Aktualitet

Rritja e flukseve të turistëve të huaj në Shqipëri, Kumbaro inspekton pikat kufitare

Inspektimet do të vazhdojnë në Kakavijë, në Portin e Durrësit.

Published

2 years ago

May 30, 2023

UBT news

Hapja e sezonit turistik veror ka sjellë rritjen e flukseve të vizitorëve nëpër pikat kufitare. Për këtë arsye, ministrja e Turizmit dhe Mjedisit Mirela Kumbaro ka nisur një tur inspektimesh nëpër këto pika, për të parë nga afër punën për mirëpritjen e vizitorëve dhe evitimin e radhëve në kufi.

E shoqëruar nga drejtori i përgjithshëm i Doganave, Gent Gazheli, ministrja Kumbaro e nisi inspektimin nga pika kufitare e Qafë-Botës në të cilën së fundi janë bërë investime për sa i përket përmirësimit të kushteve të pritjes së vizitorëve që hyjnë në Shqipëri.

Më tej inspektimet do të vazhdojnë në Kakavijë, në Portin e Durrësit duke vazhduar në të gjitha pikat doganore ku janë edhe flukset më të shtuara të hyrjes së turistëve.

“Shifrat praktikisht rezultojnë të jenë shumë më të larta se sa vitin e kaluar. Masat janë marrë që çdo gjë të shkojë në rregull, të ketë një koordinim midis policisë së kufirit, Ministrisë së Turizmit dhe Mjedisit si dhe Drejtorisë së Doganave me qëllim që të mos kemi asnjë lloj episodi të pakëndshëm. Është pjesë e kartvizitës dhe pjesë e mikpritjes së turizmit shqiptar”, theksoi ajo, thuhet në komunikatën e ministrisë.

Drejtori i Përgjithshëm i Doganave, Gent Gazheli u shpreh se nga ana e administratës doganore janë marrë masat e duhura për përballimin e flukseve turistike të cilat pritet të jenë më të larta se vitin që shkoi.

Për vitin 2022, nga pika kufitare e Qafë Botës kanë hyrë 108 mijë vizitorë të huaj. Gjatë muajve janar-prill 2023, në Shqipëri kanë hyrë rreth 1,7 milionë vizitorë të huaj, ose 57% më shumë se e njëjta periudhë e vitit të kaluar.

Aktualitet

Tentimvrasja në Pejë, i dyshuari në arrati

Published

14 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

15 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

15 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.