Bota

RSF: 54 gazetarë të vrarë këtë vit, një e treta e tyre në Gaza

Published

on

Të paktën 54 gazetarë janë vrarë në mbarë botën gjatë vitit 2024 për shkak të punës së tyre, me një të tretën e këtyre viktimave të regjistruara në Rripin e Gazës, sipas raportit vjetor të Reporterëve pa Kufij (RSF).

Numri i gazetarëve të vrarë deri në fund të nëntorit është i njëjtë me atë të vitit të kaluar, deklaroi RSF-ja. Organizata theksoi se shifrat shpesh përditësohen më vonë, kur zbulohen raste shtesë të gazetarëve të vrarë, duke e bërë të mundur që këto numra të rriten më tej.

Raporti thekson se raportimi nga zonat e konfliktit është bërë veçanërisht i rrezikshëm. Nga 54 gazetarët e vrarë këtë vit, 31 prej tyre humbën jetën në zona lufte, duke shënuar shifrën më të lartë të pesë viteve të fundit.

Rripi i Gazës, ku Izraeli lufton kundër grupeve militante palestineze të udhëhequra nga Hamasi, doli si rajoni më i rrezikshëm për gazetarët. Duke filluar nga fillimi i luftës në tetor, kur militantët e Hamasit ndërmorën një sulm ndaj Izraelit duke vrarë mbi 1,200 persona dhe duke marrë peng rreth 250 të tjerë, deri në fund të nëntorit, më shumë se 145 profesionistë të medias humbën jetën në Gaza. Nga këta, të paktën 35 ishin duke kryer detyrën në momentin kur u vranë.

Raporti i RSF-së pasqyron rreziqet e rritura me të cilat përballen gazetarët në konfliktet globale dhe në vende ku të drejtat e medias janë të kufizuara. Organizata bën thirrje për më shumë masa mbrojtëse ndërkombëtare për gazetarët dhe për ndalimin e pandëshkueshmërisë për krimet kundër tyre.

Gazetarët në vijën e parë të luftës vazhdojnë të mbajnë barrën e madhe të raportimit të së vërtetës, shpesh me koston e jetës së tyre./UBTNews/

Bota

Bayrou niset t’ia dorëzojë dorëheqjen Macronit

Published

on

By

Kryeministri i rrëzuar i Francës, François Bayrou, raportohet është nisur drejt Pallatit Elysee për t’ia dorëzuar dorëheqjen presidentit Emmanuel Macron.

Ai dështoi të sigurojë votëbesimin në Parlament të hënën, të cilin e kishte kërkuar vetë, pasi propozimet e tij për shkurtime buxhetore ngjallën pakënaqësi të mëdha.

Qeveria e Bayrou u rrëzua me 364 vota kundër dhe 194 pro, duke shkaktuar një tjetër krizë politike në Francë. Tani, presidenti Macron detyrohet për të katërtën herë brenda një viti të emërojë një kryeministër të ri, në një situatë të rënduar nga polarizimi politik dhe mungesa e një shumice të qëndrueshme në Asamblenë Kombëtare./D.B/EO

Continue Reading

Bota

Finlanda: Koncesionet territoriale ndaj Rusisë nuk do të sjellin paqe

Published

on

By

Finlanda hodhi poshtë të martën çdo koncesion territorial ndaj Rusisë si pjesë e një marrëveshjeje diplomatike për Ukrainën dhe paralajmëroi se veprime të tilla nuk do të sjellin paqe, por përkundrazi do të inkurajojnë “agresionin” e mëtejshëm rus në rajon, shkruan Anadolu.

Ministrja finlandeze e Jashtme, Elina Valtonen, tha në një konferencë vjetore të ambasadorëve në Berlin se sulmet ajrore të fundit të Rusisë mbi Ukrainën – më të ashpra që nga fillimi i luftës – tregojnë qartë se Rusia nuk është gati për një armëpushim, e lëre më për negociata.

Nëse gjatë negociatave do të sakrifikoheshin pjesë të territorit ukrainas ose elemente të sovranitetit të saj, nuk do të zgjidhnim problemin thelbësor, por përkundrazi potencialisht do të thellonim agresionin e Rusisë”, paralajmëroi ministrja.

Presidenti rus Putin po zhvillon luftë hibride në të gjithë Evropën – duke ndikuar në zgjedhje, duke ndërprerë sistemet GPS për trafikun ajror, dhe duke vendosur një flotë të errët në rajonin e Detit Baltik. Problemi me Putin nuk mund të zgjidhet në kurriz të Ukrainës”, shtoi ajo.

Valtonen argumentoi se shtetet perëndimore duhet të ruajnë mbështetjen e fortë për Ukrainën, të kufizojnë strategjikisht ambiciet e Rusisë dhe të ngushtojnë opsionet e Moskës duke vendosur sanksione më të rrepta tregtare dhe ekonomike dhe duke aplikuar takse mbi të gjitha eksportet ruse në tregun e brendshëm të BE-së./D.B/KP

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

on

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Bota

Humbin jetën të paktën 8 persona pasi Treni përplaset me autobusin në Meksikë

Published

on

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Continue Reading

Të kërkuara