Beyonce thuhet se ka shpërndarë në heshtje bileta falas për turneun“Cowboy Carter” për familjet me të ardhura të ulëta në Londër, pasi një numër i madh vendesh mbeten të pashitura në Tottenham Hotspur.

Superylli global 43-vjeçar, së cilën e shoqërojnë në skenë vajzat e saj Blue Ivy, 13 vjeçare, dhe Rumi, shtatë vjeçe, ka marrë kritika entuziaste për listën e saj ambicioze prej 40 këngësh, me kritikët që vlerësojnë shkallën e prodhimit dhe performancën e fuqishme të krijueses së hitit “Texas Hold’Em”.

Por, pavarësisht vlerësimeve kritike, asnjë nga gjashtë shfaqjet e saj në Londrën Veriore nuk është shitur plotësisht, duke habitur shumë njerëz marrë parasysh numrin e madh të fansave të saj.

Disa familjeve që mbështeten në mensa për të varfrit e bankat e ushqimit të komunitetit u janë dhënë bileta, organizatorët përpiqen të shmangin sikletin e seksioneve dukshëm të zbrazëta në vendin me kapacitet prej 62,000 vendesh.

Publikimi raporton se që nga nata e së hënës, qindra vende mbetën të lira për koncertin e së martës, me seksione të hapura në më shumë se 70 pjesë të stadiumit. Fansat dhe njerëzit brenda kanë treguar disa arsye për shitjet më të ngadalta. Shumë veta e kanë përmendur koston e biletave si një faktor kryesor.

Kur ato dolën në shitje për herë të parë në shkurt, paketat e nivelit të lartë arritën në 1120 euro – më e larta e çdo turneu në Mbretërinë e Bashkuar këtë vit.

Disa bileta në shitje paraprake që fillimisht kushtonin 730 euro janë ulur që atëherë në vetëm 165 euro.

Zawe Ashton dhe Tom Hiddleston po bëhen përsëri prindër. Aktorja e Broadway-t, 40 vjeç dhe ylli i serialit “Loki”, 44 vjeç, janë në pritje të fëmijës së tyre të dytë, siç ka zbuluar Ashton në një njoftim ekskluziv për Vogue.

Dyshja mori pjesë në premierën britanike të filmit të ri të Tom Hiddleston, “The Life of Chuck”, gjatë festivalit “SXSW” në Londër, ku Zawe shfaqi barkun e rrumbullakosur në tapetin e kuq. Për këtë paraqitje, ajo kishte veshur një fustan elegant në ngjyrë bojëqielli nga Emilia Wickstead.

Çifti, i cili u njoh gjatë bashkëpunimit në shfaqjen “Betrayal” më 2019, mirëpriti fëmijën e të parë në tetor të vitit 2022. Ata e mbajtën të fshehtë marrëdhënien dhe të rralla janë intervistat, Tom, në mars 2022, na tregoi se është i lumtur.

“Jam i lumtur”, tha aktori në një intervistë për Los Angeles Times, disa muaj pasi çifti kishte konfirmuar lidhjen.

Brad Pitt mori pjesë në premierën e filmit të tij të ri “F1” në Mexico City, ku tregoi dukjen e re.

Pitt eci në tapetin e kuq me një kostum vjollcë, dhe modeli i tij i ri i flokëve tërhoqi vëmendje të veçantë, pasi i preu flokët shkurt dhe tregoi mjekrën e tij të thinjur. Me humor të mirë, aktori u shoqërua me fansat, dha autografe dhe bëri selfie.

Shumë fansa në rrjetet sociale e vlerësuan pamjen e tij, duke thënë se dukej më mirë se kurrë. Pitt është ylli kryesor i filmit “F1”, i cili do të dalë në kinema këtë muaj. Në film luajnë gjithashtu Damson Idris, Kerry Condon dhe Javier Bardem.

Është një film dramë sportive me regji nga Joseph Kosinski, me një skenar të shkruar nga Ehren Kruger bazuar në një histori që të dy e shkruan së bashku, e cila përshkruan Kampionatin Botëror të Formula 1.

“Sonny Hayes, i luajtur nga Pitt, një pilot i Formula 1 që garonte në vitet 1990, pësoi aksident që e detyroi të largohej nga Formula e të fillonte të garonte në disiplina tjera. Pronari e miku i ekipit të Formula 1, Ruben, kontaktoi Hayes dhe i kërkoi të dilte nga pensioni për të qenë mentor i Joshua Noah Pearce për ekipin e Apex Grand Prix”, thotë përshkrimi  .

Ylli britanik i muzikës pop, Adele, i ka shkruar letra falënderimi krijuesve të serialit të Netflix “Adolescence”, duke treguar se drama e fuqishme e ka ndryshuar marrëdhënien e saj me djalin 13-vjeçar, Angelo.

Adele, 37 vjeçe, e pa serialin së bashku me Angelo, dhe i dërgoi një letër regjisorit Philip Barantini, duke e vlerësuar për ndikimin që pati në marrëdhënien e tyre.

“Adolescence” trajton historinë e një nxënësi të ri që përballet me pasojat e radikalizimit online dhe është seriali më i shikuar në gjuhën angleze në Netflix pas “Wednesday”, shkruan DailyMail.

Regjisori Barantini tha se ka marrë mesazhe nga njerëz nga bota që janë prekur nga kjo histori, përfshirë edhe një mesazh nga Steven Spielberg. Ai përmendi edhe letrën prekëse të Adeles, e cila e bëri këtë bashkëpunim edhe më domethënës.

Seriali ka ndezur një debat kombëtar dhe kryeministri britanik Sir Keir Starmer e ka rekomanduar për t’u shfaqur në shkolla, duke treguar se e ka parë me fëmijët e tij.

Në aspektin personal, Adele vazhdon jetën e saj pas divorcit nga Simon Konecki dhe është në një lidhje prej vitit 2021 me të fejuarin Rich Paul, me të cilin u shfaq rrallë publikisht vitin e kaluar.