Lajmet

RTK-së për tre muaj i ndahen 2.8 milionë € – përplasen Lekaj e Rrahmani: Jeni ende praktikant

Published

on

Komisioni për Buxhet, Punë dhe Transfere nuk e ka miratuar raportin e shpenzimeve të RTK-së për periudhën prill-qershor 2021.

Mirëpo anëtarët e kanë miratuar kërkesën e RTK-së për ndarjen buxhetore prej 2 milionë e 800 mijë euro për tre mujorin e tretë.

Pyetjet e deputetëve të VV-së kanë sjellë debat të ashpër, e për këtë ka reaguar deputeti i AAK-së Pal Lekaj.

Lekaj i’u është drejtuar deputetëve të pozitës se pyetjet e tyre janë të përsëritura dhe nuk kanë të bëjnë me raportin tre mujor.

Mirëpo deputeti i VV-së Eman Rrahmani i’u është drejtuar deputetit Lekaj se nuk e ka lexuar mirë raportin.

Ndërsa në kundërpërgjigje Lekaj i tha Rrahmani se ai është ende praktikant.

“Unë e kam të pa qartë a kemi të bëjmë me raport vjetor që po i shtroni këto pyetje apo me raport tre mujor, dhe nuk po shoh ndonjë pyetje që ka të bëjë me shpenzuesmërinë e parasë publike. Ti nuk je 24 orë me mu dhe nuk e dinë a e kam lexu raportin je ende praktikant, mos fol pa lidhje”.

Derisa ka vazhduar raportimi, Drejtori i RTK-së Ngadhnjim Kastrati ka folur për veturat me qera të cilat janë në shfrytëzim nga stafi i RTK-së. Kastrati tha kontrata është pesë vjeçare derisa tenderi ka qenë publik.

E borxhi ndaj ARKEP-it nuk është paguar që shtatë vite, e Kastrati thotë se janë duke bërë një marrëveshje me ta për ta paguar me këste. Ai theksoi se marketingu është plotësuar aq sa ka qenë i planifikuar.

Mirëpo, për kontratën e makinave ai tha se e ka gjetur, por që e ka quajtur pyetje sugjestive se a do ta kishte nënshkruar të njëjtën kontratë.

“Jemi munduar që të paraqesim të gjitha ato që janë dërguar në këtë raport mundet me pas ndonjë gabim, por jemi të gatshëm që ta për përmirësojmë. Gjatë tre mujorit të dytë ka qenë kampionati Evropian edhe marketingu sa është planifikuar është përmbushur”.

“Over-drafti ka qenë i miratuar nga bordi i RTK-së dhe arsyet pse e kemi marr kanë qenë për shkak të borxheve, e kemi ngjarjen më të madhe që është Olimpiada pasi që na kanë dërguar online kërkesën për pagesën për çështje teknike. Autmojetet me qera kontrata është pesë vjeçare”.

“Është pyetje sugjestive se a e kisha nënshkruar këtë kontratë, unë mendoj që nuk është kontratë e keqe për shkak se të gjitha institucionet i kanë veturat me qera, tenderi ka qenë publik, vlera ka qenë e parashikuar. Jemi taku me zyrtarët e ARKEP dhe jemi duke e bërë një marrëveshje për me paguar borxhin me këste”.

Kastrati tha se janë paguar të gjitha kontributet ndaj punëtorëve. Ai shtoi se shumicën e lëndëve i ka fituar RTK-ja.

“E them me përgjegjësi të plotë që janë paguar të gjitha kontributet deri tash. Sa i përket cështjeve gjyqësor përmbarues, sigurisht që ka pasur lëndë për të cilat janë lëndë të cilat i ka fituar RTK dhe në bazë të asaj që kam informata nuk është se rrezikohemi prej ndonjë lënde, ndërsa numrit të punëtorëve RTK prej vitit në vit është duke ulur numrin e punëtorëve, RTK ka ligjin e vet këta me kontrata dhe shërbime e kanë të rregulluar me ligjin e punës, momentin që bëhet Bordi dhe e ndryshojnë rregulloren ne punojmë sipas asaj rregullore”.

Deputeti i VV-së Visar Korenica ka kërkuar nga përfaqësuesit e RTK-së që raportin ta elaborojnë më në detaje.

“Po mendoj që kjo hyrje e juaj në mungesë të informatave është e rëndësishme që ju me i shpaloj komplet programet dhe shpenzimet e anë ndodhur në tre mujorin që keni ardh me raportuar, kjo hyrje e thjeshtë mu nuk më bindë për përgjegjësinë që e keni si drejtor. Pjesa e automjeteve me qera kur përfundon kjo dhe sa ka me zgjat”.

Kryesuesi i Komisionit, Armend Muja tha se shumica e borxheve të RTK-së janë ndaj institucioneve publike, e që shuma e tyre është afër 2 milionë.

“Të pa paguara dhe për një veturë Pegeuot, RTK-ja për pesë vjet paguaj 30 mijë euro, ku me kosto të përgjysmë ishte marr për ta blerë krejt. I keni afër 2 milionë euro fatura të pa paguara. KPM-së i kemi obligim prej 180 mijë euro”.

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara