Lajmet

Rusia kalon Arabinë Saudite si furnizuesi kryesor i Kinës me naftë

Kjo pasi Kina bleu naftën e sanksionuar me zbritje të madhe.

Publikuar

Rusia ka kaluar Arabinë Saudite si furnizuesi kryesor i Kinës me naftë në dy muajt e parë të vitit 2023, sipas të dhënave të qeverisë kineze, pasi blerësit blenë naftën e sanksionuar ruse me zbritje të mëdha.

Mbërritjet nga Rusia arritën në 15.68 milionë tonë në periudhën janar-shkurt, ose 1.94 milionë fuçi në ditë (bpd), 23.8 për qind më shumë nga 1.57 milionë fuçi në ditë në periudhën korresponduese të vitit 2022, treguan të hënën të dhënat nga Administrata e Përgjithshme e Doganave.

Rusia ishte furnizuesi i dytë më i madh i naftës së papërpunuar të Kinës vitin e kaluar, duke transportuar 86.2 milionë tonë.

Importet e naftës së papërpunuar saudite arritën në 13.92 milion ton në periudhën dymujore, ekuivalente me 1.72 milion bpd, nga 1.81 milion bpd një vit më parë.

Arabia Saudite ishte furnizuesi kryesor i Kinës në vitin 2022, duke shitur 87.49 milionë tonë naftë të papërpunuar gjatë vitit, ekuivalente me 1.75 milionë fuçi në ditë./UBTNews/

Lajmet

Dy pika të derivateve në Zveçan dhe Leposaviq mbyllen përkohësisht nga inspektorati

Publikuar

nga

Dy pika të derivateve në Zveçan dhe Leposaviq janë mbyllur përkohësisht nga Inspektorati Qendror i Mbikëqyrjes së Tregut, pas konstatimit të operimit pa leje të shitjes me pakicë të derivateve të naftës.

Ky noftim ka ardhur nga ministria e Ndwrmarrwsisw, Tregtisw dhe Industrisw duke thwnw se ky aksion është realizuar me sukses nga Inspektorati Qendror i Mbikëqyrjes së Tregut, në bashkëpunim të ngushtë me Policinë e Kosovës, Doganën e Kosovës, Administratën Tatimore të Kosovës dhe Agjencinë Kosovare të Privatizimit.

“Verifikimi i dokumentacionit përkatës ishte në qendër të këtij operacioni, duke siguruar që çdo operator ekonomik të respektojë rregullat dhe ligjet në fuqi. Kujdes! Të gjitha subjektet që merren me tregtinë e produkteve të naftës dhe të karburanteve të ripërtërishme, duhet të pajisen me leje të vlefshme nga Ministria e Industrisë, Ndërmarrësiaë dhe Tregtisë, për zhvillimin e veprimtarisë së tyre brenda territorit të Republikës së Kosovës. Ndaj atyre që operojnë në kundërshtim me ligjin, do të merren masa ndëshkuese strikte sipas legjislacionit në fuqi. Inspektorati Qendror i Mbikëqyrjes së Tregut do të vazhdojë me kontrollet edhe në ditët në vijim”, pwrfundon njoftimi.

Vazhdo të lexosh

Lajmet

Një muaj paraburgim për të arrestuarit që dyshohet se e ndihmuan Faton Hajrizin të arratisej nga burgu

Publikuar

nga

Dy personave që dyshohet se e ndihmuan Faton Hajrizin të arratisej nga burgu, u është caktuar masa e paraburgimit prej një muaji.

Kështu ka bërë të ditur Gjykata Themlore Mitrovicë – Dega në Vushtrri.

“Gjykata Themelore në Mitrovicë – Dega në Vushtrri, Departamenti i Përgjithshëm, Divizioni Penal, ka vendosur lidhur me kërkesën e Prokurorisë Themelore në Mitrovicë, për caktimin e masës së paraburgimit kundër të pandehurëve H.XH dhe E.B, për shkak të dyshimit të bazuar se kanë kryer veprën penale “Dhënia e ndihmës kryesve pas kryerjes së veprave penale” nga neni 380 par.1 të Kodit Penal të Republikës së Kosovës. Gjyqtari i procedurës paraprake e ka aprovuar kërkesën e Prokurorisë Themelore në Mitrovicë për caktimin e masës së paraburgimit kundër të pandehurëve H.XH dhe E.B dhe të njëjtëve i’u është caktuar masa e paraburgimit në kohëzgjatje prej një (1) muaji. Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore Mitrovicë – Dega në Vushtrri”, thuhet në njoftim

Vazhdo të lexosh

Lajmet

UBT – lider i arsimit privat në Kosovë dhe rajon për nga renditja në Webometrics

Publikuar

nga

UBT është renditur sërish institucioni i parë i arsimit të lartë privat në rangimin e fundit të universiteteve sipas numrit të citimeve të publikimeve të stafit, bazuar në profilet e tyre në “Google Scholar” nga platforma “Webometrics“. Ky sukses dëshmon angazhimin e vazhdueshëm të UBT-së për të promovuar cilësinë akademike dhe kërkimore në Kosovë dhe më gjerë.

Në këtë ranglistë, UBT renditet menjëherë pas Universitetit të Prishtinës (UP) për nga numri i citimeve të publikimeve të stafit akademik. Ky është një rezultat i jashtëzakonshëm që konfirmon pozitën udhëheqëse të UBT-së në sektorin privat të arsimit të lartë. Në periudhën janar – korrik 2024, UBT ka shënuar një rritje të konsiderueshme prej 1465 citimesh.

