojë jo vetëm deri në ukrainasin e fundit, por edhe të damkosë brezin e ardhshëm”, tha ambasada.
Municionet me uranium të varfëruar janë kontroverse për shkak se ato lidhen me probleme shëndetësore sikurse me kancer dhe me defekte të lindjes në zonat ku janë përdorur në konfliktet në të kaluarën, megjithëse nuk është dëshmuar në mënyrë definitive se këto lloje municionesh kanë shkaktuar probleme të tilla.
“SHBA qëllimshëm po transferon armë që kanë efekte pa dallim”, tha Ambasada ruse. “Ajo është plotësisht e vetëdijshme për pasojat: shpërthimet e municioneve të tilla rezultojnë në formimin e reve lëvizëse radioaktive”.
Ky lloj municioni është pjesë e pajisjeve ushtarake për Kievin në vlerë prej 175 milionë dollarësh që do të merret nga stoqet amerikane.
Departamenti amerikan i Shtetit tha se përveç pakos ushtarake, Kievit do t’i jepen edhe 100 milionë dollarë në formë grantesh që do t’i lejojnë Ukrainës të blejë armë dhe pajisje.
“Ne do të vazhdojmë të qëndrojmë me Ukrainën”, tha sekretari amerikan i Shtetit, Antony Blinken, gjatë një konference për media me kryediplomatin ukrainas, Dmytro Kuleba, në Kiev.
Blinken më 6 shtator qëndroi në Kiev në një vizitë të paparalajmëruar. DASH-i tha se vizita kishte për qëllim të demonstronte “përkushtimin e palëkundur të SHBA-së për sovranitetin, integritetin territorial të Ukrainës dhe demokracinë, veçmas në dritë të agresionit të Rusisë”.
Ukraina tre muaj më parë ka nisur një kundërofensivë të madhe kundër forcave ruse dhe shpreson që kjo ofensivë do të jetë vendimtare për të ndryshuar momentumin në luftë.
Blinken tha se ndihma e re ushtarake do të forcohet nga dërgimi i tankeve Abrams – të prodhimit amerikan – që do të dërgohen në Ukrainë në vjeshtë, por edhe nga trajnimi i pilotëve ukrainas për përdorimin e avionëve F-16.
Përveç ndihmës ushtarake, Blinken po ashtu njoftoi për një pako prej 805 milionë dollarësh, ku përfshihen 300 milionë për sundimin e ligjit, 206 milionë ndihmë humanitare, 203 milionë për luftimin e korrupsionit dhe 90.5 milionë dollarë për largimin e minave./REL
Lajmet
Presidenti i Letonisë: BE-ja duhet t’ia heq masat Kosovës
Published
11 hours agoon
March 20, 2025By
UBTNews
Presidenti letonez, Edgars Rinkevics tha se Bashkimi Evropian duhet t’i heq sa më shpejtë masat ndaj Kosovës. Megjithatë, ai u shpreh më skeptik se Kosovës do t’i jepet statusi i vendit kandidat për anëtarësim në BE në fund të këtij viti.
Edgars Rinkevics foli në një konferencë për media bashkë me presidenten e Kosovës, Vjosa Osmani, pas një takimi gjatë vizitës së tij zyrtare në Prishtinë.
Osmani tha se është koha e fundit që të hiqen masat e padrejta të Bashkimit Evropian ndaj Kosovës.
“Është koha që të largohen masat e padrejta që Bashkimi Evropian i ka akoma në fuqi ndaj Kosovës, po ashtu sa më shpejtë që të gjendet metoda dhe mënyra për statusin e vendit kandidat për Republikën tonë”, deklaroi Osmani.
Një gjë të tillë e kërkoi edhe presidenti letonez, Edgars Rinkevics, i cili tha se Bashkimi Evropian duhet t’i heq sa më shpejtë masat ndaj Kosovës.
Megjithatë, ai u shpreh më skeptik se Kosovës do t’i jepet statusi i vendit kandidat për anëtarësim në Bashkimin Evropian në fund të vitit 2025.
