UBT, institucioni më prestigjioz i arsimit të lartë në rajon, ka nisur kampanjën e veçantë informimi dhe thirrjeje për të rinjtë shqiptarë nga të gjitha qytetet e Shqipërisë, për të studiuar në Kosovë.

UBT është vlerësuar si një nga modelet më të suksesshme të arsimit inovativ në Ballkanin Perëndimor, me qasje moderne ndaj teknologjisë, shkencës dhe zhvillimit profesional të studentëve. Me mbi 15,000 studentë aktivë, 1,500 staf akademik e administrativ, 300 laboratorë funksionalë, dhe mbi 500 marrëveshje ndërkombëtare bashkëpunimi, UBT ofron kushte optimale për studim dhe karrierë të suksesshme.

Në qendër të filozofisë zhvillimore të këtij institucioni është koncepti i UBT Smart City, një ekosistem në rajon që ndërthur jetën akademike me teknologjinë, kërkimin shkencor, inovacionin dhe sipërmarrjen.

UBT fton të rinjtë nga Tirana, Shkodra, Durrësi, Vlora, Korça, Gjirokastra, Elbasani, Saranda e të gjitha trevat e Shqipërisë, që të bëhen pjesë e një komuniteti studentor ndërkombëtar, ku vlerësohet dija, praktika dhe puna e mirëfilltë shkencore.

UBT është vendi ku e ardhmja fillon sot, ku të rinjtë marrin edukim cilësor dhe përgatiten për tregun global të punës, në fusha si inteligjenca artificiale, teknologjia informative, inxhinieria, mjekësia, menaxhimi, dizajni, siguria kibernetike dhe shumë të tjera.

UBT garanton standarde evropiane në arsim, diploma të njohura ndërkombëtarisht dhe mundësi të shumta për shkëmbime akademike dhe profesionale në Evropë, ShBA dhe më gjerë.

Në kuadër të konferencës prestigjoze Austrian Robotics Workshop, zhvilluar në FH Salzburg të Austrisë, stafi i UBT-së: Ylli Rexhaj dhe Roni Kasemi prezantuan punimin e tyre inovativ me titull “DOPS – Drone Optimized Performance Score for Evaluating Real-Time Tomato Ripeness Detection”.

Ky punim sjell një qasje të re dhe të avancuar për monitorimin e pjekurisë së domates përmes përdorimit të dronëve të pajisur me sensore të avancuar dhe algoritme inteligjence artificiale.

Konferenca, që mbledh ekspertë dhe profesionistë nga fusha të ndryshme të robotikës, automatizimit dhe inteligjencës artificiale, ofron mundësinë që punimet më të fundit shkencore të ndahen dhe diskutojnë me një audiencë ndërkombëtare.

Punimi i Rexhajt dhe Kasemit është një hap përpara në përdorimin e teknologjisë për përmirësimin e efikasitetit të bujqësisë dhe ofron një zgjidhje praktike për monitorimin në kohë reale të pjekurisë së domates, duke ndihmuar fermerët të përmirësojnë cilësinë dhe rendimentin e prodhimeve të tyre.

Kemi kënaqësinë t’ju ftojmë të merrni pjesë në Koncertin e organizuar nga Fakulteti Muzikë Moderne, Prodhimi Digjital dhe Menaxhment në UBT.

Koncerti udhëhiqet nga klasa e Prof. Adelina Thaqi, bashkë me studentët Eda Lecaj, Drin Demaj, Blerta Mulolli, Genta Selmani dhe Tringa Makolli.

Kampusi Inovativ i UBT-së në Lipjan po kthehet në epiqendrën e inovacionit, teknologjisë dhe jetës studentore në Kosovë dhe më gjerë. Me një qasje unike multidisiplinare dhe një infrastrukturë moderne, ky kampus ofron një mjedis të pasur për zhvillimin akademik dhe profesional të studentëve nga të gjitha nivelet e arsimit – që nga shkollat fillore e deri në programet pasuniversitare.

Parku Shkencor, Inovativ dhe Teknologjik i UBT-së në Lipjan përfshin mbi 40 laboratorë të specializuar, hapësira bashkëpunuese, qendra kërkimore dhe bibliotekën më të madhe në vend – duke shërbyer si një hapësirë kreative ku idetë marrin jetë dhe studentët sfidohen të mendojnë ndryshe. Ky park është projektuar për të lidhur teorinë me praktikën dhe akademinë me industrinë, duke u ofruar studentëve mundësinë që të angazhohen në projekte reale, start-up-e, kërkime shkencore dhe bashkëpunime ndërkombëtare.

Jeta studentore në këtë kampus është dinamike, e gjallë dhe plot mundësi. Përveç mësimeve, studentët janë të angazhuar në klube inovative, gara ndërkombëtare të teknologjisë, aktivitete kulturore dhe projekte sociale që kontribuojnë në zhvillimin e tyre të gjithanshëm. Partneritetet me mbi 300 institucione ndërkombëtare dhe mundësitë për shkëmbim akademik e bëjnë këtë kampus një portë drejt botës për të rinjtë kosovarë.

Drejtoresha e Kampusit të Lipjanit, Lirigzona Morina, thekson rëndësinë që UBT i jep zhvillimit gjithëpërfshirës të studentëve:

“Ne punojmë çdo ditë për të krijuar një mjedis ku secili student ndjehet i frymëzuar, i mbështetur dhe i sfiduar për të arritur potencialin e tij maksimal. Kjo është një platformë ku formohen liderët e së ardhmes“, thotë Morina.

Përmes këtij angazhimi dhe përkushtimi ndaj cilësisë, UBT jo vetëm që po transformon arsimimin në Kosovë, por edhe po ndërton një kulturë të inovacionit dhe ekselencës që ndikon pozitivisht në të gjithë rajonin.

“Studentët tanë janë inovatorë, krijues dhe kontribues aktivë në zhvillimin e së ardhmes. Misioni ynë është t’u japim atyre mjetet, hapësirën dhe mbështetjen që u nevojitet për të ndërtuar diçka me vlerë“, përfundon Morina./UBTNews/