Ky rezultat është një dëshmi e përkushtimit të stafit akademik të UBT-së ndaj kërkimit shkencor dhe publikimeve cilësore. Citimet janë një tregues i rëndësishëm i ndikimit të punës kërkimore, dhe rritja e numrit të citimeve reflekton cilësinë dhe rëndësinë e punimeve të publikuara nga akademikët e UBT-së.

Platforma “Webometrics”, e cila është një projekt i Cybermetrics Lab, pjesë e Këshillit Kombëtar Kërkimor të Spanjës, ofron një vlerësim të gjerë të institucioneve të arsimit të lartë në mbarë botën, duke përdorur një sërë kriteresh, përfshirë numrin e citimeve në “Google Scholar”. Modeli i ndjekur për kategorinë e transparencës bazohet në mbledhjen e citimeve nga 310 profilet publike të autorëve më të cituar, duke përjashtuar 20 të parët. Kjo metodë siguron një përfaqësim të drejtë dhe të balancuar të ndikimit akademik të institucioneve të ndryshme.

UBT vazhdon të investojë në zhvillimin e kapaciteteve kërkimore dhe në mbështetjen e stafit akademik për të publikuar punime shkencore në revista të njohura ndërkombëtare.

UBT mbetet e përkushtuar për të avancuar më tej në renditjen ndërkombëtare dhe për të përmirësuar cilësinë e arsimit dhe kërkimit në Kosovë dhe rajon. Me angazhimin e vazhdueshëm të stafit dhe studentëve, UBT synon të vazhdojë të jetë një qendër ekselence akademike dhe kërkimore, duke kontribuar në zhvillimin e shoqërisë dhe ekonomisë së Kosovës dhe më gjerë./UBTNews/

Vazhdo të lexosh

Lajmet

Delegacioni i mjekëve nga Turqia do të kryejë 50 operacione për fëmijët kosovarë

Publikuar

nga

Një delegacion i mjekëve dhe stafit tjetër përcjellës nga Turqia, do të realizojë 50 operacione të fëmijëve në fushën e Kirurgjisë Plastike dhe Kirurgjisë Maksilofaciale që kanë lindur me probleme në buzë dhe hundë, mision ky që po realizohet në kuadër të Shoqatës “Interplast” nga Turqia.

Me këtë rast, për t’i dëshiruar mirëseardhje delegacionit nga Turqia, prezentë ishte Ministri i Shëndetësisë, Arben Vitia, Ministri i Zhvillimit Rural, Fikret Damko, Ambasadori i Turqisë në Kosovë, Sabri Tunç Angılı dhe përfaqësues të Organizatës TIK-a, që poashtu, përkrahen projektin.

Ministri i Shëndetësisë, Arben Vitia, falënderoj shtetin turk për investimet e deritanishme dhe bashkëpunimin e ofruar.

“Ne si shtetet kemi kaluar fazën emergjente me donacione dhe investime, populli mik na ka ndihmuar, kemi nevojë për ekspertizën e jashtëzakonshme nga shteti mik, prandaj, prania e profesorit dhe profesionistëve nga Turqia do të ndihmojë 50 pacientë. Ajo që më gëzon është se do kemi mundësi edhe të edukojmë stafin dhe të zhvillohemi profesionalisht. Ky ishte hapi i parë i një bashkëpunimi që do vazhdojmë me Kirurgji Maksilofaciale dhe Kirurgji Plastike”, theksoi Vitia.

Ambasadori turk në Kosovë, Sabri Tunç Angılı, mes tjerash potencoi se Kosova ka nevojë për përvojën e mjekëve nga Turqia të cilët kanë numër më të madh të pacientëve dhe më shumë eksperiencë.

“Kosovën e shohim si vend mik dhe vëlla, ne mendojmë se është e natyrshme vëllazëria dhe të ndihmojmë njëri-tjetrin. Dua të falënderoj TIK-a, për realizimin e këtij projekti, por edhe ministrin Fikret Damka, që ka realizuar ndihmuar këtë projekt”, përfundoi ambasadori Sabri Tunç Angılı.

Ministri i Zhvillimit Rural, Fikret Damka, i cili vjen nga komuniteti turk, e që ka ndihmuar në realizmin e këtij projekti, tha se lidhjen ndërmjet Kosovës dhe Turqisë dhe përkrahjen po mundohen të forcojnë edhe në fushën e shëndetësisë.

“Ne e kemi dizajnuar me kohë këtë ide, i falënderojmë që na ndihmuar po mundohemi që lidhjen e urës ta forcojmë dhe të bëjmë këtë edhe në shëndetësi, ku ndarja e përvojës është me rëndësi”, tha z. Damka.

Profesori nga Turqia, Metin Yavuz, kirurg plastik dhe rekonstruktiv, tha se kanë kemi vlerësuar pacientët tek të cilët do kryejnë intervenime dhe kanë marrë vendimet.

“Do të kryejmë operacione tek të porsalindurit me probleme në buzë dhe hundë, këto raste nëse nuk kryhen deri 18 muaj shfaqen probleme që nuk mund të kryhen më vonë. Kemi planifikuar të kryejmë 20 operacione, por pas vizitave dhe kontrolleve do të kryejmë deri në 50 intervenime, përfshirë ato me anestezion lokal dhe të përgjithshëm”, u shpreh ai./UBTNews/

Vazhdo të lexosh

Të kërkuara