“Qëndrimi i vendit tim është Bashkimi Evropian duhet t’i heq masat kufizuese. Qëndrimi i Letonisë është shumë i qartë. Mendojmë se duhet të largohen masat ndëshkuese dhe për këtë avokojmë në Bashkimin Evropian dhe të do të vazhdojmë të bëjmë këtë. Bindja ime është sesa më shpejt që do të ndodh kjo aq më mirë do të jetë. Nëse i heqim masat kufizuese atëherë do të shohim sesi do të shkojmë edhe me masa të tjera por nuk mund t’iu premtoj se statusi i vendit kandidat mund të jepet deri në fund të vitit”, theksoi ai.
Draft-statuti i Asociacionit të komunave me shumicë serbe i propozuar nga Bashkimi Evropian nuk do të kalonte assesi testin e Gjykatës Kushtetuese, tha të enjten presidentja e Kosovës, Vjosa Osmani.
Osmani pas takimit me presidentin e Letonisë, Edgars Rinkevics, tha se këtë qëndrim ia ka adresuar edhe emisarit të BE-së për dialogun Kosovë-Serbi, Peter Sorensen gjatë vizitës së tij në Kosovë.
E para e vendit, u shpreh optimiste se lidershipi i ri i BE-së do të jetë më i balancuar në procesin e dialogut, pasi tha se dialogu deri tani s’është trajtuar në përputhje me parimin e barazisë nga ish-ndërmjetësit e kaluar.
“Personalisht besoj se nuk është në përputhje me Kushtetutën e Kosovës, po ashtu nuk është në përputhje as me normat dhe standardet e Bashkimi Evropiane e vlerat e Këshillit të Evropës. Po ashtu nuk është në përputhje me vendimin e Gjykatës Kushtetuese të vitit 2015 dhe një draft-statut i tillë që bie ndesh në këto të tria s’ka sesi të hyjë në fuqi dhe nuk besoj se do të kalonte çfarëdo testi në Gjykatën Kushtetuese. Gjatë këtyre viteve të fundit Kosova absolutisht s’është trajtuar në përputhje me parimin e barazisë. Ka qenë proces i njëanshëm i cili ka dëmtuar edhe vet kredibilitetin e vet procesit. Tani me lidershipin e ri të BE-së shpresojmë që ky balanc të rikthehet në tavolinë”, tha ajo.
Në lidhje me dialogun Kosovë-Serbi foli edhe presidenti i Letonisë, Edgars Rinkevics, i cili tha se duhet të vendosen parakushte të mira për vazhdimin e dialogut në mënyrë që të jepen rezultate të prekshme.
“Dialogu është një gjë e ndërlikuar dhe ndjeshme. Ka pasur shpresa të larta dhe disa momente për të cilat pendohemi. Tani për tani duhet të vazhdojmë dialogun, kemi përfaqësuesin e ri të lartë dhe diskutuam vizitën e emisarit për dialog. Nëse krijohen parakushte të mira për vazhdimin e dialogut në bazë të barazisë dhe parimeve kyçe që të gjitha vendet që duan të bëhen pjesë e BE-së i ndajnë me njëra tjetrën. Atëherë ky dialog do të jepte rezultate të prekshme”, theksoi ai.
Krahas këtyre, presidentja Osmani kërkoi nga Bashkimi Evropian që të ketë një përgjigje ndaj veprimeve destabilizeuse të Serbisë në rajon.
“Është me rëndësi që BE-ja të ketë një përgjigje të qartë ndaj veprimeve të tilla që synojnë rajonin të kthejnë drejt së kaluarës dhe konflikteve. Kosova ka bërë çmos që të kontribuoj në stabilitetin rajonal, përkundër faktit se dy viteve të fundit kemi pasur sulme të agresionit nga Serbia në veri të vendit tonë me synimin e qartë që të aneksohet territori ynë sipas modelit rus të aneksimit”, tha Osmani.
Përkitazi me këtë, Osmani dhe homologu i saj nga Letonia theksuan nevojën edhe për bashkëpunimin në fushën e mbrojtjes
Lajmet
Bastisjet në Ministrinë e Bujqësisë, prokuroria jep detajet
Published
12 hours agoon
March 20, 2025By
UBTnews
Prokuroria Speciale e Kosovës ka konfirmuar bastisjet e sotme në Ministrisë së Bujqësisë, Pylltarisë dhe Zhvillimit Rural, lidhur me renovimin e objektit që e shfrytëzonte AAK-ja, tani nën menaxhimin e ministrisë.
