Lajmet

Rritet numri i pacientëve në Klinikën Infektive, shkak varianti delta

Published

4 years ago

August 9, 2021

Betim Gashi

Me rritjen e numrit të rasteve të reja COVID-19, në Klinikën Infektive është shtuar edhe numri i pacientëve që kërkojnë trajtim mjekësor. Aktualisht në këtë Klinikë po marrin trajtim mjekësor 45 pacientë, prej të cilëve tre janë në mjekim intensiv dhe në gjendje më të rëndë, ndërsa 28 të tjerë janë me oksigjenoterapi.

Ushtruesi i detyrës së drejtorit të Klinikës Infektive, Arben Vishaj ka thënë për KosovaPress, se ditëve të fundit pacientët e infektuar me COVID-19 janë kryesisht me variantin delta, për çka potencon se ky variant veçse është në fillimet e tij. Ai thotë se ditëve të fundit është rritur numri i pacientëve që i drejtohen kësaj klinike për ndihmë mjekësore, për çka kapacitetet e Klinikës Infektive kanë nisur të mbushen.

“Në Klinikën Infektive tani për tani kemi 45 pacientë, prej tyre 28 janë me oksigjenoterapi, tre i kemi në mjekimin intensiv në gjendje klinike më të rëndë… Ditëve të fundit kemi një rritje të numrit të pacientëve, kemi rritje edhe të pacientëve të infektuar. Ne çdo ditë pranojmë 8-10 pacientë, ndodh që lëshojmë një ose dy dhe kapacitetet e Klinikës dalëngadalë po fillojnë të mbushen…Ditëve të fundit IKSHPK, konkretisht departamenti i Mikrobiologjisë ka dhënë një raport që në bazë të mostrave të testuara ka dominuar varianti delta. Ne jemi të bindur se në vendin tonë tashmë ky shpërthim që është duke ndodhur, është nga varianti delta dhe e kemi të qartë që varianti delta përhapet shumë më shpejt në masë sesa variantet e tjera dhe këtë jemi duke e parë çdo ditë”, tha Vishaj.

Rritja e numrit të rasteve të reja me COVID-19, Vishaj deklaron se ka qenë e pritur dhe për këtë ai shprehet se kanë ndërmarrë masat e duhura për t’iu dalë në ndihmë pacientëve.

Vishaj thotë se pacientët që po kërkojnë ndihmë mjekësore e që janë në forma më të rënda klinike janë pacientët ende të pa vaksinuar.

“Ardhja e kësaj vale të infeksionit ka qenë e pritur, sigurisht që janë ndërmarrë masat e duhura, po ja që natyra e këtij infeksionit është e tillë me kapacitete shumë të mëdha të transmisionit te njerëzit posaçërisht të pa vaksinuar. Ne jemi duke e vërejtur se format e rënda klinike kryesisht i kemi pacientët në moshë dhe të cilët nuk janë të vaksinuar. Kemi pasur gjashtë pacientë, të cilët kanë qenë të vaksinuar, kemi pasur pacientë edhe nga shtetet perëndimore, të cilët kanë qenë të vaksinuar me vaksina që ne nuk i kemi, Johnson & Johnson, dhe me Biontech dhe e kemi vërejtur se edhe vaksinat tona dhe ato vaksina që i kanë marrë jashtë shtetit kanë qenë shumë efikase dhe këta pacientë kanë pasur patologji jashtëzakonisht të rëndë, por ia kanë dalë infeksionit me COVID për arsye se kanë qenë të vaksinuar. Lus qytetarët që të vaksinohen, posaçërisht të vaksinohen gjithsesi moshat e shtyra dhe pacientët me sëmundje të tjera shoqëruese, në mënyrë që të mos përfundojnë në Klinikën Infektive”, shprehet ai.

Infektologu Vishaj thotë se si Klinikën Infektive janë të gatshëm të përballen me ndonjë valë më të madhe të pacientëve që kërkojnë ndihmë mjekësore, por që deklaron se janë duke u koordinuar edhe me Klinikat e tjera në mënyrë që t’iu dalin në ndihmë.

Sa i përket rasteve të fëmijëve të infektuar me COVID-19, Vishaj bëri të ditur se janë tre fëmijë të hospitalizuar në Klinikën e Pediatrisë.

“Me vendim të Komitetit për COVID-19 të QKUK-së është marrë vendim që fëmijët, moshat pediatrike të trajtohen në Pediatri, mësa kam informatë unë tash i kemi tre pacientë të hospitalizuar të moshës pediatrike. Kurse në Klinikën Infektive nuk trajtohen moshat pediatrike, të cilët janë të infektuar me COVID-19”, tha Vishaj.

Vishaj ka folur edhe për rastin e një djali 8-vjeçar nga Komuna e Deçanit që po trajtohet pas infektimit me ethet e minjve. Ai tha se pacienti është pranuar ditën e premte dhe se gjendja e tij është stabile.

“Është pranuar ditën e premte pasdite, është një pacient me ethe hemorragjike me sindrom veshkor, është diagnostikuar dhe është duke u trajtuar përmes protokolleve tona standarde. Në këtë fazë ku jemi, ethet hemorragjike qoftë me sindrom veshkor, qoftë edhe ato krime kongo mund të jenë të pranishme në popullatën tonë”, tha ai.

Ndryshe, varianti Delta është më ngjitës se varianti origjinal i koronavirusit. Ky variant i virusit fillimisht u identifikua në Indi në tetor të vitit të kaluar. Simptomat më të zakonshme të variantit Delta janë rrjedhje hundësh, kollë e vazhdueshme, dhimbje e fytit, dhimbje koke dhe ethe. Sidoqoftë, tek individët plotësisht të vaksinuar simptomat janë më të lehta dhe zgjasin më pak.

Related Topics:Klinika Infektive kryesore varianti Delta

Up Next

Shqipëri, aktivizohet një vatër zjarri në zonën e Mokrës

Don't Miss

Dy të vdekur dhe 143 raste të reja me COVID-19 në Maqedoni të Veriut

Bota

Ish-udhëheqësi i Hezbollah do të varroset të dielën

Published

1 day ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

1 day ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.