Lajmet
Rritja e çmimit të energjisë prej 15%, në Prishtinë paralajmërohen protesta
Në 5 prill, në Prishtinë do të mbahet një protestë kundër rritjes së çmimit të energjisë elektrike. Aktivistë dhe qytetarë do të mblidhen në sheshin “Skënderbe” për të kundërshtuar rritjen e tarifave prej 15%. Protesta është organizuar nga grupi “Asnjë cent më shumë”, i formuar nga Luan Hasanaj.
Rritja e çmimit të energjisë është vendosur nga ZRRE dhe do të ndodhë nga 1 prilli. Ymer Zejnullahu, kryesues i Bordit të ZYRRE-së, ka shpjeguar se kjo rritje është për shkak të importit të energjisë elektrike dhe nevojave për vitin e ardhshëm, duke përfshirë shërbime ndihmëse si gjeneratorët që mbështesin sistemin energjetik. Ai ka shpresuar që në vitet e ardhshme çmimi i energjisë mund të bëhet më i favorshëm.
Qytetarët janë kritikuar për këtë vendim dhe kanë shpallur protesta si një hap të parë. Luan Hasanaj, iniciues i peticionit, ka paralajmëruar një fushatë bojkoti ndaj pagesës së energjisë nëse rritja e çmimit miratohet. Hasanaj ka theksuar se kjo do të ketë pasoja zinxhir për çmimet në të gjithë sektorët, duke përfshirë industrinë dhe çmimet në markete, pa veprime për balancuar këtë rritje, siç është rritja e pagave.
Shoqata e Industrisë së Qumështit të Kosovës ka kërkuar nga Qeveria të ndërhyjë për të ndaluar rritjen e çmimit të energjisë, pasi kjo do të dëmtojë rëndë sektorin e qumështit. Ata theksuan se do të ketë ndikim të drejtpërdrejtë në kostot e prodhimit të qumështit dhe në shtrenjtimin e produkteve.
Njohësit e ekonomisë, si Mustafë Kadrijaj, kanë shprehur shqetësimin se shtrenjtimi i energjisë elektrike do të ndikojë negativisht në bizneset dhe cilësinë e jetës së qytetarëve, duke kërkuar që Qeveria të mbështesë bizneset dhe qytetarët për të shmangur këtë ndikim.
Instituti Atlas ka sugjeruar se, për të ulur çmimin e energjisë, Qeveria e Kosovës duhet të heqë TVSh-në prej 18% nga faturat e energjisë dhe të zbatojë vendimet e Avokatit të Popullit për kthimin e 132.5 milionë eurove që janë paguar padrejtësisht për energjinë në veri. Sipas Institutit Atlas, zbatimi i këtyre masave do të ulte çmimin e rrymës me 36% gjatë viteve 2025 dhe 2026.
Kujtojmë se nga prilli i vitit 2023, çmimi i energjisë ishte rritur për konsumatorët që shpenzojnë më shumë se 800 kilovatë, ndërsa për ata që shpenzojnë më pak, çmimi ishte rritur në 7.79 cent për kilovat. Për më tepër, krahasuar me vitin 2013, çmimi i rrymës është dyfishuar.
Lajmet
UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric
UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric
Prof. Ferid Selimi: Kërkimi shkencor në Kosovë ka potencial, por kërkon standarde të qarta
Hugh Jackman zbulon incidentin e papritur në skenë: ‘Nuk e prisja kurrë!’
Laporta i Barcelonës dëshmon para gjykatës
Ibrahim Kadriu nderohet në 80-vjetorin e lindjes! Libri dhe titulli “Qytetar Nderi”
Si të ulni nepsin për ëmbëlsira? Këto ushqime ju vijnë në ndihmë
Letra e fundit e Mary Stuart rikthehet në ekspozim pas dekadash
Modric: Milan është klubi më i madh italian, po shijoj çdo moment
Investim 5.8 milionë euro për kompleksin modern të xhudos
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoUBT hap thirrjen për abstrakte në Konferencën Ndërkombëtare të Stomatologjisë