Në deklaratë thuhet se kjo është bërë me qëllim të verifikimit të pretendimeve apo dyshimeve të ngritura në opinionin publik për veprimet e disa zyrtarëve publikë të Ministrisë së Bujqësisë lidhur me renovimin e objektit që e shfrytëzonte AAK-ja, tani nën menaxhimin e ministrisë.
Prokuroria Speciale ka autorizuar Policinë e Kosovës, respektivisht Drejtorinë e Hetimit të Krimeve Ekonomike dhe Korrupsionit (DHKEK) në Prishtinë, që të kryejë veprime hetimore në mbledhjen dhe sigurimin e provave për sqarimin e rrethanave të çështjes.
Zyrtarët publikë të Ministrisë së Bujqësisë dyshohen se me veprimet e tyre kanë kryer veprat penale keqpërdorim i pozitës zyrtare, keqpërdorimi dhe mashtrimi në prokurim publik dhe falsifikimi i dokumenteve, thuhet në komunikatë.
Kujtojmë, një veturë me disa zyrtarë policorë, të cilët mbanin disa dokumente, janë parë sot duke dalë nga objekti i Ministrisë së Bujqësisë, ndërkohë që prokuroria nuk ka treguar se kush janë të dyshuarit.
Lajmet
Spiropali në Konferencën e Kryetarëve në KiE: Kosova të pranohet në Këshillin e Evropës
Published
12 hours agoon
March 20, 2025By
UBTnews
Kryetarja e Kuvendit, Elisa Spiropali mori pjesë sot në Konferencën e Kryetarëve të Parlamenteve të vendeve anëtare të Këshillit të Evropës, e cila zhvillohet në datat 20-21 mars në Strasburg.
Paralajmërimi i Bashës për ata që do guxojnë të prekin zgjedhjet: SPAK do t’i godasë pa mëshirë.
Gjatë fjalimit të saj Spiropali theksoi rëndësinë e forcimit të demokracisë në Shqipëri dhe përparimin e vendit drejt integrimit në Bashkimin Evropian.
Ajo theksoi se Shqipëria ka bërë përparime të mëdha në procesin e integrimit me Bashkimin Europian. Sipas kryeparlamentares, Shqipëria është lider në nxitjen e bashkëpunimit rajonal dhe integrimin europian të vendeve të rajonit.
Gjatë fjalimit të saj, Spiropali u ndal edhe te Kosova, ku nënvizoi se Këshilli i Evropës nuk është i plotë me mungesën e shtetit më të ri të Evropës. Kryetarja e Kuvendit kërkoi që Kosova të pranohet në Këshillin e Evropës.
Lajmet
Osmani: Drafti i Asociacionit nuk është në përputhje me Kushtetutën
Published
12 hours agoon
March 20, 2025By
UBTnews
Presidentja e Kosovës, Vjosa Osmani, ka thënë se draft-statuti i Asociacionit të komunave me shumicë serbe, i hartuar nga Bashkimi Evropian nuk është në përputhje me Kushtetutën e Kosovës.
Ajo tha se i njëjti ka probleme të shumta të cilat ia kanë adresuar edhe emisarit të ri të BE-së për dialogun, Peter Sorensen, në takimin e mbajtur në fillim të kësaj jave.
Osmani theksoi se presin nga lidershipi i ri i BE-së të marrë parasysh kërkesat e Kosovës.
Këto komente, Osmani i bëri në konferencë për media pas takimit me presidentin e Letonisë, Edgars Rinkevics.

Profesorët e UBT-së në programin ERASMUS+ në Romanian American University

Zelensky në Oslo: Të gjitha plantacionet bërthamore i takojnë popullit të Ukrainës

Presidenti i Letonisë: BE-ja duhet t’ia heq masat Kosovës

Bastisjet në Ministrinë e Bujqësisë, prokuroria jep detajet

Spiropali në Konferencën e Kryetarëve në KiE: Kosova të pranohet në Këshillin e Evropës

Kryeministri kroat: Mungesë stabiliteti në Ballkan, BE duhet t’i kushtojë vëmendje

Gjermania rihap ambasadën e saj në Siri pas mbylljes 13-vjeçare

Osmani: Drafti i Asociacionit nuk është në përputhje me Kushtetutën

Prokuroria kërkon paraburgim për tetë persona të arrestuar në aksionin e regjionit të Mitrovicës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë